પાલનપુર : ડીસામાં પ્રથમ દિવસે ત્રણ ઉમેદવારી પત્રો પરત ખેંચાયા

પાલનપુર : ડીસા વિધાનસભા બેઠક માટે કુલ 17 વ્યક્તિઓએ 24 ફોર્મ ભર્યા હતા. જેમાં તમામ ઉમેદવારોના ફોર્મ માન્ય રહ્યા હતા.જેમાં ડમી અને એક્સ્ટ્રા ફોર્મ બાદ કરતા કુલ 15 ફોર્મ બાકી રહ્યા હતા. જેમાં આજે ઉમેદવારી પરત ખેંચવાના પ્રથમ દિવસે ત્રણ અપક્ષ ઉમેદવારોએ પરત પોતાની ઉમેદવારી પરત ખેંચી લીધી હતી. પ્રથમ દીને અપક્ષ ઉમેદવાર દિનેશ છત્રાલિયા, વિજય દવે અને પ્રવીણ ચૌહાણ એ પોતાના ઉમેદવારી ફોર્મ પરત ખેંચ્યા હતા.

હજુ સોમવારે ફોર્મ પરત ખેંચવાના દિવસે ઠાકોર સમાજના અપક્ષ ઉમેદવાર ભરતજી ધુંખ પોતાનું ફોર્મ પરત ખેંચશે. જ્યારે આ સિવાય અન્ય કેટલા લોકો ફોર્મ પરત ખેંચે છે તેના પરથી સોમવારે સાંજે ચૂંટણી ચિત્ર સ્પષ્ટ થશે.

આ પણ વાંચો : ચૂંટણી પહેલા AIMIMને મોટો ફટકો, બાપુનગરના ઉમેદવારે કોંગ્રેસને જાહેર કર્યુ સમર્થન