માત્ર 1 હેન્ડ બેગ અને 7 કિલો સુધીનું વજન… ફ્લાઇટમાં લગેજ લઈ જવાના બદલાયા નિયમો, જાણો વિગતે

• નિયમોમાં ફેરફારનું કારણ એરપોર્ટ પર સુરક્ષા તપાસ દરમિયાન વધતી ભીડ છે

નવી દિલ્હી, 25 ડિસેમ્બર: હવાઈ મુસાફરી કરનારાઓ માટે મહત્વના સમાચાર છે. બ્યૂરો ઓફ સિવિલ એવિએશન સિક્યોરીટી (BCAS)એ હેન્ડ લગેજના નિયમોમાં ફેરફાર કર્યા છે. આ નિયમો 2 મે, 2024 બાદ બુક કરાયેલી ટિકિટ પર લાગુ થશે. આ ફેરફારનું કારણ એરપોર્ટ પર સુરક્ષા તપાસમાં વધતી ભીડ છે. CISF અને BCASએ મળીને આ નવા નિયમો બનાવ્યા છે. હવે તમે ફક્ત એક જ હેન્ડ બેગ લઈ જઈ શકશો, જેનું વજન અને કદ મર્યાદિત રહેશે. કેટલીક છૂટ જૂની ટિકિટો માટે છે. ઈન્ડિગો જેવી એરલાઈન્સે પણ પોતાના નિયમો જણાવ્યા છે.

જો કોઈ હવાઈ મુસાફરી કરવાનું વિચારી રહ્યું છે, તો તેમણે BCASની નવી હેન્ડ લગેજ પોલિસી જાણવી જરૂરી છે. હવે કોઈ એક વ્યક્તિ ફક્ત એક જ હેન્ડ બેગ લઈ શકે છે અને તેની પણ મર્યાદા 7 કિલો સુધીની જ છે. જો કે, બિઝનેસ ક્લાસમાં તેની મર્યાદા 10 કિલો સુધીની છે.

BCAS અને CISF દ્વારા સંયુક્ત રીતે નિર્ણય લેવામાં આવ્યો

BCAS એટલે કે બ્યુરો ઓફ સિવિલ એવિએશન સિક્યુરિટીએ હવાઈ મુસાફરો માટે હેન્ડ લગેજના નિયમોમાં ફેરફાર કર્યો છે. એરપોર્ટ પર સુરક્ષા તપાસ દરમિયાન વધતી ભીડને ઘટાડવા માટે આ ફેરફાર કરવામાં આવ્યો છે. સેન્ટ્રલ ઇન્ડસ્ટ્રીયલ સિક્યોરિટી ફોર્સ (CISF), જે એરપોર્ટની સુરક્ષાનું ધ્યાન રાખે છે, તેણે BCAS સાથે મળીને આ નિર્ણય લીધો છે. નવા નિયમો અનુસાર, મુસાફરો હવે વિમાનમાં ફક્ત એક જ હેન્ડ બેગ લઈ જઈ શકશે. આ નિયમ તમામ ડોમેસ્ટિક અને ઈન્ટરનેશનલ ફ્લાઈટ્સ માટે છે. જો તમારી પાસે એક કરતાં વધુ બેગ હશે, તો તમારે તેનું ચેક ઇન કરવું પડશે.

નવા નિયમો શું કહે છે?

નવા નિયમ મુજબ, હેન્ડ બેગનું વજન 7 કિલોથી વધુ ન હોવું જોઈએ. આ નિયમ ઈકોનોમી અને પ્રીમિયમ ઈકોનોમી ક્લાસ પેસેન્જર્સ માટે છે. ફર્સ્ટ અને બિઝનેસ ક્લાસના મુસાફરો 10 કિલો સુધીની હેન્ડ બેગ લઈ જઈ શકે છે. બેગની સાઈઝ પણ નક્કી કરવામાં આવી છે. ઊંચાઈ 55 સેમી (21.6 ઈંચ), લંબાઈ 40 સેમી (15.7 ઈંચ) અને પહોળાઈ 20 સેમી (7.8 ઈંચ)થી વધુ ન હોવી જોઈએ. બેગનું કુલ માપ 115 સે.મી.થી વધુ ન હોવું જોઈએ. જો તમારી બેગ નિર્ધારિત મર્યાદા કરતા મોટી અથવા ભારે હશે, તો તમારે વધારાની ફી ચૂકવવી પડી શકે છે.

જો તમે 2 મે, 2024 પહેલા તમારી ટિકિટ બુક કરાવી હશે, તો તમને થોડું ડિસ્કાઉન્ટ મળશે. ઈકોનોમી ક્લાસના મુસાફરો 8 કિલો સુધીની બેગ લઈ જઈ શકે છે. પ્રીમિયમ ઇકોનોમી માટે 10 કિગ્રા અને ફર્સ્ટ અથવા બિઝનેસ ક્લાસ માટે 12 કિગ્રાનું ડિસ્કાઉન્ટ છે. ધ્યાનમાં રાખો કે, આ ડિસ્કાઉન્ટ માત્ર 2 મે, 2024 પહેલા બુક કરાયેલી ટિકિટ પર જ લાગુ થશે. જો તમે આ તારીખ પછી તમારી ટિકિટમાં કોઈ ફેરફાર કરો છો, તો તમારે નવા નિયમોનું પાલન કરવું પડશે.

Indigoએ ખાસ સુવિધા આપી

Indigo એરલાઈન્સે તેના હેન્ડ લગેજ નિયમો પણ સમજાવ્યા છે. ઈન્ડિગોના મુસાફરો એક કેબિન બેગ લઈ શકે છે, જેનું કદ 115 સેમીથી વધુ ન હોય અને વજન 7 કિલો સુધી હોય. આ ઉપરાંત, પર્સનલ બેગ, જેમ કે લેડીઝ પર્સ અથવા નાની લેપટોપ બેગ પણ લઈ જઈ શકે ચે. જેનું વજન 3 કિલોથી વધુ ન હોવું જોઈએ. તેનો અર્થ એ કે, ઈન્ડિગોમાં તમને બે બેગ લઈ જવાની સુવિધા મળે છે: એક કેબિન બેગ અને એક પર્સનલ બેગ.

આવી સ્થિતિમાં, આગામી વખતે જ્યારે તમે પ્લેનમાં મુસાફરી કરો છો, ત્યારે આ નવા નિયમોને ધ્યાનમાં રાખો. આ માહિતી તમને એરપોર્ટ પર કોઈપણ પ્રકારની મુશ્કેલીથી બચાવશે. તમે તમારી એરલાઈનની વેબસાઈટ પર જઈને પણ સંપૂર્ણ માહિતી મેળવી શકો છો. મુસાફરી કરતા પહેલા તૈયારી કરી લો, જેથી તમારી યાત્રા સુખદ રહે.