ઇજિપ્તની 1000 વર્ષ જૂની મસ્જિદમાં જશે પીએમ મોદી; ગુજરાતના વહોરા સમાજ સાથે છે ખાસ ક્નેક્શન

નવી દિલ્હી: વડાપ્રધાન નરેન્દ્ર મોદી તેમની અમેરિકાની રાજકીય મુલાકાત બાદ ઇજિપ્ત પહોંચી ગયા છે. તે શનિવારે (24 જૂન, 2023) સાંજ સુધીમાં અહીં પહોંચી જશે. તેઓ દેશની 1000 વર્ષ જૂની અલ-હકીમ મસ્જિદની પણ મુલાકાત લેશે. આ મસ્જિદ દેશની રાજધાની કાહિરામાં આવેલી છે. તે દેશની ચોથી સૌથી જૂની મસ્જિદ છે અને ઇબ્ન તુલુન પછી સૌથી મોટી છે.

પીએમ મોદી માટે મસ્જિદની મુલાકાત એટલા માટે પણ ખાસ માનવામાં આવે છે કારણ કે તેનું જીર્ણોદ્ધાર દાઉદી વોહરા મુસ્લિમ સમુદાય દ્વારા કરવામાં આવ્યું હતું, જેની સાથે પીએમ મોદીનો ગાઢ સંબંધ છે. દાઉદી બોહરા મુસ્લિમ સમુદાય માટે મસ્જિદનું વિશેષ મહત્વ છે. આ સમુદાયની મોટી વસ્તી ભારતમાં રહે છે અને દાઉદી વોહરા સમુદાયના મોટાભાગના લોકો પીએમ મોદીના ગૃહ રાજ્ય ગુજરાતમાં રહે છે. રાજ્યમાં ભાજપની જીત અને શાસન માટે વડાપ્રધાન સમુદાયને અનેક વખત શ્રેય આપી ચૂક્યા છે. દાઉદી બોહરા સમુદાયની ઉત્પતિ ફાતિમી રાજવંશથી થઇ છે, જેણે 1970 ના દાયકામાં મસ્જિદનું પુનઃનિર્માણ કર્યું હતું.

PM મોદીનું દાઉદી બોહરા મુસ્લિમ સમુદાય ખાસ કનેક્શન

ગુજરાતમાં દાઉદી મુસ્લિમ સમુદાયની મોટી વસ્તી છે. વડાપ્રધાન નરેન્દ્ર મોદી ત્રણ વખત રાજ્યના મુખ્યમંત્રી પદે રહી ચૂક્યા છે અને 27 વર્ષથી ભારતીય જનતા પાર્ટીની સરકાર છે. પીએમ મોદીએ રાજ્યનું સંચાલન કરવામાં મદદ કરવા બદલ ઘણી વખત સમુદાયનો આભાર વ્યક્ત કર્યો છે. વોહરા સમુદાયના લોકો 11મી સદીમાં ભારતમાં આવ્યા અને યમનના લોકો 1539માં ગુજરાતમાં સ્થાયી થયા.

આ પહેલા પણ વડાપ્રધાન પોતાની વિદેશ યાત્રાઓ દરમિયાન વોહરા સમુદાયના લોકોને મળતા રહ્યા છે. જ્યારે તેઓ 2011માં ગુજરાતના મુખ્યમંત્રી હતા, ત્યારે તેમણે વોહરા સમુદાયના નેતા સૈયદના બુરહાનુદ્દીનના 100મા જન્મદિવસની ઉજવણી માટે સમુદાયના સભ્યોને આમંત્રણ આપ્યું હતું, અને જ્યારે 2014 માં તેમનું અવસાન થયું ત્યારે પીએમ મોદી તેમના અંતિમ સંસ્કારમાં હાજરી આપવા મુંબઈ ગયા હતા. તેઓ સૈયદના મુફદ્દલ સૈફુદ્દીનને પણ મળ્યા, જે સૈયદના બુરહાનુદ્દીનના અનુગામી છે, જેઓ હવે સમુદાયના વડા છે. આમ વોહરા સમુદાય સાથે ઇજિપ્તની મંસ્જિદ સંકળાયેલી છે અને વોહરા સમુદાય સાથે પીએમ મોદીનું ખાસ ક્નેક્શન છે.

આ પણ વાંચો- આસામના 16 જિલ્લામાં પૂરની સ્થિતિ બેકાબૂ બની, 4.89 લાખ લોકો થયા પ્રભાવિત