પરાક્રમ દિવસ 2024 : નેતાજી સુભાસ ચંદ્ર બોઝની આજે 127મી જન્મજયંતિ

• ઓડિશાના કટકમાં સુભાષ ચંદ્ર બોઝનો 23 જાન્યુઆરી 1897ના રોજ થયો હતો જન્મ
• બીજા વિશ્વયુદ્ધ દરમિયાન ‘આઝાદ હિંદ ફોજ’ની રચના કરી અને અંગ્રેજો સામે યુદ્ધની કરી ઘોષણા
• પ્રમુખ દ્રૌપદી મૂર્મુ, વડાપ્રધાન નરેન્દ્ર મોદી સહિતના મહાનુભાવોએ ટ્વિટ કરી પાઠવી શ્રધ્ધાંજલી

નવી દિલ્હી, 23 જાન્યુઆરી: નેતાજી સુભાષ ચંદ્ર બોઝનો જન્મ 23 જાન્યુઆરી 1897ના રોજ ઓરિસ્સાના કટકમાં એક બંગાળી પરિવારમાં થયો હતો. ભારતને અંગ્રેજોની ગુલામીમાંથી મુક્ત કરાવવામાં તેમનો બહુ મોટો ફાળો હતો. ‘તુમ મુઝે ખૂન દો મે તુમ્હે આઝાદી દૂંગા’, ‘જય હિંદ-જય ભારત’ અને ‘દિલ્લી ચલો’ જેવા નારાઓ સાથે તેમણે દેશના યુવાનોમાં દેશભક્તિની જ્યોત પ્રગટાવી હતી. નેતાજી સુભાષ ચંદ્ર બોઝની જન્મજયંતિ નિમિતે પ્રમુખ દ્રૌપદી મૂર્મુ, વડાપ્રધાન નરેન્દ્ર મોદી સહિતના મહાનુભાવોએ ટ્વિટ કરી શ્રધ્ધાંજલી પાઠવી.

આજના દિવસે એટલે કે 23 જાન્યુઆરીએ નેતાજી સુભાષ ચંદ્ર બોઝનો જન્મ થયો હતો. તેથી, તેમની જન્મજયંતિ દર વર્ષે 23 જાન્યુઆરીને ઉજવવામાં આવે છે. આ દિવસને વીરતા દિવસ તરીકે પણ ઉજવવામાં આવે છે. નેતાજીએ પોતાનું સમગ્ર જીવન દેશની સેવામાં સમર્પિત કર્યું હતું.

પ્રમુખ દ્રૌપદી મુર્મુ અને વડાપ્રધાન મોદીએ પાઠવી શ્રદ્ધાંજલી પાઠવી

પ્રમુખ દ્રૌપદી મુર્મુએ ટ્વિટ કરીને લખ્યું કે, “હું નેતાજી સુભાષ ચંદ્ર બોઝને પરાક્રમ દિવસ તરીકે મનાવવામાં આવતી તેમની જન્મજયંતિ પર શ્રદ્ધાંજલિ અર્પણ કરું છું! નેતાજીએ ભારતની આઝાદી માટે અસાધારણ પ્રતિબદ્ધતા દર્શાવી. તેમની અપ્રતિમ હિંમત અને કરિશ્માએ ભારતીયોને તેમના વસાહતી શાસન સામે નિર્ભયપણે લડવા માટે પ્રેરિત કર્યા. શક્તિશાળી વ્યક્તિત્વની આપણા સ્વાતંત્ર્ય સંગ્રામ પર ઊંડી અસર પડી હતી. રાષ્ટ્ર હંમેશા નેતાજીને ખૂબ જ કૃતજ્ઞતા સાથે યાદ કરશે.”

पराक्रम दिवस के रूप में मनाई जा रही नेताजी सुभाष चंद्र बोस की जयंती पर मैं अपनी सादर श्रद्धांजलि अर्पित करती हूं। नेताजी ने भारत की स्वतंत्रता के लक्ष्य के लिए असाधारण प्रतिबद्धता प्रदर्शित की थी। उनके अद्वितीय साहस और करिश्माई व्यक्तित्व ने भारतवासियों को औपनिवेशिक शासन के…

— President of India (@rashtrapatibhvn) January 23, 2024

વડાપ્રધાન નરેન્દ્ર મોદીએ ટ્વિટ કરીને લખ્યું કે, “પરાક્રમ દિવસ પર ભારતવાસીઓને શુભેચ્છાઓ. આજે તેમની જયંતિ પર, અમે નેતાજી સુભાષ ચંદ્ર બોઝના જીવન અને સાહસનું સન્માન કરીએ છીએ. આપણા રાષ્ટ્રની આઝાદી માટે તેમનું અતૂટ સમર્પણ સતત પ્રેરણા આપે છે.”

