4300 કરોડની માલકીન, કોણ છે ઋષિ સુનકની પત્ની ?

બ્રિટનમાં વડાપ્રધાન પદના ઉમેદવાર રિશી સુનક જોરશોરથી પ્રચારમાં વ્યસ્ત છે. આ દરમિયાન ઋષિ સુનકને તેના પરિવારનો પણ સપોર્ટ મળ્યો છે. રવિવારે ઋષિ સુનકની પત્ની અક્ષતા મૂર્તિએ પોતાના પતિ માટે પ્રચાર કર્યો હતો. આ દરમિયાન ઋષિ સુનકના બાળકો પણ તેમની સાથે દેખાયા હતા. બ્રિટનમાં પીએમ પદના ઉમેદવારી માટે ચૂંટણી પ્રચારમાં તેમના પરિવારનો સાથ મળતા ખૂબ જ ખુશ દેખાતા હતા. તેણે તેના પરિવાર સાથે લીધેલી તસ્વીરો પણ સોશિયલ મીડિયા પર શેર કરી છે.

ઋષિ સુનકે પરિવાર સાથેની તસ્વીરો શેર કરી છે

ઋષિ સુનકે તેના ઓફિશિયલ ઈન્સ્ટાગ્રામ હેન્ડલ પરથી તેના પરિવાર સાથેનો એક ફોટો પોસ્ટ કર્યો અને કેપ્શનમાં લખ્યું, “ગ્રાંટહેમમાં કાલની ઇવેન્ટ માટે મારા પરિવારના સમર્થન માટે ખૂબ આભાર. તેમજ સાથે આવેલા દરેક વ્યક્તિનો આભાર.

ઋષિ સુનક પરિવાર સાથે ખૂબ જ ખુશ દેખાતા હતા

તમને જણાવી દઈએ કે ઋષિ સુનકે શેર કરેલી તસવીરોમાં તે, તેમની પત્ની અક્ષતા મૂર્તિ અને તેમની બે દીકરીઓ જોવા મળી રહી છે. દરેકના ચહેરા પર ખુશી દેખાય છે. અન્ય એક ફોટોમાં પરિવારના ચાર સભ્યો પણ એકબીજા સાથે વાત કરતા જોવા મળે છે. ફોટામાં ઋષિ સુનક પણ ચૂંટણી પ્રચાર દરમિયાન તેમની પુત્રીનો હાથ પકડેલો જોવા મળે છે.

કોણ છે અક્ષતા મૂર્તિ ?

જાણી લો કે ઋષિ સુનકની પત્ની અક્ષતા મૂર્તિ ભારતની સૌથી મોટી આઈટી કંપનીઓમાંની એક ઈન્ફોસિસના સ્થાપક નારાયણ મૂર્તિની પુત્રી છે. અક્ષતા મૂર્તિ બ્રિટનની સૌથી અમીર મહિલાઓમાંથી એક છે.

અક્ષતા મૂર્તિ પાસે બ્રિટનની રાણી કરતાં પણ વધુ સંપત્તિ છે

કહેવાય છે કે, અક્ષતા મૂર્તિની સંપત્તિ બ્રિટનની મહારાણી એલિઝાબેથ કરતાં પણ વધુ છે. સન્ડે ટાઈમ્સમાં છપાયેલા અહેવાલ મુજબ, જ્યાં ક્વીન એલિઝાબેથની સંપત્તિ 3500 કરોડ રૂપિયા છે, ત્યાં અક્ષતા મૂર્તિની સંપત્તિ લગભગ 4300 કરોડ રૂપિયા છે.