પાલનપુર : કડી-ગાંધીનગર સર્વ વિદ્યાલય કેળવણી મંડળ દ્વારા નિઃશુલ્ક કાયરોપ્રેકટીક સારવાર કેમ્પ
પાલનપુર : સર્વ વિદ્યાલય કેળવણી મંડળ કડી- ગાંધીનગર સંચાલિત ક્ડી સર્વ વિશ્વવિધાલયની ગાંધીનગર સેકટર -12 સિવિલ કેમ્પસમાં સ્થિત સી.એમ.પટેલ કોલેજ ઓફ ફિઝયોથેરાપી, ડિપાર્ટમેન્ટ ઓફ ઇન્ટરનેશનલ રિલેશન તથા અમેરિકાના વેસ્ટ સાનફ્રાન્સિસ્કોની લાઇફ કાયરોપ્રેકટીક કોલેજ વેસ્ટ (LCCW) યુ.એસ.એ .ના પ્રેસિડેન્ટ ડો.રોન ઓબરસ્ટાઇન તથા 16 જેટલા કાયરોપ્રેકટર્સ ડોકટર ની ટીમ દ્વારા તા.13 થી 15 નવેમ્બર 2022 સુધી સારવાર આપવામાં આવશે.
16 કાયરોપ્રેકટર્સ ડોકટરની ટીમ સારવાર આપશે
આ કેમ્પનું ઉદઘાટન કડી સર્વ વિશ્વવિદ્યાલયના ચેરમેન વલ્લભભાઇ પટેલ તથા લાઇફ કાયરોપ્રેકટીક કોલેજના પ્રેસિડેન્ટ ડો.રોન ઓબરસ્ટાઇન, સંસ્થાના મંત્રીઓ તથા ડિપાર્ટમેન્ટ ઓફ ઇન્ટરનેશનલ રિલેશનના ડાયરેટર ડો. જીનલ જોષી, યુનિવર્સિટના કુલપતિ ડૉ. ગાર્ગીબેન રાજપરાના હસ્તે આજ રોજ સવારે 9:00 કલાકે કરવામાં આવ્યું હતું.
આ કેમ્પમાં અમેરિકાથી આવેલ નિષ્ણાત ડૉકટરઓ દ્વારા ગરદનનો દુ:ખાવો, પીઠનો દુ:ખાવો, કમરનો દુ:ખાવો,હાથ કે પગમાં ઝણઝણાટી આવવી વગેરે જેવી તક્લીફમાં સારવાર આપવામાં આવશે.
આ સારવાર લેવા માટે લગભગ 2000 થી પણ વધારે રજિસ્ટ્રેશન થયેલા છે.આ સારવાર આપવા માટે અમેરિકાથી 16 જેટલા નિષ્ણાત ડોકટરઓ ઉપસ્થિત રહીને ગાંધીનગર તથા ગુજરાત ના વિવિધ જિલ્લાઓ માંથી આવેલ દર્દીઓને સારવાર આપશે.
આ પણ વાંચો : અગાઉ ભાજપના નેતા એવું કહેતાં હતા ફોન આવ્યો અને આજે નામ કપાઈ ગયું, જાણો શું છે રસપ્રદ કિસ્સો
