દિલ્હી યુનિવર્સિટીના સમારોહમાં જવા માટે PM મોદીએ મેટ્રોમાં કરી સફર, મુસાફરો સાથે કરી વાતચીત
વડાપ્રધાન નરેન્દ્ર મોદીએ આજે દિલ્હી યુનિવર્સિટીના શતાબ્દી સમારોહમાં ભાગ લેવા માટે દિલ્હી મેટ્રોમાં મુસાફરી કરી હતી. આ મુલાકાત દરમિયાન પીએમ નરેન્દ્ર મોદીએ દિલ્હી મેટ્રોમાં મુસાફરો સાથે વાતચીત કરી હતી.
PM મોદીએ મેટ્રોમાં કરી મુસાફરી
દિલ્હી મેટ્રોમાં મુસાફરી કરતા અને મુસાફરો સાથે વાતચીત કરતા પીએમ મોદીના વીડિયો અને ફોટોગ્રાફ્સ પણ સામે આવ્યા છે. આ વીડિયોમાં પીએમ મોદી બાજુમાં બેઠેલા લોકો સાથે વાત કરતા જોવા મળે છે.
#WATCH | Prime Minister Narendra Modi travels by metro to attend centenary celebrations of Delhi University. pic.twitter.com/HOZ6Kb1fjM
— ANI (@ANI) June 30, 2023
દિલ્હી મેટ્રોથી ડીયુ પ્રોગ્રામની સફરના વીડિયો અને ફોટો આવ્યા સામે
પીએમ મોદી મેટ્રોના ટિકિટ કાઉન્ટર સુધી ચાલ્યા અને પછી સામાન્ય મુસાફરની જેમ મેટ્રો ટ્રેનમાં ચડવા માટે પ્રવેશદ્વાર પરથી પસાર થયા. પીએમ મોદીના આ વીડિયો અને તસવીરો વાયરલ થઈ રહી છે.પીએમ મોદીએ પણ પોતાની તસવીર શેર કરી અને ટ્વીટ કર્યું, “દિલ્હી મેટ્રોથી ડીયુ પ્રોગ્રામની સફર. મારા સહ-પ્રવાસીઓ તરીકે યુવાનોને મળવાથી હું ખુશ છું.પીયૂષ ગોયલે પીએમ નરેન્દ્ર મોદીનો વીડિયો પણ શેર કર્યો અને ટ્વીટ કર્યું, “દિલ્હી મેટ્રોમાં યુવાનોમાં પ્રધાન સેવક…”
On the way to the DU programme by the Delhi Metro. Happy to have youngsters as my co-passengers. pic.twitter.com/G9pwsC0BQK
— Narendra Modi (@narendramodi) June 30, 2023
પહેલા પણ આ રીતે કરી ચૂક્યા છે મુસાફરી
જણાવી દઈએ કે આ પહેલીવાર નથી જ્યારે પીએમ મોદીએ દિલ્હી મેટ્રોમાં સફર કરી હોય. આ પહેલા પણ પીએમ મોદી ઘણી વાર દિલ્હી મેટ્રોમાં સામાન્ય નાગરિકની જેમ મુસાફરી કરી ચૂક્યા છે.
दिल्ली मेट्रो में युवाओं के बीच प्रधान सेवक… pic.twitter.com/OeAMsJuc71
— Piyush Goyal (@PiyushGoyal) June 30, 2023
દિલ્હી યુનિવર્સિટી કેમ્પસમાં ત્રણ નવી ઈમારતોનો શિલાન્યાસ કર્યો
પીએમ મોદી દિલ્હી યુનિવર્સિટી પહોંચ્યા અને દિલ્હી યુનિવર્સિટીના કોમ્પ્યુટર સેન્ટર અને ‘ફેકલ્ટી ઓફ ટેક્નોલોજી’ બિલ્ડિંગ અને એકેડેમિક બ્લોકનો શિલાન્યાસ કર્યો. નોંધનીય છે કે દિલ્હી યુનિવર્સિટી (DU) ની સ્થાપના 1922 માં કેન્દ્રીય વિધાનસભાના અધિનિયમ દ્વારા કરવામાં આવી હતી. તેને યુનિવર્સિટી ગ્રાન્ટ્સ કમિશન દ્વારા પ્રતિષ્ઠિત સંસ્થા તરીકે માન્યતા આપવામાં આવી છે.
આ પણ વાંચો : આકાશમાંથી આફતની જેમ વરસ્યો વરસાદ ! વરસાદને પગલે રાજ્યમાં 8 લોકોના મોત, 11 ઘાયલ
