પેરિસ ઓલમ્પિક : કોચ ધર્મેન્દ્રએ લવલીના-નિકહાતની તૈયારી માટે પુત્રના લગ્નનો કર્યો ત્યાગ
- ધર્મેન્દ્રની માતાની તબિયત પણ અચાનક ખરાબ થઇ ગઈ હતી
- માતાના આગ્રહથી પૌત્રના લગ્ન ઉતાવળે કરવા પડ્યા
- ધર્મેન્દ્રએ વીડિયો કોલ દ્વારા દરેક સમારોહમાં પોતાની હાજરી જાળવી રાખી
નવી દિલ્હી, 24 જુલાઈ : ભારતીય બોક્સિંગ ટીમના કોચ અને તેમના સમયના જાણીતા બોક્સર અર્જુન એવોર્ડી ધર્મેન્દ્ર યાદવે દેશના બોક્સરોને પેરિસ ઓલિમ્પિકમાં મેડલ જીતવામાં મદદ કરવા માટે તેમના પુત્રના લગ્ન છોડી દીધા હતા. બુલંદશહેરના ધર્મેન્દ્રને ગયા અઠવાડિયે એક મોટી મૂંઝવણનો સામનો કરવો પડ્યો કે શું તેણે તેના પુત્રના લગ્નમાં હાજરી આપવી કે સારબ્રુકેન (જર્મની)માં ભારતીય બોક્સિંગ ટીમની તૈયારીઓ છોડી દેવી. આ મૂંઝવણ માત્ર લગ્ન પુરતી મર્યાદિત ન હતી. દેશના પ્રથમ પ્રોફેશનલ બોક્સર ધર્મેન્દ્રની માતાની તબિયત પણ અચાનક ખરાબ થઇ ગઈ હતી. તેમને ICUમાં દાખલ કરવા પડ્યા હતા. માતાના આગ્રહથી પૌત્રના લગ્ન ઉતાવળે કરવા પડ્યા.
આ પણ વાંચો : નેપાળમાં પ્લેન ક્રેશ થયાની ઘટનામાં 18 લોકોના મૃત્યુ
વિડીયો કોલ દ્વારા લગ્ન સમારોહમાં હાજરી આપી
1990ની કોમનવેલ્થ ગેમ્સમાં બ્રોન્ઝ જીતનાર ધર્મેન્દ્રએ લગ્નમાં હાજરી ન આપવાનો નિર્ણય કર્યો હતો. તે ટીમ સાથે પેરિસ જવા રવાના થયા હતા. ધર્મેન્દ્ર લગ્નમાં હાજર ન હતા, પરંતુ તેમને વીડિયો કોલ દ્વારા દરેક સમારોહમાં પોતાની હાજરી જાળવી રાખી હતી.
બીમાર માતાની ઈચ્છા પૂરી કરવા ઉતાવળમાં લગ્ન કરવા પડ્યા
ધર્મેન્દ્રની પત્ની કહે છે કે આ ખૂબ જ મુશ્કેલ નિર્ણય હતો, જે અમે બધાએ સાથે લીધો હતો. અમને બધાને લાગ્યું કે ઓલિમ્પિકથી મોટું કંઈ નથી. તેમના કારણે ટીમની તૈયારીઓને અસર ન થવી જોઈએ. જો માતાની તબિયત બગડી ન હોત તો પુત્રના લગ્ન અચાનક ન થયા હોત. માતાની ઇચ્છા માટે આ કરવું પડ્યું. હવે તે ધીમે ધીમે સ્વસ્થ થઈ રહ્યા છે. જ્યારે તે પેરિસથી પરત આવશે ત્યારે તે પોતાના પુત્રના લગ્ન માટે એક સમારોહનું આયોજન કરશે.
આ પણ વાંચો : શું રિચાર્જ પ્લાન વધુ મોંઘા થશે? બજેટમાં વધારો; 5G રોલઆઉટ પર મોટું અપડેટ
