PHOTOS/ ભારતની પિસ્તોલ ક્વીન મનુ ભાકર છે એકદમ ગ્લેમરસ, આ રીતે પડ્યું તેનું નામ 

HD ન્યૂઝ ડેસ્ક, 28 જુલાઇ :  હરિયાણાની રહેવાસી મનુ ભાકરે પેરિસ ઓલિમ્પિક 2024માં ભારતને પહેલો મેડલ અપાવ્યો છે. તેણે 10 મીટર એર રાઈફલમાં ભારત માટે બ્રોન્ઝ મેડલ જીત્યો છે. આ રમતમાં મેડલ જીતનારી તે પ્રથમ ભારતીય મહિલા બની છે. શૂટિંગ સિવાય મનુ ભાકર ખૂબ જ  ગ્લેમરસ છે અને સોશિયલ મીડિયા પર તસવીરો શેર કરતી રહે છે.

ભારતની સૌથી નાની વયની શૂટિંગ ક્વીન મનુ ભાકર માત્ર 22 વર્ષની છે અને તેનો જન્મ 18 ફેબ્રુઆરી 2002ના રોજ થયો હતો. મનુ ભાકરને નાનપણથી જ રમતગમતમાં રસ હતો અને તેણે બોક્સિંગ સહિત અન્ય રમતોમાં પોતાને અજમાવ્યો.

2017માં આંતરરાષ્ટ્રીય ક્રિકેટમાં પ્રવેશ કર્યો
મનુ ભાકરે 2017માં આંતરરાષ્ટ્રીય ક્રિકેટમાં પ્રવેશ કર્યો હતો. તેણે 2018માં યુથ ઓલિમ્પિકમાં ગોલ્ડ મેડલ જીતીને ઈતિહાસ રચ્યો હતો. આ પછી તેની યાત્રા અટકી નહીં.

આ રીતે પડ્યું નામ 
મનુ એટલે બહાદુર અને ઝાંસીની રાણીનું પણ આ જ નામ હતું. તેની માતાએ એક ઈન્ટરવ્યુમાં જણાવ્યું હતું કે એકવાર તે મનુને એકલા મૂકીને પરીક્ષા આપવા ગઈ હતી, મનુ 4 કલાક સુધી એકલી રહી અને બિલકુલ રડી ન હતી. મનુની આ તાકાત જોઈને તેની માતાએ તેને આ નામ આપ્યું હતું.

મનુ એકદમ ગ્લેમરસ છે
શૂટિંગ સિવાય 22 વર્ષની મનુ ભાકર પણ ઘણી ગ્લેમરસ છે. સોશિયલ મીડિયા પર તેની સુંદર તસવીરો આવતી રહે છે.

સોશિયલ મીડિયા પર ખૂબ જ એક્ટિવ છે
ઈન્સ્ટાગ્રામ પર મનુ ભાકરના એક લાખ 70 હજાર ફોલોઅર્સ છે. તે હંમેશા તેના પ્રવાસની તસવીરો અને દેશ માટે જીતેલા મેડલ સોશિયલ મીડિયા પર શેર કરતી રહે છે.

ટોક્યો ઓલિમ્પિકમાં સપનું તૂટી ગયું
ટોક્યો ઓલિમ્પિકમાં પિસ્તોલની ખામીને કારણે મનુ ભાકર ફાઈનલ માટે ક્વોલિફાય ન થઈ શકી પરંતુ તેણે હાર ન માની અને જોરદાર વાપસી કરી અને પેરિસ ઓલિમ્પિકમાં બ્રોન્ઝ મેડલ જીત્યો.

આ પણ વાંચો :નીતિ આયોગની બેઠકમાં 10 રાજ્યો અને UT હાજર ન રહ્યા