ફોન બેંકિંગ કૌભાંડ અગાઉની સરકારના સૌથી મોટા કૌભાંડોમાંનું એક: PM મોદી

આજે દેશભરમાં 44 સ્થળોએ રોજગાર મેળાનું આયોજન કરવામાં આવ્યું હતું. વડાપ્રધાન આ કાર્યક્રમ સાથે વર્ચ્યુઅલ રીતે જોડાયા હતા. આ દરમિયાન તેમણે વીડિયો કોન્ફરન્સિંગ દ્વારા 70 હજારથી વધુ યુવાનોને નિમણૂક પત્રોનું વિતરણ કર્યું હતું. લોકસભા ચૂંટણી 2024 પહેલા PM મોદી સતત જનતાને ભેટો આપી રહ્યા છે. આ દરમિયાન વડાપ્રધાને કાર્યક્રમને સંબોધિત કરતા કહ્યું કે, “આજનો દિવસ દેશ માટે ઐતિહાસિક દિવસ છે. યુવાનો માટે સરકારી નોકરીમાં જોડાવાની આ એક મોટી તક છે. તમારે દેશને ગૌરવ અપાવવાનું છે.” તેમણે એમ પણ કહ્યું કે ભારત 9 વર્ષમાં 5મી સૌથી મોટી અર્થવ્યવસ્થા બની ગયું છે અને વિશ્વની 3જી સૌથી મોટી અર્થવ્યવસ્થા બનવા જઈ રહ્યું છે.

PM મોદીએ ગાંધી પરિવાર પર પણ કર્યો પ્રહારઃ

ગાંધી પરિવારનું નામ લીધા વિના પીએમ મોદીએ ગાંધી પરિવાર પર પણ પ્રહારો કર્યા અને કહ્યું કે દેશમાં એકવાર ફોન બેંકિંગ કૌભાંડ થયું હતું, અગાઉની સરકારમાં એક પરિવારના લોકો બેંકોમાંથી લોન લેતા હતા. તેમણે કહ્યું કે અગાઉની સરકારે બેંકોને નુકસાન પહોંચાડ્યું અને અમે બેંકોને લૂંટનારાઓની સંપત્તિ જપ્ત કરી.

આ પણ વાંંચો: સુરતમાં બની દુનિયાની સૌથી મોટી ઓફિસ બિલ્ડીંગ, જાણો શું છે ખાસ

PMએ કહ્યું, ‘ફોન બેંકિંગ એ પાછલી સરકારના સૌથી મોટા કૌભાંડોમાંનું એક હતું’

તેમણે કહ્યું, “9 વર્ષ પહેલા, ફોન બેંકિંગ મારા અને તમારા જેવા સામાન્ય નાગરિકો માટે નહોતું. તે સમયે, ચોક્કસ પરિવારના નજીકના કેટલાક શક્તિશાળી નેતાઓ બેંકને ફોન કરીને તેમના પ્રિયજનોને હજારો કરોડની લોન આપતા હતા. આ લોન ક્યારેય ચૂકવવામાં આવી ન હતી… અગાઉની સરકારનું આ સૌથી મોટું ફોન બેંકિંગ કૌભાંડ હતું.”

પીએમએ વધુમાં કહ્યું કે અર્થવ્યવસ્થાના વિસ્તરણમાં આપણું બેંકિંગ ક્ષેત્ર પણ મહત્વની ભૂમિકા ભજવે છે. તેમણે કહ્યું કે આજે ભારત તે દેશોમાંથી એક છે જ્યાં બેંકિંગ સેક્ટરને સૌથી મજબૂત માનવામાં આવે છે, પરંતુ નવ વર્ષ પહેલા આવું નહોતું. તેમણે વધુમાં જણાવ્યું હતું કે, જ્યારે સત્તાનો સ્વાર્થ રાષ્ટ્રહિત પર આધિપત્ય ધરાવે છે ત્યારે કેવો બગાડ થાય છે, તેના અનેક ઉદાહરણો દેશમાં છે. અગાઉની સરકાર દરમિયાન આપણા બેંકિંગ ક્ષેત્રે આ વિનાશનો અનુભવ કર્યો છે.

આ પણ વાંચો: કોરોના બાદ યુવાનોમાં હાર્ટ એટેકમાં કેમ થયો વધારો? ICMR આપશે રીપોર્ટ