આવતીકાલે રીલીઝ થશે પઠાણ, જાણો પોલીસ નો એક્શન પ્લાન
શાહરુખ ખાનની ફિલ્મ પઠાણનું ટ્રેલર રીલીઝ થયું એ દિવસથી જ વિવાદ શરૂ થઈ ગયો હતો ત્યારે આવતીકાલે ફિલ્મ રીલીઝ થઈ રહી છે તો અમદાવાદ પોલીસ દ્વારા એલર્ટ જાહેર કરવામાં આવ્યું છે. કોઈ અનિચ્છનીય ઘટના ન બને તે હેતુથી પોલીસ દ્વારા આ પગલું ભરવામાં આવ્યું છે.
આ પણ વાંચો : 32 ગ્રામ મેફેડ્રોન સાથે એક આરોપીને પકડી પાડતી અમદાવાદ શહેર SOG
પઠાણ ફિલ્મ આવતીકાલે રીલીઝ થવાની છે ત્યારે અમદાવાદના તમામ મલ્ટીપ્લેક્સમાં પોલીસ સુરક્ષા પૂરી પાડશે. શહેરના તમામ મલ્ટીપ્લેક્સમાં આવતીકાલે એક પોલીસ સબ ઇન્સ્પેકટર અને ત્રણ હેડ કોન્સ્ટેબલ તૈનાત રહેશે. તણાવ વાળા વિસ્તારોમાં વધુ સુરક્ષા પ્રદાન કરવામાં આવશે તેવું પોલીસ અધિકારીઓએ જણાવ્યું હતું.
આ પણ વાંચો : સુરતમાં દિલ્હી જેવી ઘટના, યુવકને 12 કિલોમીટર સુધી ઢસડ્યો, પોલીસને મળી મોટી સફળતા
ઉલ્લેખનીય છે કે મલ્ટીપ્લેક્સ ઍસોસિયેશન અને સિંગલ સ્ક્રીન સિનેમા ના માલિકો સાથે શહેર પોલીસના ઉચ્ચ અધિકારીઓએ આ બાબતે બેઠકો કરી હતી. એસોશીએશન ના પ્રમુખે જણાવ્યું હતું કે તેમણે રાજ્ય પોલીસ વડા અને શહેર પોલીસ વડા સાથે આ અંગે બેઠક કરી હતી અને તેમણે શહેરના લગભગ 50 મલ્ટીપ્લેક્સ અને રાજ્યના 200 જેટલા મલ્ટીપ્લેક્સમાં સુરક્ષાની ખાતરી આપી છે. સુરક્ષાને ધ્યાનમાં રાખીને કોઈપણ અનિચ્છનીય બનાવ ન બને તે માટે પોલીસ દ્વારા સાયબર સેલ ને પણ એલર્ટ કરી દેવામાં આવ્યું છે.
