શ્રાદ્ધમાં દેવી દેવતા અને અને પૂર્વજોની આત્માની શાંતિ માટે પિંડ દાન કરવામાં આવે છે. હિન્દુ ધર્મની માન્યતાઓ અનુસાર, પિંડ દાન એ મોક્ષ મેળવવાનો એક સહજ અને સરળ માર્ગ છે. જોકે પિંડ દાન દેશભરમાં ઘણી જુદી જુદી જગ્યાએ કરવામાં આવે છે, પરંતુ આમાંના કેટલાક ખાસ સ્થળોએ, પિંડ દાન કરવું વધુ સારું માનવામાં આવે છે. આ વખતે પિતૃ પક્ષ 10 સપ્ટેમ્બર એટલે કે આજથી 25 સપ્ટેમ્બર સુધી ચાલશે.તો ચાલો જોઈએ ભારતમાં ક્યાં ક્યાં સ્થળે પિંડદાન કરવામાં આવે છે.
1. ગયા : બિહારના ફલ્ગુ કિનારે આવેલા ગયામાં પિંડ દાનનું ખૂબ મહત્વ છે. એવું માનવામાં આવે છે કે ભગવાન દશરથની આત્માની શાંતિ માટે ભગવાન રામ અને દેવી સીતાએ ગયામાં પિંડ દાન કર્યું હતું. ગયાને વિષ્ણુનું શહેર માનવામાં આવે છે. આ મોક્ષની ભૂમિ કહેવાય છે.
2. હરિદ્વાર : એવું માનવામાં આવે છે કે હરિદ્વારની નારાયણી શીલા પર તર્પણ ચઢાવવાથી પૂર્વજોને મોક્ષ પ્રાપ્ત થાય છે. પુરાણોમાં પણ તેનો ઉલ્લેખ છે. પિત્રુ પક્ષ દરમિયાન, વિશ્વભરના ભક્તો અહીં તેમના પૂર્વજોની આત્માઓને શાંતિ માટે પ્રાર્થના કરવા આવે છે.
3. વારાણસી : વારાણસી ભગવાન શિવનું ખૂબ જ પવિત્ર શહેર છે. દૂર દૂરથી લોકો અહીં આવે છે અને તેમના પૂર્વજોને પિંડ દાન આપે છે. અસ્થિ વિસર્જન અને શ્રાદ્ધની વિધિ બનારસના ઘણા ઘાટ પર કરવામાં આવે છે.
4. બદ્રીનાથ : ચાર ધામોમાંનું એક બદ્રીનાથ શ્રાદ્ધ કર્મ માટે મહત્વનું માનવામાં આવે છે. બદ્રીનાથના બ્રહ્મકપાલ ઘાટ પર સૌથી વધુ ભક્તો પિંડ દાન કરે છે. અહીંથી નીકળતી અલકનંદા નદી પર પિંડ દાન કરવામાં આવે છે.
5. અલ્હાબાદ : સંગમ ખાતે પૂર્વજોને તર્પણ અર્પણ કરવું શ્રેષ્ઠ માનવામાં આવે છે. પિંડ દાન કરવા માટે અહીં આવવાનું એક અલગ મહત્વ છે. અલાહાબાદમાં પિતૃ પક્ષ પર એક વિશાળ મેળાનું પણ આયોજન કરવામાં આવે છે. દૂર -દૂરથી લોકો અહીં પૂર્વજોનું શ્રાદ્ધ કરવા આવે છે.
6. મથુરા : ભગવાન કૃષ્ણનો જન્મ મથુરામાં થયો હતો, તેથી પુરાણોમાં આ પવિત્ર સ્થળનું ઘણું મહત્વ છે. મથુરામાં ભગવાન કૃષ્ણના ઘણા ધાર્મિક સ્થળો છે. અહીંયા વાયુતિર્થ પર પિંડ દાન કરવામાં આવે છે. લોકો મથુરામાં તર્પણ કરીને લોકો તેમના પૂર્વજોને પ્રસન્ન કરે છે.
7. જગન્નાથ પુરી : ચાર ધામની યાત્રાને પુણ્યની પ્રાપ્તિ માનવામાં આવે છે. જગન્નાથ પુરી (ઓડિશા) ચાર ધામોમાંનું એક છે. અહીં પૂર્વજોની આત્માની શાંતિ માટે પ્રાર્થના કરવામાં આવે છે. પુરી શહેરમાં પિંડ દાનની એક અલગ માન્યતા છે.
