આ રાશિના લોકો હોય છે હરવા-ફરવાના ખૂબ શોખીન, એક જગ્યાએ રોકાતા નથી!

• જ્યોતિષશાસ્ત્રમાં કેટલીક રાશિઓ એવી છે કે જે લાંબા સમય સુધી એક જગ્યા પર રોકાઈ શકતી નથી. જીવનમાં ભલે ગમે તે ચાલી રહ્યું હોય, પરંતુ આ રાશિના જાતકો ફરવા માટેનો સમય કાઢી જ લે છે

હરવા ફરવાનો શોખ આમ તો ઘણા લોકોને હોય છે, પરંતુ કેટલાક લોકો એવા પણ હોય છે કે દેશ-દુનિયાનું ભ્રમણ કરવું તેમના માટે જીવનનો એક માત્ર હેતુ બની જાય છે. જ્યોતિષશાસ્ત્રમાં કેટલીક રાશિઓ એવી છે કે જે લાંબા સમય સુધી એક જગ્યા પર રોકાઈ શકતી નથી. તેઓ હરવા-ફરવાના ખૂબ શોખીન હોય છે, જીવનમાં ભલે ગમે તે ચાલી રહ્યું હોય, પરંતુ આ રાશિના જાતકો ફરવા માટેનો સમય કાઢી જ લે છે. જાણો કઈ છે આ રાશિઓ

મેષ રાશિ

મેષ રાશિના જાતકો પ્રવાસની બાબતમાં સૌથી આગળ માનવામાં આવે છે. જો તમારા મિત્ર વર્તુળમાં કોઈ એવી વ્યક્તિ છે જેની પાસે હંમેશા મુસાફરી કરવાનો કોઈ પ્લાન હોય, તો તે વ્યક્તિની રાશિ મેષ હોઈ શકે છે. તેની પર એક નજર કરો. આ રાશિના લોકો નવી જગ્યાઓ પર જવાનું પસંદ કરે છે, તેમની પાસે અન્ય કોઈ વસ્તુ માટે સમય ભલે ન હોય, પરંતુ જ્યારે મુસાફરીની વાત આવે છે, ત્યારે તેઓ સમય કાઢી જ લે છે. મેષ રાશિવાળા લોકોને મુસાફરી કરવા માટે કોઈ પાર્ટનર ન મળે તો તેઓ એકલા પણ પ્રવાસ પર જઈ શકે છે. ઘણીવાર તેઓ એવી જ નોકરી કરે છે જેમાં તેમને મુસાફરી કરવાનો મોકો મળે છે.

સિંહ રાશિ

આ રાશિનું પ્રતીક સિંહ છે અને આ રાશિના લોકોનું વલણ તેવું જ હોય છે. જેમ સિંહ માટે કોઈ પ્રતિબંધ નથી, તેવી જ રીતે સિંહ રાશિના લોકો પણ કોઈ મર્યાદામાં માનતા નથી. આ રાશિના લોકો અજાણ્યા શહેર કે દેશમાં ફરવા જતા અચકાતા નથી. જેમ જીવન જીવવા માટે હવા જરૂરી છે, તેવી જ રીતે આ રાશિના લોકો માટે મુસાફરી પણ ખૂબ જ મહત્ત્વની છે. જ્યારે પણ તેમને જીવનમાં નવી પ્રેરણાની જરૂર હોય ત્યારે તેઓ તેમની બેગ પેક કરીને ક્યાંક બહાર જઈ આવે છે.

તુલા રાશિ

આ રાશિના લોકો સર્જનાત્મક અને કળાપ્રેમી માનવામાં આવે છે. આ લોકો તેમની સર્જનાત્મકતાને વધુ નિખારવા માટે અનેક જગ્યાની યાત્રાઓ કરે છે. મુસાફરી તેમના માટે દવા જેવું કામ કરે છે. જ્યારે પણ તેઓ તેમના જીવનમાં તણાવ અનુભવે છે, ત્યારે તેઓ કોઈ ખુલ્લી જગ્યાએ ફરવા જતા રહે છે. આ રાશિના જાતકોની ખાસ વાત એ છે કે તેઓ એકલા મુસાફરી કરવાનું પસંદ કરતા નથી, પરંતુ મિત્રો, પરિવાર અથવા તેમના લવપાર્ટનર સાથે ફરવા જવાનું પસંદ કરે છે. કદાચ આ જ કારણ છે કે આ રાશિના લોકોનું સામાજિક જીવન ઘણું સારું માનવામાં આવે છે.

ધન રાશિ

આ રાશિના લોકો તેમના પગમાં જાણે પાંખો લઈને જન્મે છે. ફરવાનો એક નાનકડો ઈશારો પણ તેમને માઈલો દૂરની યાત્રા પર પહોંચાડી શકે છે. ગુરુના સ્વામિત્વવાળી ધન રાશિના જાતકો જેટલા વધુ એકાંતમાં રહે છે તેટલા વધુ ક્રિએટિવ અને પ્રોડક્ટિવ બને છે અને આ એકાંતની શોધમાં તેઓ તેમની આસપાસના લોકોથી બહૂ દૂર જઈ શકે છે. ટ્રાવેલિંગ તેમના માટે માત્ર શોખ નથી, પરંતુ તેમના જીવનને એક નવી મંઝિલ મળવાનું કારણ પણ છે.

આ પણ વાંચોઃ મે મહિનામાં શનિ બદલશે ચાલ, જાણો કઈ પાંચ રાશિઓનો થશે ભાગ્યોદય