PM નરેન્દ્ર મોદી પહોંચ્યા હૈદરાબાદ, CM KCRએ પ્રોટોકોલ તોડ્યો
બીજેપીની રાષ્ટ્રીય કાર્યકારિણીની બેઠકમાં ભાગ લેવા માટે વડાપ્રધાન નરેન્દ્ર મોદી શનિવારે હૈદરાબાદ પહોંચ્યા હતા. આજથી બે દિવસીય કાર્યકારિણીની બેઠક શરૂ થઈ રહી છે અને બંને દિવસે પીએમ મોદી હૈદરાબાદમાં રહેશે. કાર્યકારિણીની બેઠક બાદ પીએમ મોદી રવિવારે એક વિશાળ જનસભાને પણ સંબોધિત કરશે.
વડાપ્રધાન નરેન્દ્ર મોદીએ ટ્વીટ કરીને હૈદરાબાદ પહોંચવાની માહિતી આપી હતી. તેમણે ટ્વિટમાં કહ્યું- બીજેપીની રાષ્ટ્રીય કાર્યકારિણીની બેઠકમાં ભાગ લેવા માટે ગતિTRSશીલ શહેર હૈદરાબાદમાં ઉતર્યા. આ બેઠક દરમિયાન અમે પાર્ટીને વધુ મજબૂત બનાવવા મહત્વના મુદ્દાઓ પર ચર્ચા કરીશું.
Landed in the dynamic city of Hyderabad to take part in the @BJP4India National Executive Meeting. During this meeting we will discuss a wide range of issues aimed at further strengthening the Party. pic.twitter.com/fu0z0Xrt5Z
— Narendra Modi (@narendramodi) July 2, 2022
પ્રોટોકોલ મુજબ મુખ્યમંત્રી કરે છે સ્વાગત
સામાન્ય રીતે પ્રોટોકોલ એવો હોય છે કે જ્યારે વડાપ્રધાન કોઈ રાજ્યમાં પહોંચે છે, ત્યારે રાજ્યના મુખ્યમંત્રીએ તેમને રિસીવ કરવા પહોંચવાનું હોય છે. પરંતુ તેલંગાણાના મુખ્યમંત્રી આ વખતે પણ પીએમ મોદીનું સ્વાગત કરવા એરપોર્ટ પર પહોંચ્યા ન હતા. છેલ્લા પાંચ મહિનામાં આ ત્રીજી વખત હતો જ્યારે કેસીઆર પીએમને રિસીવ કરવા પહોંચ્યા ન હતા.
કેસીઆર યશવંત સિંહાને રિસીવ કરવા પહોંચ્યા હતા
પીએમના સ્વાગત માટે તેલંગણા સરકારના માત્ર એક મંત્રી એરપોર્ટ પર હાજર હતા. આ પહેલા જ્યારે વિપક્ષ તરફથી રાષ્ટ્રપતિ પદના ઉમેદવાર બનાવવામાં આવેલા યશવંત સિંહા હૈદરાબાદ પહોંચ્યા ત્યારે કેસીઆર તેમનું સ્વાગત કરવા સમગ્ર કેબિનેટ સાથે બેગમ એરપોર્ટ પહોંચ્યા હતા. રાવે રાષ્ટ્રપતિની ચૂંટણીમાં યશવંત સિંહાને સમર્થન આપવાની જાહેરાત કરી છે.
પીએમ મોદી રેલીને સંબોધશે
ભાજપની રાષ્ટ્રીય કાર્યકારિણીની બેઠક બે દિવસ ચાલશે. આ બેઠકમાં 300થી વધુ લોકો ભાગ લેવાના છે અને પાર્ટીના લગભગ તમામ મોટા નેતાઓ તેમાં હાજરી આપશે. આ બેઠક દરમિયાન દેશના વર્તમાન રાજકીય મુદ્દાઓ પર પણ ચર્ચા થવાની સંભાવના છે. બેઠકના અંતિમ દિવસે પીએમ મોદી એક વિશાળ રેલીને સંબોધિત કરશે અને માનવામાં આવે છે કે તેલંગાણા વિધાનસભા ચૂંટણીને ધ્યાનમાં રાખીને ભાજપે તેલંગણા રાજ્યમાં રાષ્ટ્રીય કાર્યકારિણી બેઠકનું આયોજન કર્યું છે.
