PM મોદી ઈટાલીથી ભારત આવવા રવાના, G7 સમિટમાં ટેક્નોલોજી અને AI પર મૂક્યો ભાર
- PM મોદીએ બ્રિટિશ વડાપ્રધાન ઋષિ સુનક, ફ્રાન્સના પ્રમુખ મેક્રોન અને પોપ ફ્રાન્સિસ સહિત વિશ્વના અનેક નેતાઓ સાથે દ્વિપક્ષીય બેઠકો કરી
ઈટાલી, 15 જૂન: વડાપ્રધાન નરેન્દ્ર મોદી G7 સમિટ સમાપ્ત થયા બાદ ઈટાલીથી ભારત જવા રવાના થઈ ગયા છે. પીએમ મોદીએ બ્રિટિશ વડાપ્રધાન ઋષિ સુનક, ફ્રાન્સના પ્રમુખ ઇમેન્યુઅલ મેક્રોન અને પોપ ફ્રાન્સિસ સહિત વિશ્વના અનેક નેતાઓ સાથે દ્વિપક્ષીય બેઠકો કરી હતી. આઉટરીચ સેશનમાં ટેક્નોલોજી અને AI પર ભાર આપવામાં આવ્યો હતો. વડાપ્રધાન નરેન્દ્ર મોદીએ તેમની મુલાકાતને ઉપયોગી ગણાવી હતી અને ઈટાલીના લોકો અને સરકારનો તેમના ઉષ્માભર્યા આતિથ્ય માટે આભાર માન્યો હતો.
With world leaders at the @G7 Summit in Italy. pic.twitter.com/83gSNhNQTs
— Narendra Modi (@narendramodi) June 14, 2024
Spoke at the G7 Outreach Session on AI and Energy, Africa and Mediterranean. Highlighted a wide range of subjects, notably, the wide scale usage of technology for human progress. The rise of technology in various aspects of human life has also reaffirmed the importance of cyber… pic.twitter.com/lafxE4aJos
— Narendra Modi (@narendramodi) June 14, 2024
ટેક્નોલોજી અને AI પર ભાર
ઇટાલીના અપુલિયામાં G7 સમિટના આઉટરીચ સત્રને સંબોધતા પીએમ મોદીએ ટેક્નોલોજીમાં એકાધિકારનો અંત લાવવાનું આહ્વાન કર્યું હતું અને કહ્યું હતું કે, સર્વસમાવેશક સમાજનો પાયો નાખવા માટે તેને સર્જનાત્મક બનાવવું જોઈએ. PM મોદીએ ટેક્નોલોજી અને આર્ટિફિશિયલ ઇન્ટેલિજન્સ(AI) પર ચર્ચા કરતાં આર્ટિફિશિયલ ઇન્ટેલિજન્સ ફોર ઓલનો મંત્ર આપ્યો હતો. પીએમ મોદીએ કહ્યું કે, આર્ટિફિશિયલ ઈન્ટેલિજન્સ પર રાષ્ટ્રીય વ્યૂહરચના તૈયાર કરનાર પ્રથમ કેટલાક દેશોમાં ભારત એક છે.
વિશ્વ નેતાઓ સાથે મુલાકાત
સમિટ દરમિયાન વડાપ્રધાન મોદીએ યુએસ પ્રમુખ જો બિડેન, કેનેડાના વડાપ્રધાન જસ્ટિન ટ્રુડો, ફ્રાંસના પ્રમુખ મેક્રોન, બ્રિટિશ વડાપ્રધાન ઋષિ સુનક, યુક્રેનના પ્રમુખ ઝેલેન્સકી, ઈટાલીના વડાપ્રધાન જ્યોર્જિયા મેલોની, પોપ ફ્રાન્સિસ અને જાપાનના વડાપ્રધાન ફ્યુમિયો કિશિદા સહિત અન્ય લોકોને મળ્યા હતા. સાથે મુલાકાત કરી હતી.
ત્રીજા કાર્યકાળની પ્રથમ દ્વિપક્ષીય વાતચીત
ત્રીજી વખત સત્તા સંભાળ્યા પછી, પીએમ મોદી એક વિદેશી રાજ્યના વડાને મળ્યા અને તે ફ્રાન્સના પ્રમુખ મેક્રોન હતા. પીએમ મોદીએ પ્રમુખ મેક્રોન સાથે તેમના ત્રીજા કાર્યકાળની પ્રથમ સત્તાવાર દ્વિપક્ષીય બેઠક યોજી હતી. ભારત ઉપરાંત ઈટલીએ આફ્રિકા, દક્ષિણ અમેરિકા અને ઈન્ડો-પેસિફિક ક્ષેત્રના 11 વિકાસશીલ દેશોના નેતાઓને G7 સમિટમાં ભાગ લેવા આમંત્રણ આપ્યું હતું.
આ પણ જુઓ: કાશ્મીર પર ટિપ્પણીના કેસમાં લેખિકા અરૂંધતિ રોય સામે UAPA હેઠળ કાર્યવાહી થશે
