પાકિસ્તાન: મરિયમ નવાઝે ઈમરાન પર વિદેશી ષડયંત્રના આરોપો પર નિશાન સાધ્યું

પાકિસ્તાનના પૂર્વ પીએમ નવાઝ શરીફની પુત્રી મરિયમ નવાઝે ઈમરાન ખાન પર જોરદાર હુમલો કર્યો છે. મરિયમ નવાઝે વિદેશી ષડયંત્રના ઈમરાન ખાનના આરોપોને પાકિસ્તાનનું સૌથી મોટું ડ્રામા ગણાવ્યું છે. મરિયમ નવાઝે તેમના ભાષણોમાં “વિદેશી શક્તિઓના હાથ” હોવાના આરોપો પર યુએસ રાજદ્વારીને બદનામ કરવા બદલ ઈમરાન ખાનની નિંદા કરી હતી. પાકિસ્તાનમાં તેમની સરકારના પતન દરમિયાન પાકિસ્તાન તહરીક-એ-ઈન્સાફ (PTI)ના વડા ઈમરાન ખાને તેમની પર વિદેશી ષડયંત્રનો આરોપ લાગાવ્યો હતો.

પાકિસ્તાનના પૂર્વ પીએમ નવાઝ શરીફની પુત્રી મરિયમ નવાઝે કહ્યું કે કમનસીબે પાકિસ્તાનની સત્તા એક એવા વ્યક્તિના હાથમાં ગઈ છે જે સૌથી મોટો જુઠ્ઠો, અરાજકતા અને છેતરપિંડી કરનાર છે. તે લોકોને કહેતો હતો કે અમે અમેરિકાના ગુલામ છીએ.

મરિયમ નવાઝનો ઈમરાન ખાન પર હુમલો
મરિયમ નવાઝે કહ્યું કે, ઈમરાન ખાન દ્વારા વિદેશી ષડયંત્રનો આરોપ લગાવવો એ પાકિસ્તાનના ઈતિહાસનું સૌથી મોટું ડ્રામા છે. જો કે, બે દિવસ પહેલા ઇમરાન ખાનની પાર્ટીના એક અધિકારીએ પીટીઆઈ ચીફની ટિપ્પણી પર અમેરિકી રાજદૂત ડોનાલ્ડ લુની માફી માંગી હતી. તેમણે વધુમાં કહ્યું કે, માર્ચની શરૂઆતમાં ઈમરાન ખાને કહ્યું હતું કે અમેરિકી રાજદૂત ડોનાલ્ડ લુએ પાકિસ્તાની રાજદૂત સાથેની બેઠકમાં તેમની સરકારને હટાવવાની ધમકી આપી હતી.

મરિયમે પંજાબ વિશે શું કહ્યું?
લાહોરમાં એક ચૂંટણી રેલી દરમિયાન તેના પિતા નવાઝ શરીફને શ્રેય આપતા મરિયમ નવાઝે કહ્યું હતું કે, પીટીઆઈના કાર્યકાળમાં પંજાબ અનાથ જેવું હતું. પરંતુ હવે સિંહ પાછો આવી ગયો છે અને પંજાબ પહેલા જેવું જ છે અને આમ જ ચાલશે. પાકિસ્તાનમાં પંજાબના મુખ્યમંત્રી પદ માટે ફરીથી ચૂંટણી 22 જુલાઈએ યોજાશે. પીએમએલ-એનના વર્તમાન મુખ્યમંત્રી હમઝા શરીફ ત્યાં સુધી પદ પર રહેશે. આ પહેલા પંજાબ વિધાનસભાની ખાલી પડેલી 20 સીટો પર પેટાચૂંટણી માટે 17 જુલાઈએ મતદાન થશે.