ભાઈના જન્મદિવસે આખી રાત કરી પાર્ટી, સવારે ઉઠતાની સાથે જ ત્રીજા માળેથી લગાવી છલાંગ, જૂઓ CCTV

• ઈન્દોરમાં એક યુવકે હોસ્ટેલના ત્રીજા માળેથી કૂદીને આત્મહત્યા કરી હતી. યુવકે તેના પિતરાઈ ભાઈના જન્મદિવસ પર આખી રાત પાર્ટી કરી હતી. પોલીસ આ મામલે તપાસ કરી રહી છે

ઈન્દોર, 12 મે: મધ્યપ્રદેશની આર્થિક રાજધાની ઈન્દોરમાં એક ચોંકાવનારો કિસ્સો પ્રકાશમાં આવ્યો છે. ભાઈના જન્મદિવસે હોસ્ટેલમાં આખી રાત પાર્ટી કર્યા બાદ એક યુવકે ત્રીજા માળની ટેરેસ પરથી કૂદીને આત્મહત્યા કરી હતી. મામલો લસુડિયા પોલીસ સ્ટેશન વિસ્તારનો છે. આત્મહત્યાનું કારણ હજુ સુધી જાણી શકાયું નથી. ઘટનાના સીસીટીવી ફૂટેજ પણ પ્રકાશમાં આવ્યા છે. આત્મહત્યા કરનાર યુવક રવિ ગોચર મૂળ રાજસ્થાનનો હતો.

આખી રાત કરી પાર્ટી

પ્રાપ્ત માહિતી અનુસાર 24 વર્ષીય રવિ લસુડિયા પોલીસ સ્ટેશન વિસ્તારમાં બોયઝ હોસ્ટેલમાં કેરટેકર તરીકે કામ કરતો હતો. પિતરાઈ ભાઈ અભિષેક પણ નજીકની હોસ્ટેલમાં કેરટેકર છે. પિતરાઈ ભાઈ અભિષેકે જણાવ્યું કે તેનો જન્મદિવસ હોવાથી પાર્ટી ટેરેસ પર રાખવામાં આવી હતી. મોડી રાત સુધી પાર્ટી ચાલુ રહી હતી. અહીં દારૂ પણ પીધો હતો. રવિ સવારે અચાનક ઊંઘમાંથી જાગી ગયો હતો અને ત્રીજા માળની છત પરથી કૂદીને આત્મહત્યા કરી લીધી હતી.

પોલીસ આ મામલે કરી રહી છે તપાસ

મામલાની માહિતી મળતા જ સ્થાનિક પોલીસ ઘટના સ્થળે પહોંચી ગઈ હતી. રવિના મૃતદેહને પોસ્ટમોર્ટમ માટે મોકલવામાં આવ્યો છે. રાજસ્થાનમાં આ ઘટના અંગે મૃતકના પરિવારજનોને જાણ કરવામાં આવી છે. સબ ઈન્સ્પેક્ટર મહેન્દ્ર મસાકરેએ જણાવ્યું કે રવિ ગોચર રાજસ્થાનનો રહેવાસી હતો. તે એક વર્ષ પહેલા જ હોસ્ટેલમાં નોકરી કરવા આવ્યો હતો. રવિ કેરટેકર તરીકે કામ કરતો હતો. પોલીસ આત્મહત્યાના કારણોની તપાસ કરી રહી છે.

અહીં જૂઓ CCTV

इंदौर से दिल दहलाने वाला लाइव वीडियो
सुसाइड का लाइव वीडियो सामने आया
युवक ने छत से कूद कर दे दी अपनी जान
सुसाइड की घटना सीसीटीवी कैमरे में कैद
पुलिस ने युवक के मोबाइल जब्त कर
पूरे मामले की जांच शुरू कर दी है। pic.twitter.com/GqZzSTcgCL

— Umesh Bhardwaj (ABP NEWS) (@umeshindore) May 12, 2024

કોઈની સાથે ઝઘડો થયાની શક્યતા

CCTV વીડિયો જોતા લાગે છે કે તેનો કોઈ સાથે વિવાદ થયો હશે. કારણ કે જ્યારે તે છત પરથી કૂદવા જઈ રહ્યો હતો ત્યારે નજીકમાં અન્ય ત્રણ લોકો પણ હાજર હતા. વીડિયો જોઈને લાગે છે કે તેને કૂદતા કોઈ રોકતું નથી. થોડી જ વારમાં તે છત પરથી કૂદીને મૃત્યુ પામે છે.

આ પણ વાંચો: બાઇક અકસ્માતનો આ Video તમને હચમચાવી દેશે, ફ્લાયઓવરની દિવાલ સાથે અથડાતા ત્રણેય યુવકો નીચે પટકાયા