ટ્રેનના AC કોચમાં સાપ દેખાતા મચી ગઇ અફરાતફરી, જૂઓ વીડિયો
જબલપુર, 23 સપ્ટેમ્બર : જબલપુરથી ચોંકાવનારા સમાચાર સામે આવ્યા છે. ટ્રેન નંબર 12187 જબલપુર-મુંબઈ ગરીબ રથ એક્સપ્રેસના એસી કોચમાં સાપ નીકળ્યા બાદ હંગામો મચી ગયો હતો. ટ્રેનમાં સાપ દેખાતા જ મુસાફરોના હોશ ઉડી ગયા હતા. સાપ ઉપરની બર્થના હેન્ડલની આસપાસ વીંટળાયેલો હતો. તે થોડી જ વારમાં સરકવા લાગ્યો હતો. ક્રોલ કરતી વખતે તેણે એસી વેન્ટમાં પ્રવેશવાનો પ્રયાસ શરૂ કર્યો હતો. મુસાફરોએ ધાબળા ફેંકીને તેને પકડવાનો પ્રયાસ કર્યો પરંતુ તેઓ સફળ ન થઈ શક્યા અને સાપ ભાગી ગયો હતો. એસી કોચમાં મુસાફરી કરી રહેલા મુસાફરોના શ્વાસ અધ્ધર થઈ ગયા હતા.
આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. વાયરલ વિડીયો જોયા મુસાફરોમાં ગભરાટ ફેલાયો હતો. જોકે બાદમાં મુસાફરોને બીજા કોચમાં ખસેડવામાં આવ્યા હતા અને જે કોચમાં સાપ જોવા મળ્યો હતો તે કોચને ટ્રેનથી અલગ કરી દેવામાં આવ્યો હતો, તેમ છતાં મુસાફરો આખી રાત બેચેન રહ્યા હતા.
Snake in train! Snake in AC G17 coach of 12187 Jabalpur-Mumbai Garib Rath Express train. Passengers sent to another coach and G17 locked. pic.twitter.com/VYrtDNgIIY
— Rajendra B. Aklekar (@rajtoday) September 22, 2024
મળતી માહિતી મુજબ, જબલપુર-મુંબઈ ગરીબ રથ એક્સપ્રેસ ટ્રેનના એસી કોચમાં મુસાફરી કરી રહેલા યાત્રીઓ એ સમયે ચોંકી ગયા જ્યારે તેઓએ બાજુની ઉપરની બર્થ પર એક સાપને લપેટાયેલો જોયો. વાયરલ પોસ્ટ અનુસાર, આ ઘટના ટ્રેનના કોચ નંબર 617માં બની હતી. વીડિયોમાં સાપને બર્થની બાજુના હેન્ડલની આસપાસ લપેટાયેલો જોઈ શકાય છે. વીડિયોમાં જોવા મળી રહ્યું છે કે સાપ AC વેન્ટમાં ઘૂસીને ઘૂસવાનો પ્રયાસ કરી રહ્યો છે. આ જોઈને મુસાફરો ગભરાવા લાગ્યા હતા.
