ગુજરાત

ઉમરગામની સગીરાનું અપહરણ કરી દુષ્કર્મ, પોલીસે આરોપીની ધરપકડ કરી

Text To Speech

વલસાડઃ ઉમરગામ તાલુકામાં રહેતી એક 14 વર્ષીય સગીરા ભિલાડ બજારમાં ખરીદી કરવા ગઈ હતી. તે સગીરાને માંડા ગામમાં રહેતો 23 વર્ષીય યુવક ભીલાડના બજારમાંથી સગીરાનું અપહરણ કરી ગયો હતો અને નજીકમાં આવેલી ખાડી પાસે લઈ જઈ સગીરા ઉપર દુષ્કર્મ આચર્યુ હતું. ઘટનાની જાણ સગીરાના પરિવારને થતા સગીરાના પરિવારના સભ્યોએ ભિલાડ પોલીસ મથકે સગીરા ઉપર દુષ્કર્મ આચરનાર યુવક વિરુદ્ધ FIR નોંધાવી હતી.

વલસાડ જિલ્લાના ઉમરગામ તાલુકામાં રહેતી 14 વર્ષીય સગીરા એકલી ભિલાડ બજારમાં ખરીદી કરવા આવી હતી. સગીરાને માંડા ગામમાં રહેતો 23 વર્ષીય યુવક કરમબેલા ખાતે આવેલી બેરોઠા ખાડી પાસે સગીરાનું અપહરણ કરી લઈ ગયો હતો અને સગીરા ઉપર દુષ્કર્મ આચર્યુ હતું. સગીરાએ આરોપી યુવક સામે કગરતી રહી પરંતુ આરોપી યુવકે સગીરાની એક વાત ન માની સગીરા ઉપર દુષ્કર્મ આચર્યુ હતું.

આ ઘટનાની જાણ સગીરાના પરિવારના સભ્યોને થતા સગીરાના પરિવારે માંડા ગામના યુવક સામે FIR નોંધાવી હતી. ભિલાડ પોલીસે સગીરાના પરિવારની દુષ્કર્મ આચરનાર આરોપી યુવક વિરુદ્ધ FIR નોંધી આગળની તપાસ હાથ ધરી છે.

Back to top button