ગુજરાતનું હૃદય અમદાવાદ શહેરના વિધાનસભા ચૂંટણીના લેખાજોખા – પાર્ટ 2

ગુજરાતમાં ચૂંટણી જાણે કે તહેવાર હોય તેમ મનાવાઇ રહી છે. તેવામાં આ વખતે ચૂંટણીમાં વિકાસની સાથે સાથે જાતી અને ધર્મનો મુદ્દો તો છે અને મોંઘવારી તથા બેકારીની ચર્ચા થઇ રહી છે. જેમાં ગુજરાતમાં ખાસ ગણાતો જીલ્લો અમદાવાદ છે. તેમાં વિધાનસભાની ચૂંટણીમાં 21 બેઠક માટે સમગ્ર અમદાવાદ જીલ્લામાં સામાજિક સમીકરણો અને જાતિગત સમીકરણો પર રાજકારણ કરવામાં આવે છે, એટલે કે ઉમેદવારોને નક્કી કરાય છે. તથા તેમને જીત પણ જનતા અપાવે છે. અમદાવાદની આ બેઠકો પર બીજા તબક્કામાં 5 ડિસેમ્બરે ચૂંટણીનું આયોજન કરવામાં આવ્યું છે. તો આવો જાણીએ 2012, 2017ના ઐતિહાસિક ચૂંટણીના આંકડાઓ…

બાપુનગર બેઠક:

ગુજરાત વિધાનસભાની અમદાવાદ શહેરની બાપુનગર વિધાનસભા બેઠકમાં અમદાવાદ મહાનગરપાલિકાના બાપુનગર, રખિયાલ અને સરસપુર વોર્ડના વિસ્તારનો સમાવેશ થાય છે. અમદાવાદ શહેરની બાપુનગર વિધાનસભા બેઠકની રચના નવા સીમાંકનમાં કરવામાં આવી છે.

વર્ષ 2012માં ભાજપના જગરૂપસિંહ ગીરદાનસિંહ રાજપૂતને 51058 મત મળ્યા હતા. તથા શ્યાની ધીરુભાઈ ઠાકરશીભાઈને 48455 મત મળ્યા હતા. જેમાં જગરૂપસિંહને 2630 મતથી જીત્યા હતા. વર્ષ 2017માં કોંગ્રેસના પટેલ હિંમતસિંહ પ્રહલાદસિંહને 58785 મત મળ્યા હતા. તથા ભાજપના જગરૂપસિંહ ગીરદાનસિંહને 55718 મત મળ્યા હતા. જેમાં હિંમતસિંહ 3067 મતથી જીત્યા હતા. જેમાં બાપુનગર બેઠકના વિસ્તારની સંખ્યાની વાત કરીએ તો તેમાં 108687 જેટલા પુરુષોની સંખ્યા છે. તથા 98328 મહિલા મતદાર છે. તેમજ નાન્યતર જાતિમાં 13 મતદાર નોંધાયેલા છે. તેથી કુલ મતદોરોની સંખ્યા 207028 છે. જે ઉમેદવારનું ભાવી નક્કી કરશે.

અમરાઇવાડી બેઠક:

ગુજરાત વિધાનસભામાં કુલ 182 બેઠકો આવેલી છે. આ 182 વિધાનસભા બેઠકમાં ઠક્કરબાપાનગર વિધાનસભા બેઠક 50માં ક્રમાંકે છે. વર્ષ 2008માં થયેલા નવા સીમાંકન બાદ અમરાઈવાડી વિધાનસભા બેઠક અસ્તિત્વમાં આવી છે.

વર્ષ 2012માં ભાજપના હસમુખભાઈ સોમાભાઈ પટેલને 108683 મત મળ્યા હતા. તથા કોંગ્રેસ નાગઢવી બિપીનભાઈ ગોપાલભાઈને 43258 મત મળ્યા હતા. જેમાં હસમુખભાઈ 65425 મતથી જીત્યા હતા. વર્ષ 2017માં ભાજપના પટેલ હસમુખભાઈ સોમાભાઈ (એચ.એસ. પટેલ)ને 105694 મત મળ્યા હતા. તથા કોંગ્રેસના ચૌહાણ અરવિંદસિંહ વિશ્વનાથસિંહને 55962 મત મળ્યા હતા. જેમાં હસમુખભાઈ 49732 મતથી જીત્યા હતા. જેમાં અમરાઇવાડી બેઠકના વિસ્તારની સંખ્યાની વાત કરીએ તો તેમાં 157295 જેટલા પુરુષોની સંખ્યા છે. તથા 138868 મહિલા મતદાર છે. તેમજ નાન્યતર જાતિમાં 9 મતદાર નોંધાયેલા છે. તેથી કુલ મતદોરોની સંખ્યા 29617 છે. જે ઉમેદવારનું ભાવી નક્કી કરશે.

