બિલાવલ ભુટ્ટોના નિવેદનને લઈ PMની પડખે વિપક્ષ, પાકિસ્તાનને જડબાતોડ જવાબ
પાકિસ્તાનના વિદેશ મંત્રી બિલાવલ ભુટ્ટોના પીએમ મોદી વિરુદ્ધના નિવેદન પર સમગ્ર વિપક્ષ સરકાર સાથે એકજૂટ છે. બિલાવલના નિવેદન પર વાંધો ઉઠાવતા છત્તીસગઢના મુખ્યમંત્રી અને કોંગ્રેસના નેતા પ્રમોદ તિવારી સહિત અન્ય ઘણા વિરોધ પક્ષોએ પાકિસ્તાનને જડબાતોડ જવાબ આપ્યો છે. બિલાવલના નિવેદનની નિંદા કરતા છત્તીસગઢના મુખ્યમંત્રી ભૂપેશ બઘેલે કહ્યું, “દેશના વડાપ્રધાન વિશે આવા નિવેદનને સહન કરવામાં આવશે નહીં. તેનો યોગ્ય જવાબ આપવો જોઈએ. અમે દેશના પ્રધાનમંત્રીની સાથે ઉભા છીએ.”
हमारे प्रधानमंत्री के बारे में टिप्पणी करने की क्या हैसियत तुम्हारी?
भारत के प्रधानमंत्री के खिलाफ एक भी अनर्गल टिप्पणी स्वीकार नहीं की जाएगी, यह बहुत अच्छे से जान लें। ???????? pic.twitter.com/PY2XanFpcw
— Bhupesh Baghel (@bhupeshbaghel) December 17, 2022
કોંગ્રેસ નેતા પ્રમોદ તિવારીએ બિલાવલ ભુટ્ટોના નિવેદનને અભદ્ર ગણાવ્યું છે. કોંગ્રેસના નેતા તિવારીએ બિલાવલ ભુટ્ટોને 1971ના યુદ્ધ વિશે જણાવ્યું હતું. તિવારીએ કહ્યું, ભારતીય બહાદુરી બિલાવલ ભુટ્ટોને યાદ કરો, કાશ્મીરનો એક-એક ઇંચ અમારો છે. અમે PoK પણ લઈશું.”
ભુટ્ટોના નિવેદન પર મુસ્લિમ સંગઠનોએ વાંધો ઉઠાવ્યો
અજમેર દરગાહના આધ્યાત્મિક વડાના ઉત્તરાધિકારી હઝરત સૈયદ નસીરુદ્દીન ચિશ્તીએ બિલાવલના નિવેદનની સખત નિંદા કરી છે. તેમણે કહ્યું, “પાકિસ્તાન કરતાં ભારતમાં મુસ્લિમો વધુ સુરક્ષિત છે.” આ સાથે અન્ય ઘણા મુસ્લિમ સંગઠનોએ પણ પાકિસ્તાનના વિદેશ મંત્રીના નિવેદન સામે વાંધો ઉઠાવ્યો છે. પાકિસ્તાનને સલાહ આપતાં કહ્યું છે કે ભારતના પીએમ વિરુદ્ધ બોલવું નહીં.
પાકિસ્તાન પર કટાક્ષ કરતા કેન્દ્રીય મંત્રી અનુરાગ ઠાકુરે કહ્યું, “પાકિસ્તાન આતંકવાદને આશ્રય આપનાર દેશ છે, બિલાવલે આવા નિવેદનો કરીને પોતાની માનસિકતા બતાવી છે. તેમની વિચારસરણી ખૂબ જ ગંદી છે.”
World has seen Pakistan's actions and intentions. They have been giving shelter to terrorists for a long time. PM Modi has taken strict actions against terrorism. The US killed Osama Bin Laden in Pakistan and India did a surgical strike in Pakistan: Union Minister Anurag Thakur pic.twitter.com/rAAdYxTHxb
— ANI (@ANI) December 16, 2022
ભુટ્ટોના નિવેદન સામે ભાજપનો વિરોધ
બિલાવલ ભુટ્ટોના નિવેદનનો દેશભરમાં વિરોધ થઈ રહ્યો છે. ઉત્તર પ્રદેશના મુરાદાબાદમાં ભાજપે પાકિસ્તાન અને તેના વિદેશ મંત્રી બિલાવલ ભુટ્ટો વિરુદ્ધ રસ્તા પર પ્રદર્શન કર્યું. બિલાવલના પૂતળાનું દહન કરવામાં આવ્યું હતું.
આ સાથે જ બીજેપી સમર્થકોએ પાકિસ્તાનને ચેતવણી આપી હતી કે, “પાકિસ્તાનના વિદેશ મંત્રી બિલાવલ ભુટ્ટોએ ભારતની માફી માંગવી જોઈએ. પાકિસ્તાન પોતાની મર્યાદામાં રહે. પાકિસ્તાન આતંકવાદને પ્રોત્સાહન આપનાર દેશ છે.”
