બસમાં તો મુસાફરોને સીટ માટે ઝઘડતા જોયા છે પણ આ તો ફ્લાઇટમાં બાખડ્યા, માર્યા એકબીજાને મુક્કા, વીડિયો થયો વાયરલ

• ફ્લાઇટમાં બે મુસાફરો વચ્ચે મારામારીનો વીડિયો થઈ રહ્યો છે વાયરલ
• મુસાફરોઓ સીટ માટે કરી હતી મારામારી, આ બનાવ ઈવીએ એરનો હોવાનું કહેવાઈ રહ્યું છે

HD ન્યૂઝ ડેસ્ક, 11 મે: બસ કે ટ્રેનમાં મુસાફરો વચ્ચે કોઈને કોઈ મુદ્દે ઝઘડા ઘણી વાર અરાજકતાનું કારણ બને છે. આવા વિવાદોના ઘણા વીડિયો પણ સોશિયલ મીડિયા પર વાયરલ થાય છે. લેટેસ્ટ વીડિયોમાં ફ્લાઇટની અંદર બે લોકો એકબીજા સાથે ઝઘડતા જોવા મળે છે. આ કેસ EVA એર સાથે સંબંધિત છે જ્યારે તે તાઈવાનથી કેલિફોર્નિયા સુધી કુલ 11.50 કલાકની મુસાફરી કરી રહી હતી.

વિવાદ ત્યારે શરૂ થયો જ્યારે પડોશી મુસાફરની સતત ખાંસીને કારણે એક મુસાફર પોતાની સીટ બદલવા માંગતો હતો. આમ કરતી વખતે તે અજાણતામાં બીજા મુસાફરની ખાલી પડેલી સીટ પર બેસી ગયો. ધ ન્યૂ યોર્ક પોસ્ટના અહેવાલ મુજબ, તે પોતાની સીટ પર આવતાની સાથે જ ત્યાં કોઈ અન્યને જોઈને ગુસ્સે થઈ ગયો અને બંને વચ્ચે દલીલ શરૂ થઈ ગઈ. વિવાદ એટલો વધી ગયો કે બંને મુસાફરો મારામારી પર આવી ગયા અને એક બીજાને મુક્કા મારવા માંડ્યા.

અહીં જૂઓ વીડિયો:

Yesterday, a fierce fight broke out on an EVA Air flight BR08 bound from Taiwan to San Francisco. Two passengers engaged in a heated argument over an empty seat, which quickly escalated into a physical altercation.

#EVAir #passengershaming #cabincrew #FlightAttendants pic.twitter.com/ZfTYQzXp8w

— A Fly Guy’s Crew Lounge (@AFlyGuyTravels) May 8, 2024

સોશિયલ મીડિયા પ્લેટફોર્મ X પર શેર કરવામાં આવેલા વીડિયોમાં ફ્લાઈટ એટેન્ડન્ટ ઝઘડાને શાંત કરવાનો પ્રયાસ કરતા જોઈ શકાય છે. આ મારામારીમાં ફ્લાઈટ એટેન્ડન્ટને પણ માખાના ભાગમાં ભુલથી ઈજા થઈ હતી. ઝઘડો વધી જતાં મુસાફરોએ બૂમો પાડવાનું શરૂ કર્યું અને ક્રૂએ તેમને છોડાવવાનો પ્રયાસ શરૂ કર્યો. આખરે, ફ્લાઇટ તેના ગંતવ્ય સ્થાન પર ઉતર્યા પછી, સંબંધિત મુસાફરોની ધરપકડ કરવામાં આવી હતી.

ફ્લાઈટમાં ઝઘડા સિવાય ડાન્સ, ગાવા અને બૂમો પાડવા જેવી વસ્તુઓ ઘણી વખત વાયરલ થઈ છે. આકાશમાં હજારો ફૂટ ઊંચા વિમાનની અંદર આ બધું આશ્ચર્યજનક છે. એક દિવસ પહેલા પણ એક ચોંકાવનારી ઘટના પ્રકાશમાં આવી હતી. TikTok પર વાયરલ થયેલો વીડિયો સાઉથવેસ્ટ એરલાઈન્સનો છે.

જેમાં એક મહિલા ફ્લાઈટમાં ઓવરહેડ લગેજ લોકરમાં જઈને સૂઈ ગઈ હતી. ટ્રેનની બર્થ હોય તેમ તે લગેજ લોકરમાં સુતી હતી. મહિલાની આ હરકતથી નીચેની સીટ પર બેઠેલા મુસાફરો આશ્ચર્યચકિત થઈ ગયા હતા. કોઈએ મહિલાની આ વિચિત્ર ક્રિયાનો વીડિયો બનાવ્યો અને તેને @gmonique_123 ID થી TikTok પર શેર કર્યો. જો કે હજુ સુધી એ સ્પષ્ટ થયું નથી કે આ મહિલા પેસેન્જર હતી કે ફ્લાઈટ ક્રૂની સભ્ય હતી.

આ પણ વાંચો: ચશ્માં ચડાવી, દર્દીઓના વોર્ડમાં સ્કૂટી પર ફરતી નર્સને જોઈ આશ્ચર્ય-આઘાત