દરિયાપુર બેઠક:

રાજકીય નિષ્ણાંતોનું માનવું છે કે, આ સીટ પર જીત મેળવવી હોય તો એસસી ઉમેદવારને ટીકીટ આપવી જરૂરી છે. જો ભાજપ એસસી ઉમેદવારને ટીકીટ આપે અને આ સાથે જ આપના ઉમેદવાર અને AIMIMના ઉમેદવાર પણ ચુંટણી લડે તો તેના કારણે બીજેપીને જીત મળી શકે છે. અલબત્ત આ જીત પણ ટૂંકા માર્જિનની રહે તેવી પ્રબળ શક્યતા છે.

વર્ષ 2012માં કોંગ્રસના ગ્યાસુદ્દીન હબીબુદ્દીન શેખને 60967 મત મળ્યા હતા. તથા ભાજપના ભરત બારોટને 58346 મત મળ્યા હતા. જેમાં ગ્યાસુદ્દીન 2621 મતથી જીત્યા હતા. વર્ષ 2017માં કોંગ્રેસના શેખ ગ્યાસુદ્દીન હબીબુદ્દીનને 63712 મત મળ્યા હતા. તથા ભાજપના ભરત બારોટને 57525 મત મળ્યા હતા. જેમાં 6187 મતથી જીત્યા હતા. જેમાં દરિયાપુર બેઠકના વિસ્તારની સંખ્યાની વાત કરીએ તો તેમાં 107775 જેટલા પુરુષોની સંખ્યા છે. તથા 102334 મહિલા મતદાર છે. તેમજ નાન્યતર જાતિમાં 12 મતદાર નોંધાયેલા છે. તેથી કુલ મતદોરોની સંખ્યા 210121 છે. જે ઉમેદવારનું ભાવી નક્કી કરશે.

જમાલપુર-ખાડીયા બેઠક:

જમાલપુર ખાડિયા બેઠક ભાજપનો ગઢ માનવામાં આવે છે, પરંતુ વર્ષ 2017માં કોંગ્રેસે આ સીટ પર બાજી મારી લીધી હતી. ભાજપ નેતા ભૂષણ ભટ્ટના પિતા અશોક ભટ્ટે ખાડિયા વિધાનસભા બેઠક પર વર્ષ 1980થી વર્ષ 2007 સુધી સતત 8 ટર્મ સુધી જીત મેળવી હતી, પરંતુ ભૂષણ ભટ્ટ આ સીટ પર માત્ર બે ટર્મ સુધી જ કામ કરી શક્યા હતા. વર્ષ 2012માં નવા સીમાંકન બાદ ખાડિયા અને જમાલપુરની સીટને ભેગી કરી દેવામાં આવી હતી.

વર્ષ 2012માં ભાજપના ભૂષણ અશોક ભટ્ટને 48058 મત મળ્યા હતા. તથા કોંગ્રેસના સમીરખાન વજીરખાન સિપાઈને 41727 મત મળ્યા હતા. જેમાં ભૂષણ અશોક ભટ્ટ 6331 મતથી જીત્યા હતા. વર્ષ 2017માં કોંગ્રેસના ઈમરાન યુસુફભાઈ ખેડાવાલાને 75346 મત મળ્યા હતા. તથા ભાજપના ભૂષણ અશોક ભટ્ને 46007 મત મળ્યા હતા. જેમાં ઈમરાન યુસુફભાઈ ખેડાવાલા 29339 મતથી જીત્યા હતા. જેમાં જમાલપુર-ખાડીયા બેઠકના વિસ્તારની સંખ્યાની વાત કરીએ તો તેમાં 110333 જેટલા પુરુષોની સંખ્યા છે. તથા 107451 મહિલા મતદાર છે. તેમજ નાન્યતર જાતિમાં 3 મતદાર નોંધાયેલા છે. તેથી કુલ મતદોરોની સંખ્યા 217787છે. જે ઉમેદવારનું ભાવી નક્કી કરશે.

મણીનગર બેઠક:

વર્ષ 2002થી 2014 સુધી મણિનગર બેઠક પર પૂર્વ મુખ્યમંત્રી અને વડાપ્રધાન નરેન્દ્ર મોદીએ ભારતીય જનતા પાર્ટીની જીતનો પરચમ લહેરાવ્યો હતો. આ બાદ 2014માં જ્યારે ગુજરાતના વડાપ્રધાન તરીકે તે ચૂંટાયા બાદ આ બેઠક પર પેટા ચૂંટણી લડવામાં આવી.