Greetings to the people of India on Parakram Diwas. Today on his Jayanti, we honour the life and courage of Netaji Subhas Chandra Bose. His unwavering dedication to our nation's freedom continues to inspire. pic.twitter.com/OZP6cJBgeC

— Narendra Modi (@narendramodi) January 23, 2024

શું છે નેતાજી સુભાસ ચંદ્ર બોઝનો ઇતિહાસ ?

શરૂઆતમાં નેતાજી સુભાસ ચંદ્ર બોઝ આઝાદીની લડાઈમાં મહાત્મા ગાંધીની સાથે હતા, પરંતુ બાદમાં તેઓ અલગ થઈ ગયા અને અંગ્રેજો સામે લડવાની યોજના બનાવી. જે મુજબ તેમણે વર્ષ 1939માં બ્લોકની સ્થાપના કરી હતી અને ત્યારબાદ વર્ષ 1943માં 21 ઓક્ટોબરે આઝાદ હિંદ ફોજની સ્થાપના કરવામાં આવી હતી. તેની સ્થાપના પાછળનો તેમનો ઉદ્દેશ્ય એ હતો કે વધુને વધુ યુવાનો આઝાદીની લડાઈમાં તેમની સેનામાં જોડાઈ શકે.

નેતાજી સુભાસ ચંદ્ર બોઝ જાનકીનાથના 14 બાળકોમાં નવમા સંતાન હતા, જેમાં આઠ પુત્રો અને છ પુત્રીઓનો સમાવેશ થાય છે. રાષ્ટ્રવાદી પ્રવૃત્તિઓને કારણે, તેમને 1916 માં કલકત્તાની પ્રેસિડેન્સી કોલેજમાંથી પુનઃસ્થાપિત કરવામાં આવ્યા હતા. બાદમાં, તેમણે 1919માં સ્કોટિશ ચર્ચ કોલેજમાંથી સ્નાતક પૂર્ણ કર્યું. અભ્યાસમાં સારા હોવાને કારણે, બોઝને ભારતીય સિવિલ સર્વિસ પરીક્ષાની તૈયારી માટે ઇંગ્લેન્ડની કેમ્બ્રિજ યુનિવર્સિટીમાં મોકલવામાં આવ્યા હતા, જે તેમણે 1920માં પાસ કરી હતી. એક વર્ષ પછી, તેમણે તેમના પદ પરથી રાજીનામું આપ્યું અને દેશમાં સ્વતંત્રતા સંગ્રામ શરૂ થયા પછી ભારત પાછા ફર્યા. નેતાજીની સફર આસાન ન હતી, તેમને 1921થી 1941 વચ્ચે ઘણી વખત અલગ-અલગ જેલોમાં જેલવાસ ભોગવવો પડ્યો હતો. તેઓ 1923માં અખિલ ભારતીય યુવા કોંગ્રેસના પ્રમુખ બન્યા અને બાદમાં 1938માં ભારતીય રાષ્ટ્રીય કોંગ્રેસના પ્રમુખ તરીકે ચૂંટાયા. કોંગ્રેસમાં રહીને તેમણે મહાત્મા ગાંધીના અહિંસાના માર્ગનો વિરોધ કર્યો હતો. તેમનું માનવું હતું કે, જુલમ કરનારાઓથી આઝાદી આસાનીથી નહીં મળે, પરંતુ તે લડાઈ કરીને મેળવવી પડશે. સ્વતંત્રતા સંગ્રામમાં મહત્વની ભૂમિકા ભજવનાર નિવૃત્ત સૈનિકોના યોગદાનને યોગ્ય રીતે સન્માનિત કરવાના પગલાં લેવાના વડા પ્રધાનના અભિગમને અનુરૂપ, 2021માં નેતાજી સુભાષ ચંદ્ર બોઝની જન્મજયંતિ પરાક્રમ દિવસ તરીકે મનાવવામાં આવી હતી.

આ પણ જાણો: સ્વામી વિવેકાનંદ જન્મજયંતીઃ ગુજરાતમાં યુવા દિવસ નિમિત્તે કાર્યક્રમોનું આયોજન