અલાસ્કામાં ક્રુઝ આઈસબર્ગ સાથે અથડાતા મુસાફરોમાં અફરાતફરી : ટાઈટેનિક જેવી દુર્ઘટના ટળતાં રાહત
નવી દિલ્હી, 11 સપ્ટેમ્બર : અલાસ્કામાં કાર્નિવલ ક્રૂઝ લાઇન જહાજ બરફ સાથે અથડાયું હતું. જે બાદ મુસાફરોએ આ ઘટનાની સરખામણી ‘ટાઈટેનિક મોમેન્ટ’ સાથે કરી હતી. જોકે, બરફ સાથે અથડાવાને કારણે જહાજ અને મુસાફરોને કોઈ નુકસાન થયું ન હતું અને તપાસ બાદ જહાજ તેની મુસાફરી પર આગળ વધ્યું હતું.
મળતી માહિતી મુજબ, આ ક્રુઝનું સંચાલન કરતી કંપનીએ ફોક્સ બિઝનેસને આપેલા નિવેદનમાં જણાવ્યું હતું કે, ગત ગુરુવારે અલાસ્કાના ટ્રેસી આર્મ ફજોર્ડમાં જહાજ બરફના મોટા ટુકડા સાથે અથડાયું હતું. કંપનીએ એક નિવેદનમાં જણાવ્યું હતું કે આ ઘટના બાદ કંપનીએ ક્રૂઝ શિપ પર બરફની અસરનું મૂલ્યાંકન કર્યું અને નિષ્કર્ષ પર આવ્યા કે જહાજને કોઈ નુકસાન થયું નથી.
આ પણ વાંચોઃ મદરેસા શિક્ષણ સામે બાળ અધિકાર પંચે દાખલ કરી એફિડેવિટઃ જાણો શું કહ્યું?
ફોક્સ બિઝનેસના એક અહેવાલ અનુસાર, કાર્નિવલે કહ્યું, જહાજ તેના ક્રૂઝ પર ચાલુ રાખ્યું અને તેની કામગીરી પર કોઈ અસર થઈ નથી. જહાજનું અંતિમ મુકામ સિએટલ, વોશિંગ્ટન છે અને તે મંગળવારે પહોંચ્યું હતું. બરફ સાથે અથડાવાની ઘટના ગયા અઠવાડિયે બની હતી.
