પલક તિવારી-ઈબ્રાહિમ ખાનની રિલેશનશીપ કન્ફર્મ: માલદીવ વેકેશનની તસવીરો જોઈ ચાહકોએ કહી આ વાત
- અભિનેત્રી પલક તિવારી અનેક પ્રસંગોમાં ઈબ્રાહિમ અલી ખાન સાથે જોવા મળી હતી
મુંબઈ, 16 નવેમ્બર: શ્વેતા તિવારીની દીકરી પલક તિવારીના ડેટિંગનો વિષય ઘણા સમયથી ચર્ચામાં છે. હકીકતમાં, અભિનેત્રી અનેક પ્રસંગોમાં સૈફ અલી ખાન અને તેમના પૂર્વ પત્ની અમૃતા સિંહના પુત્ર ઈબ્રાહિમ અલી ખાન સાથે જોવા મળી હતી. બંનેને જોઈને ચાહકોમાં ચર્ચા શરૂ થઈ ગઈ હતી કે, બંને એકબીજાને ડેટ કરી રહ્યાં છે. પરંતુ હવે આ ચર્ચાને ચાહકોએ સમર્થન આપ્યું છે, જેનું કારણ છે માલદીવના વેકેશનની બંનેની એકસરખી તસવીરો. આ તસવીરો સોશિયલ મીડિયા પર વાયરલ થઈ રહી છે. હવે ચાહકો આના પર પ્રતિક્રિયા આપતા જોવા મળી રહ્યા છે.
View this post on Instagram
ઇન્સ્ટાગ્રામ એકાઉન્ટ પર વેકેશનની તસવીરો શેર કરી
તાજેતરમાં, પલક તિવારી અને ઇબ્રાહિમ અલી ખાને તેમના સત્તાવાર ઇન્સ્ટાગ્રામ એકાઉન્ટ પર તેમના વેકેશનની તસવીરો અને વીડિયો શેર કર્યા, જેમાં ચાહકોએ બંનેના મેચિંગ બેકગ્રાઉન્ડ પર ધ્યાન આપ્યું. જેમાં પૂલ સાઇડના ફોટા અને ફૂડની ઝલક જોવા મળી હતી. આ જોઈને ચાહકોએ પ્રતિક્રિયા આપવાનું શરૂ કરી દીધું છે. થોડા દિવસો પહેલા પલક તિવારી અને ઈબ્રાહિમ અલી ખાન પણ અબુ જાની અને સંદીપ ખોસલાની દિવાળી પાર્ટીમાં સાથે જોવા મળ્યા હતા. બંનેને ગળે લગાવતા પણ જોવા મળ્યા હતા. તે વીડિયોની પણ ખૂબ ચર્ચા થઈ હતી. જોકે તેમણે ક્યારેય આ સંબંધની પુષ્ટિ કરી નથી.
View this post on Instagram
બંનેનું વર્ક ફ્રન્ટ
વર્ક ફ્રન્ટ વિશે વાત કરીએ તો, પલક તિવારીએ સલમાન ખાનની કિસી કા ભાઈ કિસી કી જાનથી અભિનયની શરૂઆત કરી હતી. તે ધ સેફ્રોન ચેપ્ટરમાં રોઝીની મુખ્ય ભૂમિકામાં જોવા મળશે. જ્યારે ઈબ્રાહિમ ધર્મા પ્રોડક્શન દ્વારા નિર્મિત સરઝમીન ફિલ્મથી બોલિવૂડમાં ડેબ્યૂ કરશે.
આ પણ જૂઓ: અભિનેત્રી દિશા પટનીના પિતા સાથે 25 લાખની છેતરપિંડી, 5 લોકો સામે નોંધાયો કેસ
