બોલીવુડમાં કિંગ ખાનના 30 વર્ષ પૂરા, ફિલ્મ ‘પઠાણ’નું પોસ્ટર કર્યું શેર

હિન્દી સિનેમાના સુપરસ્ટાર શાહરૂખ ખાને બોલિવૂડમાં 30 વર્ષ પૂર્ણ કરવા પર પોતાના ફેન્સને એક ખાસ ભેટ આપતા તેની અપકમિંગ ફિલ્મ ‘પઠાણ’ની રિલીઝ ડેટની જાહેરાત કરી છે. પોતાના લુકને જાહેર કરતા કિંગ ખાને સોશિયલ મીડિયા પર મોશન પોસ્ટર પણ શેર કર્યું છે.

Here it is ! Solo Poster of Pathan Starring Shah Rukh Khan and Another poster with John Abraham. ????????#Pathan #SRK #ShahRukhKhan #JohnAbraham #DeepikaPodukone pic.twitter.com/WpEBwU85Qq

— mahaa.. (@MahaSRK1) April 22, 2021

આ પોસ્ટરમાં શાહરૂખ ખતરનાક લુકમાં જોવા મળી રહ્યો છે. પોસ્ટર શેર કરતા શાહરૂખ ખાને કેપ્શનમાં લખ્યું- ’30 વર્ષ… તમારો પ્રેમ અને સ્મિત અનંત છે. ચાલો હવે ‘પઠાણ’ વિશે વાત કરીએ. આ ફિલ્મ 25 જાન્યુઆરી, 2023ના રોજ હિન્દી, તમિલ અને તેલુગુ ભાષાઓમાં રિલીઝ થઈ રહી છે.

શાહરૂખના આ ખાસ દિવસની સુંદર ઉજવણી વિશે વાત કરતા, દિગ્દર્શક સિદ્ધાર્થ આનંદે કહ્યું – શાહરૂખ ખાનના 30 વર્ષ ભારતીય સિનેમાના ઇતિહાસમાં એક સિનેમેટિક ક્ષણ છે અને અમે તેના લાખો ચાહકો સાથે વૈશ્વિક સ્તરે તેની ઉજવણી કરી રહ્યા છીએ.

તેણે આગળ કહ્યું – ‘આજે શાહરૂખ ખાનનો દિવસ છે અને આપણે તેના વિશે દુનિયાને જણાવવાની જરૂર છે. સિનેમામાં તેમની અવિશ્વસનીય સફર દરમિયાન અમને બધાને આપેલી અગણિત યાદો અને સ્મિત માટે SRKનો આભાર માનવાની આ ટીમ પઠાણની રીત છે. ‘પઠાણ’માંથી શાહરૂખ ખાનનો લૂક ઘણો સાચવવામાં આવ્યો હતો. વિશ્વભરના ચાહકો લાંબા સમયથી તેના લુકને રિલીઝ કરવાની માંગ કરી રહ્યા છે, પરંતુ અમને લાગ્યું કે તેને રિલીઝ કરવા માટે આનાથી વધુ સારો દિવસ ન હોઈ શકે. મને આશા છે કે લોકો અને શાહરૂખના ચાહકોને પઠાણમાંથી તેનો લુક ગમશે.

30 yrs and not counting cos ur love & smiles have been infinite. Here’s to continuing with #Pathaan.

Celebrate #Pathaan with #YRF50 on 25th January, 2023. Releasing in Hindi, Tamil and Telugu. @deepikapadukone | @TheJohnAbraham | #SiddharthAnand | @yrf pic.twitter.com/tmLIfQfwUh

— Shah Rukh Khan (@iamsrk) June 25, 2022

પઠાણ તરીકે શાહરૂખના દેખાવ વિશે વાત કરતાં, સિદ્ધાર્થ કહે છે, “તે આ એક્શન થ્રિલરમાં ‘આલ્ફા મેન ઓન ધ મિશન’ છે જે ભારતમાં એક્શન શૈલીમાં એક નવો માપદંડ સ્થાપિત કરશે. જ્યારે તમારી ફિલ્મમાં શાહરૂખ ખાન, દીપિકા પાદુકોણ અને જ્હોન અબ્રાહમ જેવા સુપરસ્ટાર છે, ત્યારે તમારે દરેક બાબતમાં તેજસ્વી હોવા જોઈએ અને મને નથી લાગતું કે પઠાણ સાથે અમે ક્યાંય પણ દર્શકોને નિરાશ કરીશું.

આ ફિલ્મમાં શાહરૂખ ખાન ઉપરાંત દીપિકા પાદુકોણ અને જોન અબ્રાહમ પણ જોવા મળશે. ‘પઠાણ’ 25 જાન્યુઆરી, 2023ના રોજ હિન્દી, તમિલ અને તેલુગુમાં રિલીઝ થશે.