દિલ્હીમાં PM મોદી વિરુદ્ધ ‘પોસ્ટર વોર’, 100 લોકો વિરુદ્ધ FIR, 6 ધરપકડ
દિલ્હીમાં PM મોદી વિરુદ્ધ પોસ્ટર વોર શરૂ થઈ ગયું છે. રાજધાનીમાં વિવિધ સ્થળોએ આ સંદર્ભે પોસ્ટર લગાવવામાં આવ્યા છે. માહિતી મળતાં, દિલ્હી પોલીસ એક્શનમાં આવી અને લગભગ 2,000 પોસ્ટરો ઉતારી લીધા, જ્યારે, આમ આદમી પાર્ટી કાર્યાલય બહારથી DDU માર્ગ તરફ જતી વેનનો કબજો લઈને, પોલીસે 2,000 થી વધુ પોસ્ટરો જપ્ત કર્યા.
Delhi Police registered 100 FIRs while 06 people were arrested for objectionable posters incl those against PM Narendra Modi across city. Posters didn't have details of the printing press. FIR filed under sections of Printing Press Act & Defacement of property Act: Special CP…
— ANI (@ANI) March 22, 2023
પોલીસે આ કારમાં બેઠેલા એક વ્યક્તિની ધરપકડ કરી હતી. પોલીસ પૂછપરછમાં બહાર આવ્યુ કે ધરપકડ કરાયેલ વ્યક્તિએ જણાવ્યું કે તેને વાહન માલિકે આમ આદમી પાર્ટીના કાર્યાલય પર પોસ્ટર પહોંચાડવા માટે કહ્યું હતું.
પોલીસે 100 થી વધુ અલગ-અલગ એફઆઈઆર નોંધતી વખતે છ લોકોની ધરપકડ પણ કરી છે.દિલ્હી પોલીસના વિશેષ કમિશનરના જણાવ્યા અનુસાર, પોલીસે આઈપી એસ્ટેટમાં એક વાન જપ્ત કરી હતી. આવા પોસ્ટરો આ વાનમાં ભરવામાં આવ્યા હતા. પૂછપરછમાં જાણવા મળ્યું કે આ પોસ્ટરો આમ આદમી પાર્ટીના કાર્યાલયથી લાવવામાં આવ્યા છે અને તેને ડીડીયુ રોડ પર લઈ જવામાં આવી રહ્યા છે.
આ કેસની તપાસ દરમિયાન પોલીસે અન્ય બે લોકોની ધરપકડ કરી હતી. જો કે આમ આદમી પાર્ટીએ હજુ સુધી આ અંગે કોઈ પ્રતિક્રિયા આપી નથી. આ મામલાની તપાસ કરી રહેલા પોલીસ અધિકારીઓના જણાવ્યા અનુસાર, આવા લગભગ 50,000 પોસ્ટરો દિલ્હીની અંદર લગાવવાના હતા. આ માટે બે પ્રિન્ટીંગ પ્રેસ મંગાવવામાં આવી હતી. રવિવારે રાતથી સોમવાર સવાર સુધી આખા શહેરમાં આ પોસ્ટરો લગાવવા માટે મોટી સંખ્યામાં લોકો પણ કામે લાગ્યા હતા.
પ્રિવેન્શન ઓફ ડિફેસમેન્ટ ઓફ પ્રોપર્ટી એક્ટનો કેસ
ત્રણ શાહદરા અને ત્રણ દ્વારક ઉપરાંત, મધ્ય, ઉત્તર પૂર્વ અને પૂર્વ જિલ્લામાં બે કેસ નોંધાયા છે અને દક્ષિણ પૂર્વ જિલ્લામાં એક કેસ નોંધવામાં આવ્યો છે. ડીસીપી નોર્થ જિતેન્દ્ર મીણાના જણાવ્યા અનુસાર, તેમના વિસ્તારમાં કોઈ ધરપકડ થઈ નથી, પરંતુ 20 કેસ નોંધાયા છે. આમાંથી મોટાભાગના કેસ પ્રિવેન્શન ઓફ ડિફેસમેન્ટ ઓફ પ્રોપર્ટી એક્ટ હેઠળ નોંધાયા છે. જેમાં પ્રેસ એન્ડ રજીસ્ટ્રેશન ઓફ બુક એક્ટની કલમો પણ લગાવવામાં આવી છે. જ્યારે સેન્ટ્રલ પોલીસે ત્રણ લોકોની ધરપકડની પુષ્ટિ કરી હતી, ત્યારે DCP પશ્ચિમ ઘનશ્યામ બંસલે જણાવ્યું હતું કે તેમના વિસ્તારમાં એક ધરપકડ થઈ છે.
