પાટણની સ્વિમર ત્રિપુટી પાંચ રાજ્યોની ઝોન કક્ષામાં ઝળકી

પાલનપુર:પાટણની બાળ સ્વિમર તરીકે નામના મેળવેલી સૃષ્ટિ પટેલ સહિત ત્રણ બાળ સ્વીમર ત્રિપુટીએ મધ્યપ્રદેશના ભોપાલ ખાતે યોજાયેલી પાંચ રાજ્યોની સીબીએસઇ સ્કૂલોની ઝોનલકક્ષાની વેસ્ટઝોન સ્વિમિંગ ચેમ્પિયનશિપ સ્પર્ધામાં સૃષ્ટિ પટેલે ત્રણ ગોલ્ડ, વૃષ્ટિ પટેલે ત્રણ ગોલ્ડ બે બ્રોન્ઝ અને વિહાંગ સાલવીએ ત્રણ ગોલ્ડ મેડલ મેળવી નેશનલ કક્ષાએ ગુજરાતનું પ્રતિનિધિત્વ કરવા પોતાનું નામ અંકિત કરી સમગ્ર પાટણ જિલ્લાનું ગૌરવ વધાર્યું છે.

ભોપાલમાં યોજાયેલી ઝોનલ કક્ષાની સ્પર્ધામાં સૃષ્ટિએ ત્રણ ગોલ્ડ મેળવ્યા

સ્વિમિંગ ફેડરેશન ઓફ ઇન્ડિયા ઓલિમ્પિક એસોસિયેશન સંલગ્ન એમ.પી. સ્ટેટ એક્વાટિક એસોસિએશન દ્વારા ભોપાલ ખાતે ગુજરાત, મધ્યપ્રદેશ, રાજસ્થાન, દીવ, દમણ એમ પાંચ રાજ્યોની સીબીએસઇ શાળાઓની ઝોનલ લેવલની વેસ્ટ ઝોન ચેમ્પિયન અંડર 17 સ્પર્ધાનું આયોજન કરાયું હતું.જેમાં પાટણની બાર વર્ષની સૃષ્ટિ દીક્ષિતભાઈ પટેલે કુલ ત્રણ ગોલ્ડ મેડલ,પાટણની વૃષ્ટિ મેહુલભાઈ પટેલે ત્રણ ગોલ્ડ મેડલ અને બે બ્રોન્ઝ મેડલ તેમજ પાટણના વિહાંગ આશીષભાઈ સાલવીએ અંડર 11 મા ત્રણ ગોલ્ડ મેડલ મેળવ્યા હતા. સૃષ્ટિ પટેલ અગાઉ પણ સ્વિમિંગની વિવિધ સ્પર્ધાઓમાં, ખેલ મહાકુંભમાં તેમજ રાજ્યકક્ષાની ચેમ્પિયનશીપમાં ગોલ્ડ અને સિલ્વર મેડલ મેળવી ચૂકી છે. ત્યારે મધ્યપ્રદેશના ભોપાલ ખાતે યોજાયેલી આ સ્પર્ધામાં પાટણના ત્રણેય સ્વીમરો એ કુલ 11 મેડલ મેળવી સૌથી આગામી નેશનલ કક્ષાની સ્વિમિંગ સ્પર્ધામાં ગુજરાતનું પ્રતિનિધિત્વ કરવા પોતાનું નામ અંકિત કર્યું છે.

આ પણ વાંચો :ગુજરાતના 6 IAS અધિકારીઓની બદલી, જાણો કોને ક્યાં મુકાયા

• સૃષ્ટિ પટેલે મેળવેલ મેડલ મેળવ્યા : 200 મીટર ફ્રી સ્ટાઇલ, 200 મીટર આઈએમ, 100 મીટર બટરફ્લાયમાં ગોલ્ડ મેડલ
• વૃષ્ટિએ ત્રણ ગોલ્ડ બે બ્રોન્ઝ મેળવ્યા : 100 મીટર બટરફલાય, 200 મીટર બટરફ્લાય, 200 મીટર બેકમાં ગોલ્ડ તેમજ 200 મીટર આઈએમ અને 50 મીટર બટરફ્લાયમાં બ્રોન્ઝ મેડલ
• વિહાંગે ત્રણ ગોલ્ડ મેડલ મેળવ્યા: 200 મીટર આઈએમ, 100 મીટર ફ્રી સ્ટાઇલ, 50 મીટર ફ્રી સ્ટાઇલમા ગોલ્ડ મેડલ