દિલ્હીની આ સીટ પર ઓવૈસીએ વટ પાડી દીધો, ભાજપ કરતા 5 હજાર મતથી આગળ

નવી દિલ્હી, 8 ફેબ્રુઆરી: 2025: દિલ્હી વિધાનસભા ચૂંટણીમાં મતદાન બાદ આજે મતગણતરી ચાલી રહી છે. રાજ્યની ઓખલા વિધાનસભા બેઠક પર આમ આદમી પાર્ટીના વર્તમાન ધારાસભ્ય અમાનતુલ્લાહ ખાન, ભાજપના મનીષ ચૌધરી અને કોંગ્રેસના અરીબા ખાન વચ્ચે જોરદાર મુકાબલો જોવા મળી રહ્યો છે. AIMIM એ પણ અહીં પોતાના ઉમેદવાર ઉતારીને સ્પર્ધાને રોમાંચક બનાવી છે. આ દિલ્હીની એવી બેઠકોમાંથી એક છે જ્યાં ભાજપ અત્યાર સુધી ખાતું ખોલી શકી નથી. મુસ્લિમ ઉમેદવારો અહીં દર વખતે જીત્યા છે. શરૂઆતના વલણોમાં, AAPના અમાનતુલ્લાહ ખાન ઓખલા બેઠક પરથી આગળ ચાલી રહ્યા છે. ત્યારે ઓખલા બેઠક પરથી ભાજપના મનીષ ચૌધરીએ લીડ લીધી છે, જ્યારે અમાનતુલ્લાહ ખાન બીજા સ્થાને છે.

દિલ્હીની ચૂંટણી પર આખા દેશની નજર છે. દિલ્હીના લોકોના દિલમાં શું છે તે થોડા સમયમાં ખબર પડશે. મત ગણતરી માટે લોકોમાં અનેરો ઉત્સાહ છે. મુસ્લિમ પ્રભુત્વ ધરાવતી ઓખલા વિધાનસભા બેઠક પર, આમ આદમી પાર્ટી (AAP) એ અમાનતુલ્લાહ ખાનને મેદાનમાં ઉતાર્યા છે જ્યારે ભારતીય જનતા પાર્ટી (BJP) એ મનીષ ચૌધરીને મેદાનમાં ઉતાર્યા છે. કોંગ્રેસે આ બેઠક પરથી અરીબા ખાનના રૂપમાં પોતાનો પડકાર રજૂ કર્યો છે. અરીબા ખાન ભૂતપૂર્વ ધારાસભ્ય આસિફ મોહમ્મદ ખાનની પુત્રી છે અને તે માત્ર 29 વર્ષની છે.

અસદુદ્દીન ઓવૈસીની પાર્ટી AIMIM એ શિફા-ઉર-રહેમાન ખાનને મેદાનમાં ઉતાર્યા છે, જે જામિયા મિલિયા ઇસ્લામિયા યુનિવર્સિટીના AAJMI ના પ્રમુખ છે અને દિલ્હી રમખાણોના આરોપસર જેલમાં છે. 2020 ની વિધાનસભા ચૂંટણીમાં, AAP ઉમેદવાર અમાનતુલ્લાહ ખાને ઓખલા બેઠક જીતી હતી. અમાનતુલ્લાહે ભાજપના ઉમેદવાર બ્રહ્મસિંહને ખૂબ જ સરળ સ્પર્ધામાં 71,827 મતોના માર્જિનથી હરાવ્યા હતા.

આ પણ વાંચો..દિલ્હી ચૂંટણીના પરિણામો ઉપર દેશના નામચીન બૂકીઓનો કરોડોનો સટ્ટો, જાણો કોને કેટલી બેઠકનું અનુમાન?