BJPના અધિવેશનમાં PM મોદીએ કહ્યું, ત્રીજી ટર્મ શાસન કરવા માટે નથી માંગી રહ્યો પણ…

નવી દિલ્હી, 18 ફેબ્રુઆરી: દિલ્હીમાં ભારત મંડપમ ખાતે ભાજપનું બે દિવસીય રાષ્ટ્રીય સંમેલન 18 ફેબ્રુઆરીએ વડાપ્રધાન નરેન્દ્ર મોદીના સંબોધન સાથે સમાપ્ત થયું. પીએમએ પોતાના 64 મિનિટના ભાષણમાં કાર્યકરોને ઊર્જા સાથે કામ કરવાનો મંત્ર આપ્યો. આ સાથે જ કોંગ્રેસ સહિત વિપક્ષો પર નિશાન સાધતા તેમણે છેલ્લા 10 વર્ષમાં તેમની સરકારની ઉપલબ્ધિઓ ગણાવી હતી.પીએમ મોદીએ કહ્યું કે, શાસન કરવા માટે ત્રીજી ટર્મ નથી માંગી રહ્યો. એમ પણ  કહ્યું કે, કોંગ્રેસ દેશના ભાગલા પાડવામાં વ્યસ્ત છે. કોંગ્રેસે સેના પર સવાલો ઉઠાવ્યા અને રાફેલના માર્ગમાં અવરોધો પણ ઊભા કર્યા. આ ઉપરાંત જૈન સંત વિદ્યાસાગરજી મહારાજ વિશે વાત કરતાં વડાપ્રધાન ભાવુક થઈ ગયા હતા.

#WATCH | Delhi: At the BJP National Convention 2024, PM Narendra Modi says, “Now the country’s dream and resolve will be bigger. Our dream and resolution is that we have to make Viksit Bharat and the next 5 years will play an important role in it. In the next 5 years, we have to… pic.twitter.com/ddH4tPoddU

— ANI (@ANI) February 18, 2024

આગામી 100 દિવસ કાર્યકરો માટે નવા ઉત્સાહથી ભરેલા છે

પીએમ મોદીએ ભાજપ અધિવેશનમાં હાજર રહેલા અને દેશના દરેક ખૂણેથી જોડાયેલા ભાજપના કાર્યકરોને અભિનંદન પાઠવ્યા હતા. તેમણે કહ્યું કે, ભાજપના કાર્યકરો દિવસના 24 કલાક, વર્ષના દરેક દિવસે દેશની સેવા કરવા માટે કંઈકને કંઈક કરતા રહે છે. હવે આગામી 100 દિવસ નવી ઊર્જા, નવા જોશ, નવા આત્મવિશ્વાસ, નવા ઉત્સાહ સાથે કામ કરવાના છે.

આપણે ભારતનો વિકાસ કરવો છે

પીએમ મોદીએ કહ્યું કે, છેલ્લા 10 વર્ષમાં ભારતે જે પ્રગતિ કરી છે તેની ગાથા દુનિયાભરમાં ગવાઈ રહી છે. મોટા સંકલ્પ સાથે મળીને દરેક ક્ષેત્રે ઊંચાઈ હાંસલ કરી છે. આ વિકસિત ભારતનો સંકલ્પ છે અને અમારું સપનું છે કે, આપણે ભારતનો વિકાસ કરવો છે. આગામી 5 વર્ષ આમાં મોટી ભૂમિકા ભજવવા જઈ રહ્યા છે, પહેલા કરતા અનેકગણી ઝડપથી કામ કરવું પડશે. આજે વિપક્ષના નેતાઓ પણ એનડીએ સરકાર વિરુદ્ધ સૂત્રોચ્ચાર કરી રહ્યા છે. NDAને 400થી આગળ લઈ જવા માટે ભાજપે 370નો માઈલસ્ટોન પાર કરવો પડશે. પીએમ મોદીએ કોંગ્રેસ પર નિશાન સાધ્યું અને તેને અસ્થિરતા, પરિવારવાદ અને તુષ્ટિકરણની માતા ગણાવી. તેમણે કહ્યું કે કોંગ્રેસ પણ ષડયંત્ર રચી રહી છે.

