પેટ્રોલ-ડીઝલના ભાવમાં ફરી વધારો: 10 દિવસમાં ચોથી વખત ભાવ વધ્યા
Petrol-diesel prices: દેશભરમાં પેટ્રોલ અને ડીઝલના ભાવમાં ફરી એકવાર વધારો કરવામાં આવ્યો છે. ઓઈલ માર્કેટિંગ કંપનીઓએ 25 મેની સવારે 6 વાગ્યાથી નવા દર અમલમાં મૂક્યા છે. આ વખતે પેટ્રોલના ભાવમાં પ્રતિ લિટર ₹2.61 અને ડીઝલના ભાવમાં ₹2.71નો વધારો કરવામાં આવ્યો છે. છેલ્લા 10 દિવસમાં આ ચોથી વખત ભાવ વધારો થયો છે, જેના કારણે સામાન્ય લોકોના ખિસ્સા પર વધુ બોજો પડ્યો છે.
રાજધાની દિલ્હીમાં હવે પેટ્રોલનો ભાવ ₹99.51થી વધીને ₹102.12 પ્રતિ લિટર થયો છે, જ્યારે ડીઝલ ₹92.49થી વધીને ₹95.20 પ્રતિ લિટર પહોંચ્યું છે. અન્ય મહાનગરોમાં પણ ભાવમાં નોંધપાત્ર વધારો જોવા મળ્યો છે. કોલકાતામાં પેટ્રોલ ₹113.51 અને ડીઝલ ₹99.82 પ્રતિ લિટર થયો છે. મુંબઈમાં પેટ્રોલ ₹111.21 અને ડીઝલ ₹97.83 પ્રતિ લિટર છે, જ્યારે ચેન્નઈમાં પેટ્રોલ ₹107.77 અને ડીઝલ ₹99.95 પ્રતિ લિટર વેચાઈ રહ્યું છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
આ પહેલાં 23 મેના રોજ પણ પેટ્રોલ અને ડીઝલના ભાવમાં વધારો કરવામાં આવ્યો હતો. તે સમયે પેટ્રોલમાં 91 પૈસા અને ડીઝલમાં 86 પૈસાનો વધારો થયો હતો. ત્યારબાદ 19 મેના રોજ પેટ્રોલમાં 87 પૈસા અને ડીઝલમાં 91 પૈસાનો વધારો કરવામાં આવ્યો હતો.
ઉલ્લેખનીય છે કે 15 મેના રોજ એપ્રિલ 2022 બાદ પ્રથમ વખત પેટ્રોલ-ડીઝલના ભાવમાં વધારો થયો હતો. તે સમયે પેટ્રોલના ભાવમાં ₹3.14 અને ડીઝલમાં ₹3.11 પ્રતિ લિટરનો વધારો કરવામાં આવ્યો હતો.
વારંવાર થતા ભાવવધારાના કારણે પરિવહન ખર્ચમાં વધારો થવાની શક્યતા છે, જેના કારણે રોજિંદા જીવનમાં ઉપયોગી વસ્તુઓના ભાવ પર પણ અસર પડી શકે છે. સામાન્ય નાગરિકો માટે આ વધતા ઇંધણના ભાવ ચિંતાનો વિષય બન્યા છે.
ગુજરાતમાં શું છે સ્થિતિ?
ગુજરાતમાં પણ ભાવવધારાની સીધી અસર જોવા મળી રહી છે. અમદાવાદમાં પેટ્રોલનો ભાવ અંદાજે ₹99.23 પ્રતિ લિટર અને ડીઝલનો ભાવ ₹94.33 પ્રતિ લિટર સુધી પહોંચી ગયો છે. ગાંધીનગર, જામનગર, આણંદ અને અન્ય શહેરોમાં પણ ડીઝલના ભાવ ₹94થી ₹95 પ્રતિ લિટરની વચ્ચે છે.
આ પહેલાં 23 મે, 19 મે અને 15 મેના રોજ પણ પેટ્રોલ-ડીઝલના ભાવમાં વધારો કરવામાં આવ્યો હતો. સતત વધી રહેલા ઇંધણના ભાવને કારણે પરિવહન ખર્ચમાં વધારો થવાની શક્યતા છે, જેના કારણે રોજિંદા જીવનમાં ઉપયોગી ચીજવસ્તુઓના ભાવ પર પણ અસર પડી શકે છે. વૈશ્વિક ક્રૂડ ઓઈલના ભાવમાં તેજી અને મધ્યપૂર્વની સ્થિતિને કારણે આગામી દિવસોમાં પણ ભાવમાં અસ્થિરતા રહેવાની શક્યતા વ્યક્ત કરવામાં આવી રહી છે.
