પીએમ મોદી જોશે વિક્રાંત મેસીની ફિલ્મ ‘The Sabarmati Report’, સંસદમાં થશે સ્ક્રીનિંગ
નવી દિલ્હી, 2 ડિસેમ્બર 2024 : પીએમ મોદી આજે બોલિવૂડ એક્ટર વિક્રાંત મેસીની ફિલ્મ ‘ધ સાબરમતી રિપોર્ટ’ જોવાના છે. ફિલ્મનું સ્ક્રીનિંગ આજે સાંજે 7 વાગ્યે દિલ્હીના સંસદ ભવનમાં થવાનું છે. આ ફિલ્મ સંસદ ભવનના બાલ યોગી ઓડિટોરિયમમાં બતાવવામાં આવશે. ફિલ્મ 2002ની ગોધરાની ઘટના પર આધારિત છે જેમાં ઘણા નિર્દોષ લોકોએ જીવ ગુમાવ્યા હતા.
દિલ્હીમાં ફિલ્મનું સ્ક્રીનિંગ થશે
વિક્રાંત મેસી, રિદ્ધિ ડોગરા અને રાશિ ખન્નાની ફિલ્મ ધ સાબરમતી રિપોર્ટ દિલ્હીના સંસદ ભવનમાં પ્રદર્શિત થઈ રહી છે. આ પ્રસંગે ફિલ્મની સ્ટાર કાસ્ટ પણ હાજર રહેશે. વિક્રાંત તેની બંને અભિનેત્રીઓ સાથે દિલ્હી આવશે. ફિલ્મનું સ્ક્રિનિંગ સાંજે 7 વાગ્યે નક્કી કરવામાં આવ્યું છે. આ દરમિયાન પીએમ મોદી સિવાય અન્ય મંત્રીઓ પણ ફિલ્મ જોઈ શકશે. આ ફિલ્મમાં ગુજરાતની ગોધરા ઘટનાની સ્ટોરી બતાવવામાં આવી છે.
View this post on Instagram
વિક્રાંત મેસીને ધમકીઓ મળી હતી
આ ફિલ્મના પ્રમોશન દરમિયાન અભિનેતા વિક્રાંત મેસીએ કહ્યું હતું કે તેને સોશિયલ મીડિયા પ્લેટફોર્મ પર સતત ધમકીઓ મળી રહી છે. ફિલ્મમાં ગોધરાકાંડની સ્ટોરી કોઈ પણ સંકોચ વિના દર્શાવવાથી ઘણા લોકો તેમનાથી નારાજ થયા હતા. તેને સતત ફોન પર ધમકીઓ મળતી હતી. એટલું જ નહીં, વિક્રાંતે એમ પણ કહ્યું કે તેના પરિવારને પણ વચ્ચે લાવવામાં આવ્યો હતો, જેથી તેને ડરાવી શકાય. આ સાથે વિક્રાંતે કહ્યું કે જો આપણે ફિલ્મ બનાવવાની હિંમત કરી શકીએ તો ચોક્કસ તેને બતાવવામાં પણ આવશે.
વિક્રાંતે નિવૃત્તિ જાહેર કરી
વિક્રાંત મેસી તેની નિવૃત્તિને લઈને ચર્ચામાં છે. તેણે તેની છેલ્લી ફિલ્મોના શૂટિંગ બાદ કામમાંથી બ્રેક લેવાની જાહેરાત કરી છે. વિક્રાંત જે ફિલ્મોનું શૂટિંગ કરી રહ્યો છે તે પછી તે અન્ય કોઈ ફિલ્મ સાઈન કરશે નહીં. વિક્રાંતે તેના પરિવારને આ પાછળનું કારણ જણાવ્યું. તેણે કહ્યું કે તે તેના પરિવાર સાથે સમય પસાર કરવા માંગે છે. ઉલ્લેખનીય છે કે વિક્રાંતના આ નિર્ણય બાદ ચાહકોને ભારે આઘાત લાગ્યો છે.
આ પણ વાંચો : દિવ્યાંગ કલ્યાણ યોજના: ૬.૨૦ લાખથી વધુ દિવ્યાંગોને રૂ. ૬૫૦ કરોડથી વધુની સહાય ચૂકવાઈ