વર્ષ 2012માં ભાજપના નરેન્દ્ર મોદીને 120470 મત મળ્યા હતા. તથા કોંગ્રેસના ભટ્ટ શ્વેતા સંજીવને 34097 મત મળ્યા હતા. જેમાં નરેન્દ્ર મોદી 86373 મતથી જીત્યા હતા. વર્ષ 2017માં ભાજપના પટેલ સુરેશભાઈ ધનજીભાઈને 116113 મત મળ્યા હતા. તથા કોંગ્રેસના બ્રહ્મભટ્ટ શ્વેતાબેન નરેન્દ્રભાઈને 40914 મત મળ્યા હતા. જેમાં સુરેશભાઈ 75199 મતથી જીત્યા હતા. જેમાં મણીનગર બેઠકના વિસ્તારની સંખ્યાની વાત કરીએ તો તેમાં 143519 જેટલા પુરુષોની સંખ્યા છે. તથા 133411 મહિલા મતદાર છે. તેમજ નાન્યતર જાતિમાં 5 મતદાર નોંધાયેલા છે. તેથી કુલ મતદોરોની સંખ્યા 276935 છે. જે ઉમેદવારનું ભાવી નક્કી કરશે.

દાણીલીમડા બેઠક:

દાણીલીમડા વિધાનસભા બેઠક અસ્તિત્વમાં આવી તે પહેલા શહેર કોટડા બેઠક પર 1975થી કોંગ્રેસનો પ્રભુત્વ રહ્યુ છે. વર્ષ 1975માં કોંગ્રેસના દિગ્ગજ નેતા નરસિંહ મકવાણાએ રાષ્ટ્રીય મજદુર પક્ષના નારાણભાઇ પરમારને હરાવ્યા હતા. વર્ષ 1980માં કોંગ્રેસ (I)ના મનુભાઇ પરમારે જનતા પાર્ટીના મોહનલાલ મકવાણાને હરાવ્યા હતા. જ્યારે ભાજપના ઉમેદવાર ગિરીશ ચંદ્ર પરમાર માત્ર 1782 મત સાથે ચોથા ક્રમે રહ્યા હતા.

વર્ષ 2012માં કોંગ્રેસના શૈલેષ મનુભાઈ પરમારને 73573 મત મળ્યા હતા. તથા ભાજપના ગીરીશ પરમારને 59272 મત મળ્યા હતા. જેમાં શૈલેષ મનુભાઈ પરમાર 14301 મતથી જીત્યા હતા. વર્ષ 2017માં કોંગ્રેસના પરમાર શૈલેષ મનહરભાઈને 90691 મત મળ્યા હતા. તથા ભાજપના વાઘેલા જીતેન્દ્ર ઉમાકાંતને 58181 મત મળ્યા હતા. જેમાં પરમાર શૈલેષ 32510 મતથી જીત્યા હતા. જેમાં દાણીલીમડા બેઠકના વિસ્તારની સંખ્યાની વાત કરીએ તો તેમાં 137799જેટલા પુરુષોની સંખ્યા છે. તથા 127562 મહિલા મતદાર છે. તેમજ નાન્યતર જાતિમાં 13 મતદાર નોંધાયેલા છે. તેથી કુલ મતદોરોની સંખ્યા 265374 છે. જે ઉમેદવારનું ભાવી નક્કી કરશે.

સાબરમતી બેઠક:

ગાંધીનગર લોકસભા બેઠક હેઠળ સાબરમતી વિધાનસભા વિસ્તાર આવે છે. આ વિધાનસભા બેઠકમાં અમદાવાદ શહેર તાલુકો (અમુક ભાગ) કાલી (એમ), રાણીપ (એમ), ચાંદલોડિયા (એમ) સહિતના વિસ્તાર, અમદાવાદ શહેર તાલુકો – અમદાવાદ મ્યુનિસિપલ કોર્પોરેશન (પાર્ટ) વોર્ડ નં. 15 સહિતના ક્ષેત્રોને આવરી લેવામાં આવે છે.

