PM મોદીએ સાધ્યું કૉંગ્રેસ પર નિશાન, ‘કોંગ્રેસ ‘મોદીની કબર ખોદવાનું’ સપનું જોઈ રહી છે’
પીએમ મોદીએ કર્ણાટકમાં 10 લેન બેંગલુરુ-મૈસુર એક્સપ્રેસવેનું ઉદ્ઘાટન કર્યું. આ પ્રોજેક્ટમાં નેશનલ હાઈવે-275ના બેંગલુરુ-નિદાઘટ્ટા-મૈસૂર સેક્શનને સિક્સ લેન બનાવવાનો સમાવેશ થાય છે. આ 119 કિલોમીટર લાંબો પ્રોજેક્ટ લગભગ 8,480 કરોડ રૂપિયાના કુલ ખર્ચે તૈયાર કરવામાં આવ્યો છે.
#WATCH | Congress is dreaming of 'digging a grave of Modi'. Congress is busy in 'digging a grave of Modi' while Modi is busy in building Bengaluru-Mysuru Expressway & easing the lives of poor: PM Modi in Mandya #KarnatakaElections2023 pic.twitter.com/sCA140Xwex
— ANI (@ANI) March 12, 2023
ઉદ્ઘાટન બાદ પીએમ મોદીએ રેલીને સંબોધી હતી. પોતાના સંબોધનમાં તેમણે કહ્યું કે આજે કર્ણાટકની જનતા મને આશીર્વાદ આપી રહી છે. તેમણે કહ્યું કે કર્ણાટકમાં ડબલ એન્જિનની સરકાર સતત વિકાસ કરી રહી છે. પીએમે કહ્યું કે આજે દેશભરમાં બેંગ્લોર-મૈસુર એક્સપ્રેસ વેની ચર્ચા થઈ રહી છે, તેની તસવીરો સોશિયલ મીડિયા પર વાયરલ થઈ છે.
Karnataka | In the last few days, the images of the Bengaluru-Mysuru Expressway have gone viral on social media. Youth are taking immense pride in witnessing the growth of our nation. All these projects will open up the pathways of prosperity and development: PM Modi in Mandya pic.twitter.com/FQo8AY5Kh8
— ANI (@ANI) March 12, 2023
પીએમ મોદીએ વધુમાં કહ્યું કે, ડબલ એન્જિન સરકાર કર્ણાટકના લોકોના પ્રેમનું વ્યાજ સાથે વળતર આપશે. તેમણે કહ્યું કે આજે દેશના યુવાનો આ એક્સપ્રેસ વેના ઉદ્ઘાટન પર ગર્વ અનુભવે છે. તેમણે કહ્યું કે દેશમાં આવા વધુ એક્સપ્રેસ વે બનાવવામાં આવશે. હવે બેંગ્લોરથી મૈસૂર સુધીનો પ્રવાસનો સમય અડધો થઈ ગયો છે.
‘લોકો ભારે ટ્રાફિકની ફરિયાદ કરતા હતા, પરંતુ હવે…’
પીએમ મોદીએ તેમના સંબોધનમાં કહ્યું કે, “બેંગલુરુ અને મૈસૂર કર્ણાટકના મહત્વના શહેરો છે. એક ટેક્નોલોજી માટે જાણીતું છે અને બીજું પરંપરા માટે. બંને શહેરોને ટેક્નોલોજી દ્વારા જોડવા ખૂબ જ મહત્વપૂર્ણ છે.” તેમણે કહ્યું કે લાંબા સમયથી બંને શહેરો વચ્ચે મુસાફરી કરતા લોકો ભારે ટ્રાફિકની ફરિયાદ કરતા હતા, પરંતુ હવે આ એક્સપ્રેસ વે માત્ર એક કલાકમાં આ અંતર કાપશે.
Karnataka | Before 2014, the Congress govt at the Centre left no stone unturned to ruin poor people. Congress govt looted the money which was for poor people: PM Modi in Mandya#KarnatakaElections2023 pic.twitter.com/lSRuBYiGN6
— ANI (@ANI) March 12, 2023
કોંગ્રેસે ગરીબોને બરબાદ કરી દીધા- PM
પીએમ મોદીએ વધુમાં જણાવ્યું હતું કે, “2014 પહેલા કેન્દ્રમાં કોંગ્રેસની સરકાર હતી, તે દરમિયાન તેઓએ ગરીબોને બરબાદ કરવામાં કોઈ કસર છોડી ન હતી. કોંગ્રેસ સરકારે ગરીબોના વિકાસ માટે હજારો કરોડ રૂપિયાની લૂંટ ચલાવી હતી. કોંગ્રેસે ક્યારેય ગરીબોની પીડા અને વેદનાની ચિંતા કરી નથી. તેમણે કહ્યું કે કોંગ્રેસ ‘મોદીની કબર ખોદવાનું’ સપનું જોઈ રહી છે. કોંગ્રેસ ‘મોદીની કબર ખોદવામાં’ વ્યસ્ત છે જ્યારે મોદી બેંગલુરુ-મૈસુર એક્સપ્રેસવે બનાવવા અને ગરીબોનું જીવન સરળ બનાવવામાં વ્યસ્ત છે.
‘તમે મને વોટ કરીને સેવા કરવાનો મોકો આપ્યો ત્યારે…’
પીએમ મોદીએ કહ્યું કે 2014માં જ્યારે તમે મને વોટ આપ્યો અને મને સેવા કરવાની તક આપી ત્યારે દેશમાં એક સંવેદનશીલ સરકારની રચના થઈ જે ગરીબોના દર્દ અને વેદનાને સમજે. આ પછી ભાજપની કેન્દ્ર સરકારે પૂરી ઈમાનદારીથી ગરીબોની સેવા કરવાનો પ્રયાસ કર્યો. તેમણે કહ્યું, “ગરીબોના જીવનમાંથી મુશ્કેલીઓ ઘટાડવાનો સતત પ્રયાસ કર્યો.”
Karnataka | PM Narendra Modi inaugurates Bengaluru-Mysuru expressway at a public rally in Mandya district. pic.twitter.com/OIRUQPlwq2
— ANI (@ANI) March 12, 2023
જણાવી દઈએ કે પીએમ મોદીએ મૈસુર-કુશલનગર વચ્ચે ફોર લેન હાઈવેનો શિલાન્યાસ પણ કર્યો હતો. લગભગ 4,130 કરોડ રૂપિયાના ખર્ચે 92 કિલોમીટર લાંબો રોડ પ્રોજેક્ટ વિકસાવવામાં આવશે. આ પ્રોજેક્ટ બેંગલુરુ સાથે કુશલનગરની કનેક્ટિવિટી મજબૂત કરવામાં મહત્વની ભૂમિકા ભજવશે અને તેમની વચ્ચેનો મુસાફરીનો સમય લગભગ પાંચ કલાકથી ઘટાડીને માત્ર અઢી કલાક કરવામાં મદદ કરશે.
