પેરિસમાં સગીરને પોલીસે ગોળી મારી, ઠેર-ઠેર આગચંપી, અત્યારસુધીમાં 150ની ધરપકડ
ફ્રાન્સની રાજધાની પેરિસમાં પોલીસ દ્વારા 17 વર્ષના સગીરની ગોળી મારી હત્યા બાદ હિંસા ફાટી નીકળી છે. ગોળીબાર પછી પેરિસમાં અશાંતિ ચાલુ છે, જેમાં વિરોધીઓ અને પોલીસ અથડામણના અહેવાલો છે.
Les violences contre des commissariats, des écoles, des mairies, contre la République, sont injustifiables.
Merci aux policiers, aux gendarmes, aux sapeurs-pompiers et aux élus mobilisés.
Le recueillement, la Justice et le calme doivent guider les prochaines heures.
— Emmanuel Macron (@EmmanuelMacron) June 29, 2023
પેરિસમાં નાહેલ નામના સગીર છોકરાને પોલીસકર્મીએ ટ્રાફિક નિયમોનું પાલન ન કરવા બદલ નજીકથી ગોળી મારી હતી. આ ઘટનાના સમાચાર ફેલાતાની સાથે જ પેરિસમાં અશાંતિ ફેલાઈ ગઈ હતી અને દેખાવકારો અને પોલીસ વચ્ચે ઘર્ષણના અહેવાલો સામે આવ્યા હતા. પોલીસે હિંસામાં સામેલ 150 લોકોની ધરપકડ કરી છે.
Paris: 150 people arrested as protests continue against shooting of teenager by police
Read @ANI Story | https://t.co/ZD99wT3gNG#Paris #protest #EmmanuelMacron pic.twitter.com/MLdNrcvdtT
— ANI Digital (@ani_digital) June 29, 2023
પોલીસે સગીરને મારી હતી ગોળી
પેરિસમાં નાહેલ એમ નામના સગીર છોકરાએ ટ્રાફિક પોલીસની સામે કાર રોકવાની ના પાડી દીધી. એ પછી એક પોલીસકર્મીએ તેને નજીકથી ગોળી મારી હતી. આ ઘટનાની જાણ થતાં જ લોકો રસ્તા પર ઉતરી આવ્યા હતા. નાન્તેરે શહેરમાં હિંસા ભડકી રહી છે.
ઘણા શહેરોમાં અશાંતિ
પોલીસ પ્રવક્તાએ જણાવ્યું હતું કે દક્ષિણ-પશ્ચિમમાં ઉત્તરીય શહેર લિલી અને તુલોઝમાં વિરોધકર્તાઓ સાથે પોલીસની અથડામણ થઈ હતી અને ફ્રાન્સની રાજધાનીની દક્ષિણે એમિન્સ, ડીજોન અને એસોન વહીવટી વિભાગમાં પણ અશાંતિ ફેલાઈ હતી.
અત્યારસુધીમાં 150 લોકોની ધરપકડ
પેરિસમાં હિંસા ફેલાઈ ત્યારથી પોલીસે અત્યાર સુધીમાં 150 લોકોની ધરપકડ કરી છે. પોલીસનું કહેવું છે કે આ લોકો પર સરકારી વાહનોને આગ લગાડવાનો આરોપ છે. સ્થાનિક લોકોમાં રોષ ફેલાયો છે અને આગચંપીનાં બનાવો સામે આવ્યા છે.
2000 પોલીસકર્મીઓ તૈનાત
ફ્રેન્ચ મીડિયાએ પેરિસમાં અન્ય કેટલાક સ્થળોએ હિંસાની ઘટનાઓની જાણ કરી હતી. આ પહેલા રાષ્ટ્રપતિ ઈમેન્યુઅલ મેક્રોને ફાયરિંગને ‘ખોટી અને અક્ષમ્ય’ ગણાવી હતી. યુવકને ગોળી મારનાર પોલીસ અધિકારીની હત્યાના ગુનામાં તપાસ ચાલી રહી છે. તે જ સમયે, ગૃહ મંત્રાલયે શાંતિ માટે હાકલ કરી છે અને પેરિસમાં 2000 પોલીસકર્મીઓને તૈનાત કરવામાં આવ્યા છે.
