paytmએ લીધો મોટો નિર્ણય: બોર્ડના સભ્યોનો પગાર કાપવાની યોજના

નવી દિલ્હી, 22 ઓગસ્ટ, Paytmની પેરેન્ટ કંપની One97 કોમ્યુનિકેશને કહ્યું કે તેના બોર્ડ ઓફ ડિરેક્ટર્સે વેતન રિવિઝનનો મુખ્ય વિકલ્પ અપનાવવાનું વિચાર્યું છે. કંપનીની AGM 12 સપ્ટેમ્બર 2024ના રોજ યોજાવાની છે અને તે પહેલા જ કંપનીના બોર્ડે આ પ્રસ્તાવ પર ચર્ચા કરવાનો નિર્ણય લીધો છે. Fintech કંપની Paytm તેની નાણાકીય સ્થિતિને મજબૂત કરવા માટે સતત કામ કરી રહી છે. આ માટે તેણે તાજેતરમાં ઘણા મોટા નિર્ણયો લીધા છે. તેણે તેની વાર્ષિક સામાન્ય સભા (AGM) પહેલા આવા એક નિર્ણયની જાહેરાત કરી છે. આમાં, કંપનીએ બોર્ડ ઓફ ડિરેક્ટર્સની વાર્ષિક ચૂકવણી (ઓનરેરિયમ અથવા પગાર) ઘટાડવાનો પ્રસ્તાવ મૂક્યો છે.

20 લાખ રૂપિયાનો હિસ્સો નિશ્ચિત 

Paytmના બોર્ડ ઓફ ડિરેક્ટર્સે 12 સપ્ટેમ્બરે યોજાનારી વાર્ષિક સામાન્ય સભા પહેલા ડિરેક્ટર્સના પગારમાં મોટા સુધારાનો નિર્ણય લીધો છે. આ અંતર્ગત દરેક નોન-એક્ઝિક્યુટિવ ઈન્ડિપેન્ડન્ટ ડાયરેક્ટરનું વેતન 48 લાખ રૂપિયા સુધી મર્યાદિત રહેશે, જેમાં 20 લાખ રૂપિયાનો હિસ્સો નિશ્ચિત રહેશે. અગાઉ, Paytm બોર્ડના નોન-એક્ઝિક્યુટિવ ઈન્ડિપેન્ડન્ટ ડાયરેક્ટર આશિત રણજીત લીલાનીનો વાર્ષિક પગાર 1.65 કરોડ રૂપિયા નક્કી કરવામાં આવ્યો હતો. જ્યારે ગોપાલસમુદ્રમ શ્રીનિવાસરાઘવન સુંદરરાજનનો પગાર 2.07 કરોડ રૂપિયા છે. Paytm કહ્યું કે તે નાણાકીય શિસ્ત અને સુશાસન માટે પ્રતિબદ્ધ છે. તેથી, તે બોર્ડના સભ્યોના પગાર માટે એક નવું માળખું તૈયાર કરી રહ્યું છે, જેના પર તે એજીએમ દરમિયાન શેરધારકોની પરવાનગી પણ લેશે. કંપનીનો પ્રસ્તાવ છે કે સુધારેલ પગાર માળખું દરેક નોન-એક્ઝિક્યુટિવ ઇન્ડિપેન્ડન્ટ ડિરેક્ટરની વાર્ષિક ચુકવણી મહત્તમ 3. 48 લાખ કરશે.

48 લાખથી વધુ ચૂકવવામાં આવશે નહીં.

જો વાર્ષિક સાધારણ સભામાં આ દરખાસ્ત મંજૂર થશે તો બોર્ડના સભ્યોના પગારમાં મોટો કાપ આવશે. Paytm ની પેરન્ટ કંપની One97 Communications Limited એ આ પ્રસ્તાવ વિશે શેરબજારને જાણ કરી. કંપનીના બોર્ડમાં તમામ નોન-એક્ઝિક્યુટિવ ઈન્ડિપેન્ડન્ટ ડિરેક્ટર્સને 48 લાખ રૂપિયાનું વાર્ષિક વળતર આપવામાં આવશે. આનો અર્થ એ થયો કે નોન-એક્ઝિક્યુટિવ ઈન્ડિપેન્ડન્ટ ડિરેક્ટર્સને વાર્ષિક રૂ. 48 લાખથી વધુ ચૂકવવામાં આવશે નહીં.

Paytmના કેટલાક બોર્ડ મેમ્બર્સને હાલમાં 2 કરોડ રૂપિયાથી વધુનું પેમેન્ટ મળી રહ્યું હતું. પેટીએમના બોર્ડમાં નોન-એક્ઝિક્યુટિવ ઈન્ડિપેન્ડન્ટ ડાયરેક્ટર અસિત રણજીત લીલાનીને વાર્ષિક 1.65 કરોડ રૂપિયાનો પગાર આપવામાં આવતો હતો. આ સિવાય અન્ય નોન-એક્ઝિક્યુટિવ ઈન્ડિપેન્ડન્ટ ડાયરેક્ટર ગોપાલસમુદ્રમ શ્રીનિવાસરાઘવન સુંદરરાજનનો વાર્ષિક પગાર 2.07 કરોડ રૂપિયા હતો.

આ પણ વાંચો..OnePlus Buds Pro 3 ભારતમાં થયો લોન્ચ: એક જ ચાર્જ પર ચાલશે 43 કલાક, ડિસ્કાઉન્ટ સેલમાં છે ઉપલબ્ધ