વર્ષ 2012માં ભાજપના અરવિંદકુમાર ગાંડાલાલ પટેલને 107036 મત મળ્યા હતા. તથા કોંગ્રેસના પટેલ ભરતકુમાર ગોવિંદલાલ (ભરત વકીલ)ને 39453 મત મળ્યા હતા. જેમાં અરવિંદકુમાર ગાંડાલાલ પટેલ 67583 મતથી જીત્યા હતા. વર્ષ 2017માં ભાજપના અરવિંદકુમાર ગાંડાભાઈ પટેલ (દલાલ)ને 113503 મત મળ્યા હતા. તથા કોંગ્રેસના ડો. જીતુભાઈ પટેલને 44693 મત મળ્યા હતા. જેમાં અરવિંદકુમાર ગાંડાભાઈ પટેલ 68810 મતથી જીત્યા હતા. જેમાં સાબરમતી બેઠકના વિસ્તારની સંખ્યાની વાત કરીએ તો તેમાં 145904જેટલા પુરુષોની સંખ્યા છે. તથા 132499 મહિલા મતદાર છે. તેમજ નાન્યતર જાતિમાં 16 મતદાર નોંધાયેલા છે. તેથી કુલ મતદોરોની સંખ્યા 278419 છે. જે ઉમેદવારનું ભાવી નક્કી કરશે.

અસારવા બેઠક:

મુંબઈ રાજ્યથી અલગ થયા બાદ ગુજરાત વિધાનસભાની વર્ષ 1962માં પ્રથમ ચૂંટણી યોજાઈ હતી. જેમાં અસારવા વિધાનસભા બેઠક પરથી કોંગ્રેસના મંગળદાસ પંડ્યા ચૂંટાયા હતા. ત્યારબાદ વર્ષ 1967માં એમ ટી શુકલા, વર્ષ 1972માં મગનભાઈ બારોટ, વર્ષ 1975માં લક્ષ્મણ પટ્ટણી ચૂંટાયા હતા. તેઓ ફરી વખત વર્ષ 1980 અને વર્ષ 1985માં કોંગ્રેસના ઉમેદવાર તરીકે ચૂંટણી જીત્યા હતા.

વર્ષ 2012માં ભાજપના રજનીકાંત મોહનલાલ પટેલને 76829 મત મળ્યા હતા. તથા કોંગ્રેસના સુરજકર મંગળભાઈ હીરાભાઈ (મંગલ સુરજકર)ને 41784 મત મળ્યા હતા. જેમાં રજનીકાંત મોહનલાલ પટેલ 35045 મતથી જીત્યા હતા. વર્ષ 2017માં ભાજપના પરમાર પ્રદિપભાઈ ખાનાભાઈને 87238 મત મળ્યા હતા. તથા કોંગ્રેસના વાઘેલા કનુભાઈ આત્મારામને 37974 મત મળ્યા હતા. જેમાં પરમાર પ્રદિપભાઈ 49264 મતથી જીત્યા હતા. જેમાં અસારવા બેઠકના વિસ્તારની સંખ્યાની વાત કરીએ તો તેમાં 113289જેટલા પુરુષોની સંખ્યા છે. તથા 104618 મહિલા મતદાર છે. તેમજ નાન્યતર જાતિમાં 5 મતદાર નોંધાયેલા છે. તેથી કુલ મતદોરોની સંખ્યા 217912 છે. જે ઉમેદવારનું ભાવી નક્કી કરશે.

દસ્ક્રોઇ બેઠક:

દસક્રોઈ વિધાનસભા બેઠકમાં લપકામણ, લીલાપુર, ખોડીયાર, છારોડી, જગતપુર, હેબતપુર, ભાડજ, શીલજ, ચેનપુર, ઓગણજ, ઘુમા, શેલા, સોલા, બોડકદેવ, ગોતા (શહેર), થલતેજ (શહેર), બોપલ (શહેર)નો સમાવેશ થાય છે. 2017માં ગુજરાત વિધાનસભા ચૂંટણી 2017માં દસક્રોઈ વિધાનસભા ક્ષેત્રના મતદારોની કુલ ટકાવારી 56.93 નોંધાઈ હતી.

વર્ષ 2012માં ભાજપના બાબુભાઈ જમનાદાસ પટેલને 95813 મત મળ્યા હતા. તથા કોંગ્રેસના બરૈયા લક્ષ્મણભાઈ અંબાલાલને 58180 મત મળ્યા હતા. જેમાં બાબુભાઈ જમનાદાસ પટેલ 37633 મતથી જીત્યા હતા. વર્ષ 2017માં ભાજપના બાબુભાઈ જમનાદાસ પટેલને 127432 મત મળ્યા હતા. તથા કોંગ્રેસના પટેલ પંકજભાઈ ચીમનભાઈને 82367 મત મળ્યા હતા. જેમાં બાબુભાઈ 45065 મતથી જીત્યા હતા. જેમાં દસ્ક્રોઇ બેઠકના વિસ્તારની સંખ્યાની વાત કરીએ તો તેમાં 204071 જેટલા પુરુષોની સંખ્યા છે. તથા 187326 મહિલા મતદાર છે. તેમજ નાન્યતર જાતિમાં 9 મતદાર નોંધાયેલા છે. તેથી કુલ મતદોરોની સંખ્યા 391406 છે. જે ઉમેદવારનું ભાવી નક્કી કરશે.