હું પહેલો વડાપ્રધાન છું જેણે શૌચાલય વિશે વિચાર્યું: PM મોદી

#WATCH | Delhi: At the BJP National Convention 2024, PM Narendra Modi says, “…We ensured the death penalty for crimes like rape. To deal with it quickly, special arrangements were also made. I am the first Prime Minister who raised the issue of toilets from Red Fort…I am… pic.twitter.com/elKSbVDKz8

— ANI (@ANI) February 18, 2024

રાષ્ટ્રીય અધિવેશનના સમાપન સત્રને સંબોધતા પીએમ મોદીએ કહ્યું કે, હું પહેલો વડાપ્રધાન છું જેણે શૌચાલય વિશે વિચાર્યું. મહિલાઓ વિરુદ્ધ અપમાનજનક ભાષાનો ઉપયોગ કરનારાઓ વિરુદ્ધ કાયદો લાવો. 3 કરોડથી વધુ મહિલાઓના નામે મકાનોની નોંધણી કરીને તેમને ઘરની માલિક બનાવવામાં આવી. 12 કરોડ મહિલાઓ માટે શૌચાલય બનાવ્યા. 1 રૂપિયામાં સેનિટરી પેડ્સ આપ્યા. બહેનોને આર્થિક રીતે સશક્ત બનાવ્યા, દીકરીઓને નોકરી મેળવવામાં સરળતા રહે તેવા પગલાં લીધા. એક કરોડ બહેનોને લખપતિ બનાવી. ગર્ભાવસ્થા રજા 26 અઠવાડિયા સુધી લંબાવી. અમે દીકરીઓ માટે મિલિટરી સ્કૂલના દરવાજા ખોલ્યા. આવનાર સમયમાં મહિલાઓ માટે હજુ ઘણી વધુ તકો છે.

પીએમ મોદીએ 10 વર્ષના કાર્યોની સિદ્ધિ ગણાવી

#WATCH | Delhi: At the BJP National Convention 2024, PM Narendra Modi says, “We showed courage to solve the works that had been pending for decades. By building Ram temple in Ayodhya, we ended the wait of 5 centuries…” pic.twitter.com/BeBaRr6bow

— ANI (@ANI) February 18, 2024

પીએમ મોદીએ રામ મંદિરનો ઉલ્લેખ કરતાં કહ્યું કે, અયોધ્યામાં રામ મંદિરના નિર્માણથી 5 સદીના વિલંબનો અંત આવ્યો. 500 વર્ષ પછી ગુજરાતમાં સુવર્ણ ધ્વજ લહેરાયો, 7 દાયકા પછી દેશને કલમ 370થી આઝાદી મળી, 6 દાયકા પછી કર્તવ્ય માર્ગ બન્યો, 4 દાયકા પછી વન રેન્ક-વન પેન્શન મળ્યું, 3 દાયકા પછી મહિલાઓને લોકસભા-વિધાનસભામાં અનામત મળી. અમે ટ્રિપલ તલાકનો કાયદો બનાવ્યો, નવી સંસદની રચના કરી.

ત્રીજી ટર્મમાં ભારતને વિશ્વની ત્રીજી સૌથી મોટી આર્થિક શક્તિ બનાવશે

#WATCH | Delhi: At the BJP National Convention 2024, PM Narendra Modi says, “…We are working on mission mode to make India a developed country, by 2047, when India will celebrate 100 years of independence. We have taken the resolve to make India, the world’s third-largest… pic.twitter.com/TJpD0iS2Ny

— ANI (@ANI) February 18, 2024

વડાપ્રધાન મોદીએ વિપક્ષી પાર્ટી પર આકરા પ્રહાર કરતાં કહ્યું કે, વિપક્ષને યોજનાઓ કેવી રીતે પૂર્ણ કરવી તે ભલે ખબર ન હોય, પરંતુ ખોટાં વચનો આપવાનો તેમની પાસે કોઈ જવાબ નથી. આ તમામ રાજકીય પક્ષો વચન આપતા ડરે છે. જ્યારે અમારું વચન વિકસિત ભારતનું છે. આ લોકોએ સ્વીકાર્યું છે કે, તેઓ ભારતને વિકસિત નહીં બનાવી શકે. માત્ર બીજેપી અને NDA ગઠબંધન છે જેણે આ સપનાં જોયાં છે. અમે 2047 સુધીમાં ભારતને વિકસિત બનાવવા માટે કામ કરીશું. અમે ત્રીજી ટર્મમાં ભારતને વિશ્વની ત્રીજી સૌથી મોટી આર્થિક શક્તિ બનાવવાનો સંકલ્પ કર્યો છે, આ મોદીની ગેરંટી છે.

આ પણ વાંચો: I.N.D.I.A.એ વંશવાદી પક્ષોનું ઘમંડી ગઠબંધન છે: અમિત શાહ