બાંગ્લાદેશના યુનુસની તંગડી ઊંચીઃ ભારત સાથે સંબંધો અંગે હવે શું કહ્યું જાણો

બાંગ્લાદેશ, 4 માર્ચ 2025 :  બાંગ્લાદેશની વચગાળાની સરકારના મુખ્ય સલાહકાર મોહમ્મદ યુનુસે તાજેતરમાં ભારત વિરુદ્ધ ઘણા નિવેદનો આપ્યા હતા. પરંતુ હવે અચાનક તેના તેવર અને સૂર બદલાતા જોવા મળે છે. મોહમ્મદ યુનુસે કહ્યું કે બાંગ્લાદેશ પાસે ભારત સાથે સારા સંબંધો સિવાય બીજો કોઈ વિકલ્પ નથી.

એક ઈન્ટરવ્યુ દરમિયાન મોહમ્મદ યુનુસના શબ્દો બદલાતા જોવા મળ્યા હતા અને દરરોજ ભારત પર પ્રહારો કરતા યુનુસે હવે કહ્યું છે કે ભારત અને બાંગ્લાદેશ એકબીજા પર નિર્ભર છે, તેથી બાંગ્લાદેશ પાસે ભારત સાથે સારા સંબંધો રાખવા સિવાય બીજો કોઈ વિકલ્પ નથી.

ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો 

https://chat.whatsapp.com/LuLIACK4WTYDPGdlAsSGrD

https://chat.whatsapp.com/FU8bgMOynfgJl4wCoEeiJw

https://chat.whatsapp.com/K2iNelyylPD9ZoDNpMuN9o

જો કે, આ દરમિયાન તેણે એમ પણ કહ્યું છે કે કેટલાક પ્રચારથી ચોક્કસપણે બંને દેશો વચ્ચે કેટલાક સંઘર્ષ સર્જાયા છે. મોહમ્મદ યુનુસે બીબીસી બાંગ્લાને આપેલા ઈન્ટરવ્યુમાં તે પ્રચારના સ્ત્રોતોનું નામ લીધું ન હતું. તેમણે કહ્યું કે બાંગ્લાદેશ ભારત સાથેના સંબંધો સુધારવા માટે ગેરસમજ દૂર કરવાનો પ્રયાસ કરી રહ્યું છે.

મોહમ્મદ યુનુસનું નિવેદન પીએમ મોદી સાથેની સંભવિત મુલાકાત પહેલા આવ્યું છે
BIMSTEC સમિટ થાઈલેન્ડમાં 3-4 એપ્રિલે યોજાવાની છે. મોહમ્મદ યુનુસે આ ઘટનાના એક મહિના પહેલા જ આ નિવેદન આપ્યું છે. આ કોન્ફરન્સ દરમિયાન પીએમ મોદી અને મોહમ્મદ યુનુસ વચ્ચે દ્વિપક્ષીય બેઠક થઈ શકે છે.
ભારત-બાંગ્લાદેશ સંબંધોને ‘ખૂબ સારા’ ગણાવ્યા

બાંગ્લાદેશની વચગાળાની સરકારના વડાએ ઇન્ટરવ્યુ દરમિયાન બંને દેશો વચ્ચેના સંબંધોને ખૂબ સારા ગણાવ્યા છે. તેમણે કહ્યું, “બંને દેશોના સંબંધોમાં કોઈ પીછેહઠ નથી. અમારા સંબંધો હંમેશા સારા રહેશે. આ સંબંધ અત્યારે સારા છે અને ભવિષ્યમાં પણ સારા રહેશે.”

“અમારા સંબંધો ખૂબ જ નજીકના છે, અમે એકબીજા પર ખૂબ જ નિર્ભર છીએ. બંને દેશો ઐતિહાસિક, રાજકીય અને આર્થિક રીતે એટલા નજીક છે કે અમે ક્યારેય અલગ રહી શકીએ નહીં,” તેમણે કહ્યું.

આ પણ વાંચો : તસ્કરોએ ભગવાનને પણ ના છોડ્યા: વડોદરામાં પૌરાણિક કાશી વિશ્વનાથ મંદિરની દાનપેટીઓ ઉઠાવી