પાલનપુર: શ્રી સરસ્વતી ઉચ્ચતર માધ્યમિક શાળા નવા માં યોજાયો વિદાય સમારોહ

પાલનપુર: ડીસા – પાટણ હાઈવે ઉપર આવેલ નવા ગામની શ્રી સરસ્વતી ઉચ્ચતર માધ્યમિક શાળામાં જીલ્લા પંચાયત સદસ્ય રાયકરણજી ઠાકોર ના અધ્યક્ષ સ્થાને ધોરણ 10 અને 12 માં અભ્યાસ કરતાં વિદ્યાર્થી ભાઈ – બહેનો નો વિદાય સમારોહ યોજાયો હતો. જેમાં સંસ્થા ના પ્રમુખ અમૃતભાઈ કંબોયા એ સ્વાગત પ્રવચન માં વિદ્યાર્થી – વિદ્યાર્થીનીઓને ઉજ્જવળ ભવિષ્ય માટે શુભકામનાઓ પાઠવી હતી.

આ પ્રસંગે સંસ્થા ના આધસ્થાપક પ્રમુખ મથુરજી ઠાકોર, સરપંચ કુંવરજી ઠાકોર, તાલુકા પંચાયત સદસ્ય શાતિજી ઠાકોર, ડૉ. શ્રવણભાઈ જોષી, પૂર્વ સરપંચ નાઢજીજી ઠાકોર સહિત આગેવાનો અને ગ્રામજનો મોટી સંખ્યામાં ઉપસ્થિત રહીને શુભેચ્છાઓ પાઠવી હતી.

વિદાય લઈ રહેલાં ધોરણ 10 અને 12 માં અભ્યાસ કરતાં વિદ્યાર્થી ભાઈ – બહેનોને ભગવતી બિલ્ડીંગ મટીરીયલ ડીસા દ્વારા ભેટ અપાઈ હતી અને આભાર વિધિ સંસ્થાના મંત્રી અનારજી ઠાકોર દ્વારા કરવામાં આવી હતી.

આ પણ વાંચો :અમદાવાદ નોકરી કરતો અડાલજનો યુવાન કોરોના સંક્રમિત, શહેરમાંથી ચેપ લાગ્યો