PM મોદી કરશે વિશ્વની સૌથી લાંબી નદી ક્રૂઝનું ઉદ્ઘાટન, કરશે 3200 KMની મુસાફરી
વડા પ્રધાન નરેન્દ્ર મોદી 13 જાન્યુઆરીએ વિશ્વની સૌથી લાંબી નદી ક્રૂઝનું ઉદ્ઘાટન કરશે. આ ક્રૂઝ ઉત્તર પ્રદેશના વારાણસીથી શરૂ થશે અને બાંગ્લાદેશ થઈને આસામના ડિબ્રુગઢ ખાતે તેની યાત્રા સમાપ્ત કરશે. 50 દિવસમાં આ ક્રૂઝ ગંગા-ભાગીરથી-હુગલી, બ્રહ્મપુત્રા અને વેસ્ટ કોસ્ટ કેનાલ સહિત 27 નદીઓની સિસ્ટમ દ્વારા 3200 કિમીની મુસાફરી કરશે.
ઉલ્લેખનીય છે કે, વડાપ્રધાન નરેન્દ્ર મોદીએ 30 ડિસેમ્બરે કહ્યું હતું કે આ ક્રૂઝ વિશ્વની સૌથી અનોખી ક્રૂઝ હશે. આનાથી ભારતના સતત વધી રહેલા પ્રવાસનને ઓળખ મળશે. હું પશ્ચિમ બંગાળના લોકોને આ તકનો પૂરો લાભ લેવા અપીલ કરું છું. પીએમ મોદીએ પશ્ચિમ બંગાળ માટે ઘણી યોજનાઓનું ઉદ્ઘાટન કરતી વખતે આ વાત કહી હતી. આ કાર્યક્રમ દરમિયાન તેમણે 13મી તારીખનો પણ ઉલ્લેખ કર્યો હતો.
રિવર ક્રૂઝ 50 પ્રવાસી કેન્દ્રોની મુલાકાત લેશે
માહિતી અનુસાર, આ ક્રૂઝ તેની યાત્રા દરમિયાન હેરિટેજ સાઇટ્સ સહિત 50 પર્યટન કેન્દ્રોની મુલાકાત લેશે. જેમાં વારાણસીની ગંગા આરતી, કાઝીરંગા નેશનલ પાર્ક અને સુંદરવનનો સમાવેશ થાય છે. આ ક્રૂઝ બાંગ્લાદેશમાં લગભગ 1100 કિમીની મુસાફરી કરશે. ટાઈમ્સ ઓફ ઈન્ડિયાના સમાચાર અનુસાર ઈન્લેન્ડ વોટરવેઝ ઓથોરિટી ઓફ ઈન્ડિયાના એક અધિકારીએ જણાવ્યું કે આ ક્રુઝનું સંચાલન ખાનગી કંપની કરશે. હાલમાં કેન્દ્ર સરકારનું સંપૂર્ણ ધ્યાન વિકાસ અને જળમાર્ગ પર છે. વિભાગ આ બાબતે વધુ ગંભીરતાથી કામ કરી રહ્યું છે. આ ક્રુઝના સફળ સંચાલન માટે નેવિગેશન સુવિધા અને જેટીની વ્યવસ્થા કરવામાં આવી રહી છે.
આ ભારતનું લક્ષ્ય છે
બંદરો, શિપિંગ અને જળમાર્ગ મંત્રી સર્બાનંદ સોનોવાલે તાજેતરમાં કહ્યું હતું કે દરિયાકાંઠા-નદી પરિવહન, ક્રુઝ સેવા કેન્દ્ર સરકારની મુખ્ય પ્રાથમિકતાઓમાં છે. વડાપ્રધાન મોદીએ કહ્યું હતું કે કેન્દ્ર સરકારે દેશમાં 100 જળમાર્ગો બનાવવાનું કામ હાથમાં લીધું છે. આ સાથે જ આ જળમાર્ગોમાં ક્રુઝ જહાજો ચલાવવાનું લક્ષ્ય પણ નક્કી કરવામાં આવ્યું છે.
આ સાથે કાર્ગો સેવાને પણ પ્રાથમિકતાઓમાં સામેલ કરવામાં આવી હતી. પ્રાચીન સમયમાં, જળમાર્ગો વેપાર અને પ્રવાસનનું સૌથી મોટું માધ્યમ હતું. આના કારણે નદીઓ અને સમુદ્રોના ઘણા કિનારાઓ સમૃદ્ધ અને વિકસ્યા. આ સાથે ત્યાં ઉદ્યોગોનો પણ વિકાસ થયો. ભારત ક્રુઝ સેવાના ટ્રાફિકને મહત્તમ બનાવવાનું લક્ષ્ય રાખે છે.
આ પણ વાંચો : નવા વર્ષ પર ઓસ્ટ્રિયા પહોંચ્યા વિદેશ મંત્રી જયશંકર
