કેરળમાં કોંગ્રેસના પ્રદર્શનમાં પોલીસે ટીયર ગેસ છોડ્યા, સુધાકરન સહિત અન્ય નેતાઓ હોસ્પિટલમાં દાખલ

તિરુવનંતપુરમ (કેરળ), 23 ડિસેમ્બર: તિરુવનંતપુરમમાં યુથ કોંગ્રેસના કાર્યકરો પર પોલીસની કથિત કાર્યવાહીનો વિરોધ કરી રહેલા પક્ષના કાર્યકરોને વિખેરવા પોલીસે ટીયર ગેસના શેલ છોડ્યા હતા. વોટર કેનનનો પણ ઉપયોગ કર્યો. જેના કારણે કોંગ્રેસના પ્રદેશ અધ્યક્ષ સુધાકરન અને અન્ય નેતાઓને હોસ્પિટલમાં દાખલ કરવામાં આવ્યા હતા. ટીયર ગેસના કારણે શ્વાસ લેવામાં તકલીફની ફરિયાદ સાથે હોસ્પિટલમાં દાખલ કરાયેલા સુધાકરને કહ્યું કે આવું કૃત્ય પહેલાં ક્યારેય બન્યું નથી. તેમણે કહ્યું કે મેં વિરોધીઓ સાથે બોલવાનું બંધ કર્યું અને વિપક્ષી નેતા વીડી સતીસને બોલવાનું શરૂ કર્યું હતું જ્યારે અચાનક ટીયર ગેસના શેલ છોડવામાં આવ્યા અને વોટર કેનનનો ઉપયોગ કરવામાં આવ્યો હતો.

#WATCH | Congress workers in Kerala’s Thiruvananthapuram march to the DGP office and clash with police during a protest against alleged police action on Youth Congress workers during a demonstration on December 20 pic.twitter.com/GXiFGU6FKH

— ANI (@ANI) December 23, 2023

શું છે સમગ્ર મામલો?

આ ઘટના રાજ્યના પોલીસ હેડક્વાર્ટસની સામે બની હતી જ્યારે કોંગ્રેસના કાર્યકરો પર પોલીસ કાર્યવાહી અને CPI(M) કેડરોને છૂટ આપવાના વિરોધમાં મુખ્યમંત્રી પિનરાઈ વિજ્યન સામે પ્રદર્શન કરી રહ્યા હતા.

શશિ થરૂરે શું કહ્યું?

વિરોધ દરમિયાન પોલીસની કાર્યવાહીને ઉગ્રવાદી પગલું ગણાવતા કોંગ્રેસના સાંસદ શશિ થરૂરે કહ્યું કે 18 ટીયર ગેસના શેલ છોડવામાં આવ્યા હતા. સામાન્ય રીતે જ્યારે નેતાઓ વિરોધમાં બોલે છે ત્યારે કોઈ પગલાં લેવાતા નથી. પોલીસ કાર્યવાહી થઈ ત્યારે બધું શાંતિપૂર્ણ રીતે ચાલી રહ્યું હતું. મેં રાજ્યના પોલીસ વડા સાથે વાત કરી અને તેમણે કહ્યું કે તેમને આ અંગે કોઈ જાણકારી નથી.

કોંગ્રેસ સાંસદે આ ઘટના અંગે લોકસભાના અધ્યક્ષ સમક્ષ વિશેષાધિકાર ભંગની નોટિસ દાખલ કરવાની વાત કરી હતી. તેમણે કહ્યું કે ધારાસભ્યો પણ આવું જ કરશે. જણાવી દઈએ કે ધારાસભ્ય ઓમાન ચાંડી, અનવર સદાથ અને રાજ્યસભાના સભ્ય જેબી માથેર અને અન્ય ઘણા નેતાઓને પણ હોસ્પિટલમાં દાખલ કરવામાં આવ્યા છે.

આ પણ વાંચો: દીકરીઓને રડાવો, હેરાન કરો અને ઘરે બેસાડોની ભાજપ સરકારની રમતનીતિ : કોંગ્રેસ