નેપાળમાં ભૂસ્ખલન, 13 લોકોએ ગુમાવ્યો જીવ
નેપાળના અચ્છમ જિલ્લાના જુદા જુદા ભાગોમાં ભૂસ્ખલન થતા 13 લોકોના મોત થયા તો 10 ગુમ થયા છે. નાયબ મુખ્ય જિલ્લા અધિકારીના જણાવ્યા મુજબ ભૂસ્ખલનને કારણે પશ્ચિમ નેપાળના અચ્છમ જિલ્લાના વિવિધ ભાગોમાંથી 13 લોકોના મોત થયા, 10 લોકો ગુમ થયા હતા. તેમજ 10 લોકોને બચાવી લેવામાં આવ્યા હતા. અધિકારીના કહેવા મુજબ-અવિરત વરસાદના કારણે અહીં વીજ-રોડ ખોરવાતા સામાન્ય જનજીવન પ્રભાવિત થયું છે.
નેપાળના દાર્ચુલા જિલ્લાના બાંગબગાડ વિસ્તારમાં ગયા શનિવારે પૂર અને ભૂસ્ખલનમાં ઓછામાં ઓછા બે લોકોના મોત થયા હતા અને 11 લોકો ગુમ થયા હતા.
અવિરત વરસાદને કારણે લસ્કુ અને મહાકાલી નદીઓ છલકાઈ ગઈ હતી, જેના કારણે અનેક મકાનો અને બે પુલ ધોવાઈ ગયા હતા.
નેપાળમાં વાર્ષિક ચોમાસાની મોસમ દરમિયાન પૂર અને ભૂસ્ખલનની આફતોને કારણે ઘણી જાનહાનિ નોંધાઈ રહી છે.
At least 13 dead, 10 missing and 10 rescued from various parts of Achham District in Far West Nepal, due to landslides: Deputy Chief District Officer Dipesh Rijal
In wake of the calamity, Home Minister has ordered to deploy helicopters for search and rescue operation
— ANI (@ANI) September 17, 2022
ઘણા લોકો કાટમાળમાં દટાયા
અછામમાં વિવિધ સ્થળોએ ભૂસ્ખલન થયા બાદ સવારથી સ્થાનિક વહીવટીતંત્ર અને પોલીસની ટીમ બચાવ કાર્યમાં લાગેલી છે. જિલ્લા પોલીસ કચેરીના વડા અછામ ડીએસપી નારાયણ ડાંગીએ જણાવ્યું હતું કે જિલ્લામાં વિવિધ સ્થળોએ ભૂસ્ખલનને કારણે મકાનોને નુકસાન અને દટાયા હોવાના અહેવાલો મળ્યા બાદ પોલીસ ટીમોને એકત્ર કરવામાં આવી છે.
પૂર્વ કૈલાલી પૂરમાં 600 ઘર પાણીમાં ગરકાવ
બીજી તરફ પૂર્વ કૈલાલીમાં શુક્રવારથી અવિરત વરસાદના કારણે 600 જેટલા મકાનો પાણીમાં ગરકાવ થઈ ગયા છે. પોલીસના જણાવ્યા અનુસાર, કાન્દ્રા અને પથરિયા નદીના પૂર અને વસાહતમાં પાણી પ્રવેશવાને કારણે 500 થી વધુ ઘરો ડૂબી ગયા હતા.
જિલ્લા પોલીસ કચેરી, કૈલાલીના પ્રવક્તા નાયબ પોલીસ અધિક્ષક (ડીએસપી) વેદ પ્રકાશ જોષીએ જણાવ્યું હતું કે, ભજની નગરપાલિકા-8માં પથરિયા નદીનું પાણી વસાહતમાં પ્રવેશવાને કારણે 160 જેટલા ઘરોમાં પાણી ભરાયા હતા.
સોનાફાંટા ટોલ, દલાઈખી ટોલ, ભારતન ટોલ, જનકપુર ટોલ અને છછરહવા ટોલ પૂરમાં આવી ગયા છે, એમ તેમણે જણાવ્યું હતું. નદીના જળસ્તરમાં હજુ પણ સતત વધારો થઈ રહ્યો છે. એ જ રીતે કંદ્રા નદીમાં પાણીનું સ્તર વધવાને કારણે મિલનપુર ટોલ, લાલબોજી અને પુલિયાપુર ટોલના 250 ઘરો ડૂબી ગયા છે, જ્યારે ભજની નગરપાલિકા-7ના શિબિર ટોલ, ગણેશમન ટોલ અને દક્ષિણપુરવા ટોલના 250 જેટલા મકાનો પણ ડૂબી ગયા છે. અહીં કેન્દ્ર નદીમાં પૂર આવ્યું છે. પોલીસના જણાવ્યા અનુસાર પૂર પ્રભાવિત લોકોને બહાર કાઢવાનું કામ ચાલી રહ્યું છે.
