PM મોદીએ અમેરિકાની ફર્સ્ટ લેડીને આપ્યો 7.5 કેરેટનો ગ્રીન ડાયમંડ, રાષ્ટ્રપતિ બાઈડેનને ભેટમાં આપી આ વસ્તુ

અમેરિકાની મુલાકાતે ગયેલા વડાપ્રધાન નરેન્દ્ર મોદીએ આજે ​​વ્હાઇટ હાઉસ ખાતે અમેરિકી રાષ્ટ્રપતિ જો બિડેન અને જીલ બિડેન સાથે મુલાકાત કરી અને તેમની સાથે ભેટની આપ-લે કરી. વડા પ્રધાન નરેન્દ્ર મોદીએ ફર્સ્ટ લેડી ડૉ. જીલ બિડેનને 7.5 કેરેટનો ગ્રીન ડાયમંડ (લીલો હીરો) ભેટમાં આપ્યો હતો, જ્યારે રાષ્ટ્રપતિ જો બિડેનને ખાસ ચંદનનું બૉક્સ(ડબ્બો) આપવામાં આવ્યું હતું.

પીએમ મોદીએ ભારત વતી રાષ્ટ્રપતિ જો બિડેનને આપેલી ભેટમાં ભારતીય સંસ્કૃતિની ઝલક દેખાય છે. તેમને આપેલી ભેટમાં વિવિધતાથી ભરેલ આપણા દેશ ભારતના વિવિધ રાજ્યોનો સંગમ બનાવવામાં આવ્યો છે.

શું છે ભારતની ભેટોની વિશેષતા?

PM મોદીએ અમેરિકી રાષ્ટ્રપતિ જો બિડેનને ખાસ ચંદનનું બોક્સ અર્પણ કર્યું, જે જયપુરના એક માસ્ટર કારીગર દ્વારા હાથથી બનાવવામાં આવ્યું હતું. આ બોક્સ મૈસુર ચંદનમાંથી બનાવવામાં આવ્યું છે. આ બોક્સમાં ભગવાન ગણેશની મૂર્તિ છે. આ મૂર્તિ કોલકાતાના પાંચમી પેઢીના ચાંદીના કારીગરોના પરિવાર દ્વારા બનાવવામાં આવી છે. બોક્સમાં એક દીપક (તેલનો દીવો) પણ છે.

10 દાનમાં શું છે ખાસ?

આ કારીગરોએ આ ચાંદીનો દીવો પણ હાથથી બનાવ્યો છે. પીએમ મોદીએ આ બોક્સમાં બિડેનને 10 ચાંદીના ડબ્બા પણ આપ્યા છે, જે ભારતીય સંસ્કૃતિ અનુસાર 10 દાન સૂચવે છે. પીએમ મોદીને અમેરિકી રાષ્ટ્રપતિ જો બિડેને ભેટમાં આપેલા બોક્સમાં દસ દાનની રકમ છે. ગૌદાન (ગાયનું દાન) માટે ગાયની જગ્યાએ ચાંદીના નાળિયેર અપાયું છે, ભૂદાન (જમીનનું દાન) માટે જમીનની જગ્યાએ મૈસુર, કર્ણાટકથી લાવવામાં આવેલા ચંદનના સુગંધિત ટુકડા દ્રારા આપવામાં આવ્યા છે.

આ રાજ્યોમાંથી આ દાન અપાયેલ છે

તમિલનાડુથી લાવેલા તલ અથવા સફેદ તલ (તલના બીજનું દાન) માટે આપવામાં આવ્યું છે. રાજસ્થાનમાં તૈયાર કરાયેલ 24K શુદ્ધ અને હોલમાર્કેડ સોનાનો સિક્કો હિરણ્ય દાન (સોનાનું દાન) તરીકે આપવામાં આવ્યુ છે. પીએમ મોદીએ યુએસ રાષ્ટ્રપતિને ચાંદીનું દાન તરીકે ભેટમાં આપેલા બોક્સમાં 99.5% શુદ્ધ અને હોલમાર્કવાળો ચાંદીનો સિક્કો પણ આપ્યો છે. ગુજરાતનું લાવણ અથવા મીઠું (મીઠું દાન) પણ દાનમાં આપવામાં આવ્યું છે.

આ પણ વાંચો: રાષ્ટ્રપતિ બાઇડેન સાથે ફેમિલી ડિનરમાં સામેલ થયા PM મોદી; આજે અમેરિકન કોંગ્રેસને કરશે સંબોધિત; 10 મોટી વાતો