ભારતના પૂર્વ વડાપ્રધાન અટલ બિહારી વાજપેયીની જન્મજયંતિના અવસર પર વડાપ્રધાન નરેન્દ્ર મોદી રવિવારે સવારે જ તેમની સમાધિ પર પહોંચ્યા હતા. અહીં પીએમએ ભાજપનો પાયો નાખનાર અટલજીને શ્રદ્ધાંજલિ આપી હતી. આ દરમિયાન તેમની સાથે કેન્દ્રીય ગૃહ મંત્રી અમિત શાહ અને રક્ષા મંત્રી રાજનાથ સિંહ પણ હાજર હતા.
વાજપેયીનો ટૂંકો પરિચય
અટલ બિહારી વાજપેયીનો જન્મ 25 ડિસેમ્બર 1924માં, મધ્ય પ્રદેશના ગ્વાલિયરમાં એક બ્રાહ્મણ પરિવારમાં થયો હતો. તેમના પિતા કૃષ્ણ બિહારી વાજપોયી સ્કૂલમાં અધ્યાપક હતા. તેમની શરૂઆતની શિક્ષા ગ્વાલિયરના સરસ્વતી શિશુ મંદિરમાં અને તેના પછી ઉજ્જૈનના બારનગરના એંગ્લોવર્નાકુલર મિડિલ સ્કૂલમાં થઈ હતી. ગ્વાલિયરના વિક્ટોરિયા કોલેજમાં તેઓએ હિન્દી, સંસ્કૃત અને અંગ્રેજીમાં બીએ અને કાનપુરની ડીએવી કોલેજમાંથી રાજનીતિ શાસ્ત્રમાં એમએની ડિગ્રી મેળવી હતી.
સંઘના પ્રખર કાર્યકર, UN માં હિન્દી આપ્યું હતું ભાષણ
વાજપેયી વર્ષ 1939માં જ રાષ્ટ્રીય સ્વયં સેવક સંઘમાં જોડાયા હતા. બાદમાં આઝાદી પછી તેમને પંડિત દિન દયાળ ઉપાધ્યાય અને પછી શ્યામાપ્રસાદ મુખર્જી જેવા નેતાઓ સાથે કામ કરવાનો મોકો મળ્યો. તેઓ હંમેશા તેમના વાકકૌશલથી તમારા વિરોધીઓને પ્રભાવિત કરતા હતા. તેઓ સંયુક્ત રાષ્ટ્રમાં હિન્દીમાં ભાષણ આપવા વાળા વિશ્વના પહેલા વ્યક્તિ બન્યા હતા.
