પાલનપુર : ડીસાના કંસારીના યુવકને હત્યામાં વપરાયેલ જીપડાલા સાથે ઝડપી લીધો

• ઉત્તર પોલીસે ડીસા હત્યા કેસમાં અત્યાર સુધી છ આરોપીઓ ને ઝડપ્યા
• ડીસામાં થોડા દિવસ અગાઉ થયેલ હુમલામાં વધુ એક આરોપીની ધરપકડ

પાલનપુર : ડીસાના માઇકલ ઠાકોરની હત્યાના વધુ એક આરોપીની ધરપકડ કરાઇ હતી. થોડા દિવસ અગાઉ થયેલ હુમલામાં આઠ આરોપીઓના નામ ખુલવામાં આવ્યા હતા. આઠ આરોપીઓ પૈકી પાંચ લોકોની ધરપકડ કરાઇ હતી. ત્યારે વધુ એક આરોપીની આજે ધરપકડ કરાઇ હતી. પોલીસે ડીસાના કંસારી ગામના કિરણ ઉર્ફે કાળુ ખેતાજી ઠાકોરને ગુનામાં વપરાયેલ પીકઅપ ગાડી સાથે પકડી પાડી ગાડી કબજે કરી જેલના સળિયા પાછળ ધકેલવામાં આવ્યો હતો. ત્યારે ડીસા પોલીસ સ્ટેશનના સ્ટાફ તથા એલ.સી.બી. પોલીસ સ્ટાફ વધુ આરોપીઓને પકડી પાડવા તજવીજ હાથ ધરી છે. આ સમગ્ર તપાસ એલ. સી. બી. પી. આઇ. એસ. ડી. ધોબી વધુ ચલાવી રહ્યા છે.

આ પણ વાંચો : પાલનપુર : ભીલડી માર્કેટ યાર્ડના બે વેપારીને ચેક રિટર્ન કેસમાં છ માસની કેદ