પાકિસ્તાન વિશ્વભરની આતંકવાદની ફેક્ટરી: ભારતના UNHRCમાં જોરદાર પ્રહારો
- પાકિસ્તાને વધુ એકવાર વૈશ્વિકમંચનો દુરુપયોગ કરીને જમ્મુ-કાશ્મીરનો મુદ્દો ઉઠાવ્યો
જિનીવા, 5 માર્ચ: ભારતે વિશ્વના ઘણા મંચોમાં પાકિસ્તાનની નિંદા કરી છે અને તેની વાસ્તવિકતા છતી કરી છે. આ જ કારણ છે કે, પાકિસ્તાન વૈશ્વિક મંચો પર અલગ પડી ગયું છે. ભારતે સંયુક્ત રાષ્ટ્ર પરિષદો અને અન્ય વૈશ્વિક મંચોમાં આતંકવાદને આશ્રય આપવાની પાકિસ્તાનની આદતનો પર્દાફાશ કર્યો છે. તાજેતરનો કેસ UNHRCનો છે. જેમાં ભારતે સંયુક્ત રાષ્ટ્ર માનવાધિકાર પરિષદ (UNHRC)માં પણ પાકિસ્તાન પર આકરા પ્રહારો કર્યા અને તેને ‘વિશ્વની આતંકવાદ ફેક્ટરી’ ગણાવી છે.
India exercises Right of Reply at #HRC55 pic.twitter.com/OwiUEjwVAZ
— India at UN, Geneva (@IndiaUNGeneva) March 4, 2024
મળતી માહિતી અનુસાર, ભારતે UNHRCમાં જમ્મુ અને કાશ્મીરનો મુદ્દો ઉઠાવવા બદલ પાકિસ્તાનની ટીકા કરી અને કહ્યું કે, “તેમણે પહેલા તેમના અત્યંત નબળા માનવાધિકાર રેકોર્ડ પર ધ્યાન દેવું જોઈએ.” ભારતે કહ્યું કે, “પાકિસ્તાન વૈશ્વિક સ્તરે “વિશ્વની આતંકવાદની ફેક્ટરી” તરીકે ઓળખાય છે. જિનીવામાં સંયુક્ત રાષ્ટ્રમાં ભારતના કાયમી મિશનમાં અન્ડર સેક્રેટરી જગપ્રીત કૌરે સોમવારે UNHRCના 55મા નિયમિત સત્રમાં સામાન્ય ચર્ચામાં દેશના જવાબના અધિકારનો ઉપયોગ કર્યો હતો.
પાકિસ્તાને કાશ્મીર રાગ આલાપ્યો
આ પહેલા પાકિસ્તાને ઓર્ગેનાઈઝેશન ઓફ ઈસ્લામિક કો-ઓપરેશન (OIC) વતી બોલતા પોતાના નિવેદનમાં જમ્મુ-કાશ્મીરનો મુદ્દો ઉઠાવ્યો હતો. જગપ્રીત કૌરે કહ્યું કે, ‘અમે આ સત્ર દરમિયાન અગાઉ સ્ટેજ લીધો હતો અને વિશેષ પ્રતિનિધિમંડળ(પાકિસ્તાન-OIC) દ્વારા ભારત વિશેની અચોક્કસ ટિપ્પણીઓના જવાબમાં કાઉન્સિલનો સમય બગાડવાની અમારી અનિચ્છા વ્યક્ત કરી હતી. આ પ્રતિનિધિમંડળ આમ કરે છે કારણ કે તેની પાસે ફાળો આપવા માટે કંઈ રચનાત્મક નથી.”
પાકિસ્તાન IOC પ્લેટફોર્મનો કરી રહ્યું છે દુરુપયોગ: ભારત
પાકિસ્તાનનું નામ લીધા વિના, જગપ્રીત કૌરે કહ્યું કે, “તે દુર્ભાગ્યપૂર્ણ છે કે ‘આ દેશ ભારતની ટીકા કરવાનું ચાલુ રાખી રહ્યું છે, જેમાં પોતાના રાજકીય રીતે પ્રેરિત એજન્ડાને આગળ ધપાવવા IOCના પ્લેટફોર્મનો દુરુપયોગ કરવાનો પણ સમાવેશ થાય છે.’ તેઓએ વધુમાં કહ્યું કે, ‘અમે પ્રતિક્રિયા આપીને તેમની આવી ટિપ્પણીઓને પ્રોત્સાહન આપવા માંગતા નથી.’
આ પણ જુઓ: ફરી લંબાવ્યો મિત્રતાનો હાથ! PM મોદીએ શાહબાઝ શરીફને શુભેચ્છા પાઠવી
