વાયનાડ ભૂસ્ખલન પીડિતોની મદદ માટે આગળ આવ્યા લોકો, ચા વેચતી મહિલાએ જુઓ કેટલું દાન કર્યું ?

વાયનાડ, 02 ઓગસ્ટ : કેરળના વાયનાડમાં ભૂસ્ખલનમાં અત્યાર સુધીમાં 290 લોકોના મૃત્યુથી સમગ્ર દેશમાં શોકનું મોજુ ફરી વળ્યું છે. ભારતીય સેના અને ડિઝાસ્ટર મેનેજમેન્ટ ટીમ બચાવ કાર્યમાં લાગેલી છે. હવે સામાન્ય હોય કે ખાસ દરેક વ્યક્તિ મદદ માટે હાથ લંબાવી રહ્યા છે. દરમિયાન, કેરળની એક વૃદ્ધ મહિલાએ ભૂસ્ખલન પીડિતોની મદદ માટે પોતાની કમાણી અને સમગ્ર પેન્શન દાન કરીને માનવતાનું અનોખું ઉદાહરણ સ્થાપિત કર્યું છે. મહિલા કેરળના કોલ્લમ જિલ્લામાં ચાનો સ્ટોલ ચલાવે છે અને વાયનાડમાં થયેલી દુર્ઘટનાથી દુઃખી છે. આ જ કારણ છે કે જ્યારે રાજ્ય સરકારે લોકોને મદદ માટે અપીલ કરી ત્યારે મહિલાએ આર્થિક સંકટ વચ્ચે પણ માનવતાવાદી કાર્ય તરીકે પોતાની કમાણીનું દાન કર્યું.

આ પણ વાંચો : વાયનાડ ભૂસ્ખલન: મૃત્યુઆંક 290એ પહોંચ્યો, 40 ટીમો ગુમ થયેલા લોકોને શોધવામાં વ્યસ્ત, IMDનું ફરી એલર્ટ

સીએમ ડિઝાસ્ટર રિલીફ ફંડમાં 10,000 રૂપિયાનું આપ્યું દાન

કોલ્લમના પલ્લીટોત્તમ વિસ્તારમાં રહેતી સુબૈદા ચાની નાની દુકાન ચલાવે છે. સુબૈદા અને તેમના પતિએ સીએમ ડિઝાસ્ટર રિલીફ ફંડમાં 10,000 રૂપિયાનું દાન આપ્યું છે. દંપતીએ તેમના ચાના સ્ટોલની કમાણી તેમજ પેન્શનની રકમ દાનમાં આપી દીધી. સુબૈદાએ કહ્યું કે તેણીએ થોડા દિવસો પહેલા તેની લોન પર વ્યાજની રકમ ચૂકવવા માટે બેંકમાંથી પૈસા ઉપાડ્યા હતા, પરંતુ તેણે ટીવી પર જોયું કે વાયનાડ દુર્ઘટના પીડિતોને મદદ કરવા માટે દાનની અપીલ કરવામાં આવી હતી.

કલેક્ટર કચેરીમાં જઈને પૈસા દાનમાં આપ્યા

સુબૈદાએ કહ્યું કે, ‘મારા પતિએ તરત જ મને દુર્ઘટનાના પીડિતોની મદદ માટે પૈસા આપવાનું કહ્યું. તેમણે કહ્યું કે લોન પરનું વ્યાજ ચૂકવી શકાય છે પરંતુ દુર્ઘટનામાં સર્વસ્વ ગુમાવનારા લોકોની મદદ કરવી પણ વધુ જરૂરી છે. તેથી અમે કલેક્ટર કચેરીમાં જઈને પૈસા દાનમાં આપ્યા. સુબૈદાએ કહ્યું કે ‘જો તે પૈસા ભેગા કરે અને તે દરમિયાન તેને કંઈક થઈ જાય, તો ન તો વ્યાજ ચૂકવાય અને ન તો આ પૈસા કોઈને મદદમાં આવી શકે.’

આ પણ વાંચો : ચમત્કાર! વાયડનાડ ઘટનાના ચાર દિવસ પછી સૈન્યે ચાર જણને જીવિત બચાવ્યા