ન્યાયવ્યવસ્થાને મજબૂત બનાવવા આંતરરાષ્ટ્રીય સહકારની PM મોદીની હાકલ

• આંતરરાષ્ટ્રીય વકીલ પરિષદ કાર્યક્રમનું આયોજન વિજ્ઞાન ભવન, દિલ્હી ખાતે કરવામાં આવ્યું છે.

વડાપ્રધાન નરેન્દ્ર મોદીએ આજે ​​નવી દિલ્હીમાં વિજ્ઞાન ભવનમાં આંતરરાષ્ટ્રીય વકીલ પરિષદ-2023નું ઉદ્ઘાટન કર્યું. આ દરમિયાન PM મોદીએ વકીલોને પણ સંબોધિત કર્યા હતા. બાર કાઉન્સિલ ઓફ ઈન્ડિયાએ 23 અને 24 સપ્ટેમ્બરના રોજ ‘ઇમર્જિંગ ચેલેન્જિસ ઇન ધ જ્યુડિશિયલ સિસ્ટમ’ વિષય પર આંતરરાષ્ટ્રીય વકીલ પરિષદનું આયોજન કર્યું છે.

📡LIVE Now📡

PM @narendramodi addresses the International Lawyers Conference

Watch on #PIB‘s📺
Facebook: https://t.co/ykJcYlNrjj
YouTube: https://t.co/A8MAZmxZlFhttps://t.co/eVgZgEDOBv

— PIB India (@PIB_India) September 23, 2023

કોન્ફરન્સનો ઉદ્દેશ્ય રાષ્ટ્રીય અને આંતરરાષ્ટ્રીય મહત્વના ઘણા કાયદાકીય મુદ્દાઓ પર નક્કર સંવાદ અને ચર્ચા માટે એક પ્લેટફોર્મ પ્રદાન કરવાનો છે. તેનો હેતુ વિચારો અને અનુભવોના આદાનપ્રદાનને સરળ બનાવવા, આંતરરાષ્ટ્રીય સહયોગને પ્રોત્સાહન આપવા અને કાનૂની બાબતોની સમજ વધારવાનો છે.

ઈન્ટરનેશનલ લોયર્સ કોન્ફરન્સ કાર્યક્રમમાં PM મોદી ઉપરાંત ભારતના મુખ્ય ન્યાયાધીશ ડીવાય ચંદ્રચુડ, હાઈકોર્ટના ન્યાયાધીશો, વરિષ્ઠ વકીલો અને કાનૂની દિગ્ગજો આ કાર્યક્રમમાં ભાગ લેવા આવ્યા છે. આ કાર્યક્રમમાં કેન્દ્રીય કાયદા મંત્રી અર્જુન રામ મેઘવાલ, લોર્ડ ચાન્સેલર અને યુનાઇટેડ કિંગડમના ન્યાય માટેના રાજ્ય સચિવના માનનીય સભ્યો પણ હાજર રહ્યા છે.

#WATCH | One month ago, Bharat became the first nation to reach the South pole of the moon. We are working towards becoming a developed (nation) by 2047. For this, an unbiased, strong, and independent judiciary is needed… I am hoping that through this conference, we can all… pic.twitter.com/kVVRfA5oqh

— ANI (@ANI) September 23, 2023

PM મોદીએ આંતરરાષ્ટ્રીય વકીલ કોન્ફરન્સને સંબોધતાં કહ્યું કે, ‘એક મહિના પહેલા, ભારત ચંદ્રના દક્ષિણ ધ્રુવ પર પહોંચનાર પ્રથમ રાષ્ટ્ર બન્યું હતું. અમે 2047 સુધીમાં ભારતને એક વિકસિત (રાષ્ટ્ર) બનવા માટે કામ કરી રહ્યા છીએ. આ માટે એક નિષ્પક્ષ, મજબૂત અને સ્વતંત્ર ન્યાયતંત્રની જરૂર છે. હું આશા રાખું છું કે આ પરિષદ દ્વારા, આપણે બધા એકબીજા પાસેથી કંઈકને કંઈક શીખી શકીએ…. સાયબર આતંકવાદ, મની લોન્ડરિંગ, આર્ટિફિશિયલ ઈન્ટેલિજન્સ અથવા તેનો દુરુપયોગ- આ તમામ માટે આપણને વૈશ્વિક માળખાની જરૂર છે. જે એકલી સરકાર દ્વારા ન થઈ શકે, તેને વિવિધ દેશોના કાનૂની માળખાને એકસાથે જોડાવાની જરૂર છે.’

આ પણ વાંચો: ભારતની ‘ડ્રેગન’ને ઘેરવાની તૈયારી, ઈન્ડો-પેસિફિક ક્ષેત્રમાં સેના કરશે સંમેલન