ધોળકા બેઠક:

2017 વિધાનસભા ચૂંટણીમાં ભૂપેન્દ્રસિંહ ચુડાસમા કોંગ્રેસના ઉમેદવાર અશ્વિન રાઠોડ સામે આંગળીના વેઢે ગણી શકાય તેટલા મતોથી જીત્યા હતા. ત્યારે કોંગ્રેસે આ જીતને હાઇકોર્ટમાં પડકારી હતી. ત્યારે પૂર્વ મંત્રી ભૂપેન્દ્રસિંહ ચૂડાસમાનું ધારાસભ્ય પદ કોર્ટે રદ્દ કર્યુ હતું. ત્યારબાદ તેને સુપ્રીમમાં પડકારવામાં આવ્યું હતું.

વર્ષ 2012માં ભાજપના ચુડાસમા ભુપેન્દ્રસિંહ મનુભાને 75242 મત મળ્યા હતા. તથા કોંગ્રેસના ચાવડા પ્રદ્યુમનસિંહ પ્રતાપભાઈને 56397 મત મળ્યા હતા. જેમાં ભુપેન્દ્રસિંહ 18845 મતથી જીત્યા હતા. વર્ષ 2017માં ભાજપના ભૂપેન્દ્રસિંહ મનુભા ચુડાસમાને 71530 મત મળ્યા હતા. તથા કોંગ્રેસના રાઠોડ અશ્વિનભાઈ કમસુભાઈને 71203 મત મળ્યા હતા. જેમાં ભૂપેન્દ્રસિંહ 327 મતથી જીત્યા હતા. જેમાં ધોળકા બેઠકના વિસ્તારની સંખ્યાની વાત કરીએ તો તેમાં 130297 જેટલા પુરુષોની સંખ્યા છે. તથા 123321 મહિલા મતદાર છે. તેમજ નાન્યતર જાતિમાં 2 મતદાર નોંધાયેલા છે. તેથી કુલ મતદોરોની સંખ્યા 253620 છે. જે ઉમેદવારનું ભાવી નક્કી કરશે.

ધંધુકા બેઠક:

આ ગુજરાત રાજ્યના અમદાવાદ જિલ્લાના મહત્વના ધંધુકા તાલુકાનું મુખ્ય મથક છે. સાથે જ ગુજરાતની 182 વિધાનસભા સીટ પૈકી એક સીટ પણ છે. ધંધુકા વિધાનસભા બેઠક એટલે અમદાવાદની ગ્રામ્ય વિસ્તારની બેઠક. આ સાથે જ ધંધુકા બેઠકનો સમાવેશ સુરેન્દ્રનગર લોકસભા બેઠકમાં પણ થાય છે. આ વિધાનસભા બેઠકમાં ધંધુકા તાલુકો, બરવાળા તાલુકો અને રાણપુર તાલુકાનો સમાવેશ થાય છે. જણાવી દઈએ કે મુંબઈથી ગુજરાત રાજ્ય અલગ થયા બાદ વર્ષ 1980માં આ બેઠક અસ્તિત્વમાં આવી હતી.

વર્ષ 2012માં ભાજપના લાલજીભાઈ ચતુરભાઈ કોળીપટેલને 77573 મત મળ્યા હતા. તથા કોંગ્રેસના એમ.એમ. શાહને 49296 મત મળ્યા હતા. જેમાં લાલજીભાઈ ચતુરભાઈ કોળીપટેલ 28277 મતથી જીત્યા હતા. વર્ષ 2017માં કોંગ્રેસના ગોહિલ રાજેશકુમાર હરજીભાઈને 67477 મત મળ્યા હતા. તથા ભાજપના ડાભી કાળુભાઈ રૂપાભાઈને 61557 મત મળ્યા હતા. જેમાં ગોહિલ રાજેશકુમાર 5920 મતથી જીત્યા હતા. જેમાં ધંધુકા બેઠકના વિસ્તારની સંખ્યાની વાત કરીએ તો તેમાં 144355 જેટલા પુરુષોની સંખ્યા છે. તથા 129368 મહિલા મતદાર છે. તેમજ નાન્યતર જાતિમાં 1 મતદાર નોંધાયેલા છે. તેથી કુલ મતદોરોની સંખ્યા 273724 છે. જે ઉમેદવારનું ભાવી નક્કી કરશે.