ફરી આવી શેન વોર્નની યાદ, જાણો-કોણે ફેંક્યો ‘Ball of the Century” ?
પાકિસ્તાની લેગ સ્પિનર યાસિર શાહના એક બોલે ક્રિકેટના ચાહકોને ઓસ્ટ્રેલિયાના સ્પિનર શેન વોર્નની યાદ અપાવી દીધી છે. ગાલે ટેસ્ટમાં યાસિરે આ બોલ ફેંક્યો હતો. લેગ-સ્ટમ્પ પર પડેલો આ બોલ શ્રીલંકાના બેટ્સમેન કુસલ મેન્ડિસના ઓફ-સ્ટમ્પ પર અથડાયો હતો.
આ બોલ પછી, લોકો એશિઝ દરમિયાન શેન વોર્ને ફેંકેલા ‘બોલ ઓફ સેન્ચ્યુરી’ને યાદ કરી રહ્યા છે. યાસિર એક વર્ષ બાદ ટેસ્ટ ટીમમાં પરત ફર્યો છે. પાકિસ્તાન શ્રીલંકા સામે 2 મેચની ટેસ્ટ શ્રેણીમાં પ્રથમ ટેસ્ટ રમી રહ્યું છે. યાસિરે પ્રથમ દાવમાં 2 અને બીજી ઈનિંગમાં 3 વિકેટ ઝડપી છે.
Just 22 years in, but do you think this will be the ball of the century❓ ????#SLvPAK pic.twitter.com/6hlg0M88pl
— Pakistan Cricket (@TheRealPCB) July 18, 2022
વોર્ને યાસિરને સર્વશ્રેષ્ઠ બોલર ગણાવ્યો હતો
શેન વોર્ન પોતે યાસિર શાહની બોલિંગનો મોટો ચાહક હતો. વોર્નને એકવાર પૂછવામાં આવ્યું કે વ્હાઈટ બોલ ક્રિકેટમાં તેનો ફેવરિટ સ્પિનર કોણ છે. તેણે યાસિર શાહ, રાશિદ ખાન અને કુલદીપ યાદવનું નામ આપ્યું હતું. એવું કહેવાય છે કે વનડે અને ટી-20માં તેનો દબદબો છે. ત્રણેય મહાન છે અને મને તેમને જોવાની મજા આવે છે.
વોર્ને 32 વર્ષ પહેલા ફેંક્યો હતો ‘બોલ ઓફ સેન્ચ્યુરી’
શેન વોર્નનું આ વર્ષે 4 માર્ચે હાર્ટ એટેકના કારણે અવસાન થયું હતું. તેનો મૃતદેહ થાઈલેન્ડની એક હોટલમાંથી મળી આવ્યો હતો. વોર્ને 1993માં એશિઝ ટેસ્ટ દરમિયાન ‘બોલ ઓફ સેન્ચ્યુરી’ ફેંક્યો હતો. સામે ઈંગ્લેન્ડનો માઈક ગેટિંગ બેટિંગ કરી રહ્યો હતો. વોર્ને બોલને લેગ સ્ટમ્પની બહાર ફેંક્યો હતો. ગેટિંગને લાગ્યું કે તે વાઈડ જશે, પરંતુ બોલ ઓફ-સ્ટમ્પ પર અથડાયો. આ બોલને ક્રિકેટ ઈતિહાસના સર્વશ્રેષ્ઠ બોલમાંથી એક ગણવામાં આવતો હતો. . યાસિર શાહે માત્ર 17 ટેસ્ટ મેચમાં પોતાની 100 વિકેટ પૂરી કરી છે અને તે સૌથી ઝડપી 100 વિકેટ લેનાર બીજા બોલર છે.
