ક્રેશ થયાની ગણતરીની સેકન્ડો પહેલા પેસેન્જર્સ પ્લેનમાંથી કૂદી પડ્યા, જૂઓ આ વીડિયો
HD News Desk (અમદાવાદ), 19 માર્ચ: ઇન્ટરનેટ પર રોજેરોજ મજેદાર વાયરલ વીડિયો સામે આવે છે. ક્યારેક વીડિયો જોઈને લોકો હસી-હસીને લોટપોટ થઈ જાય છે, તો કેટલાક વીડિયો રૂવાંડા ઊભા કરી દે છે. હાલમાં જ એક એવો ખતરનાક વીડિયો સામે આવ્યો છે, જેનો જોઈને તમારા હોશ ઉડી જશે. પ્લેન ક્રેશના આ ભયાનક વીડિયોમાં જોઈ શકાય છે કે, પ્લેન ક્રેશ થતાં પહેલા કેવી રીતે પેસેન્જર્સ કૂદીને પોતાનો જીવ બચાવે છે. આ દ્રશ્ય ચોક્ક્સપણે તમારા શ્વાસ અધ્ધર કરી દેશે.
જીવ બચાવવા પેસેન્જર્સ પ્લેનમાંથી કૂદી પડ્યા
Passengers eject from plane just before it crashes pic.twitter.com/DNJZ9fGxem
— Interesting Clips (@interesting_aIl) March 15, 2024
વીડિયોમાં એક પ્લેન રહેણાંક વિસ્તારો ઉપર ઉડતું જોવા મળે છે. આ દરમિયાન, નીચે ઊભેલા લોકો તેને જોઈ રહ્યા છે અને કેટલાક વીડિયો બનાવી રહ્યા છે. જો કે, અચાનક જ પ્લેનમાં ખામી સર્જાઈ છે. અંદર બેઠેલા પેસેન્જર્સ પોતાનો જીવ બચાવવા તળાવ પરથી પસાર થતી વખતે પેરાશૂટની મદદથી નીચે કૂદતા જોવા મળે છે. વીડિયો રેકોર્ડ કરી રહેલા લોકો આ જોઈને દંગ રહી જાય છે. બીજી તરફ, લોકોને પ્લેનમાંથી કૂદતા જોઈને વીડિયો બનાવનારા બૂમાબૂમ કરી નાખી હતી. તેઓ કંઈ વિચારે કે કંઈ પણ કરે તે પહેલાં જ પ્રચંડ વિસ્ફોટ થયો અને આગની જ્વાળાઓ સાથે ધુમાડાના ગોટેગોટા દૂર સુધી દેખાવા લાગ્યા.
વીડિયો જોઈને લોકો હોશ ઉડી ગયા
આ વીડિયોને X પર @interesting_aIlના એકાઉન્ટ પર શેર કરાયો છે. આ ખતરનાક 48 સેકન્ડના વીડિયોને અત્યાર સુધી 16.7 મિલિયન લોકો જોઈ ચૂક્યા છે. એક યુઝરે કોમેન્ટ કરતાં લખ્યું કે, એવું લાગી રહ્યું છે કે, જેટલા લોકો કૂદ્યા છે, તેમાંથી બે લોકો પોતાનો જીવ બચાવી શક્યા નથી. અન્ય એકે સવાલ કર્યો કે, આખરે તેમને કેવી રીતે ખબર પડી કે, પ્લેન ક્રેશ થવાનું છે. ત્રીજા એક યુઝરે લખ્યું કે, એવું લાગે છે કે, કેટલાક લોકો તેમના પેરાશૂટ ખોલી શક્યા નથી.
આ પણ વાંચો: એલ્વિશ યાદવનો સાપ સાથેનો વીડિયો થયો વાયરલ, આ પંજાબી સિંગરની પણ મુશ્કેલીઓ વધી
