જે ભારતમાં જન્મે છે, અહીં ખાય છે અને અહીંનું પાણી પીવે છે તે હિન્દૂ છે, જાણો કોણે કહ્યું આવું ?

કેરળના ગવર્નર આરિફ મોહમ્મદ ખાને શનિવારે હિંદુ સંમેલન દરમિયાન કહ્યું હતું કે જે કોઈ પણ ભારતમાં જન્મે છે, અહીં ખોરાક ખાય છે અને તેની નદીઓનું પાણી પીવે છે તે હિન્દુ છે. ઉલ્લેખનીય છે કે, અલીગઢ મુસ્લિમ યુનિવર્સિટીના સ્થાપક સર સૈયદ અહેમદ ખાનના શબ્દોને યાદ કરતા તેમણે આ વાત કહી હતી. આરીફ મોહમ્મદ ખાને સર સૈયદ ખાનના કથિત શબ્દો ટાંક્યા કે એક દાયકા પહેલા આર્ય સમાજની એક બેઠક દરમિયાન તેણે પોતાને હિન્દુ કહેવાનો આગ્રહ કર્યો હતો. કેરળના રાજ્યપાલે કહ્યું, સર સૈયદ અહમદ ખાન માનતા હતા કે હિંદુ કોઈ ધાર્મિક શબ્દ નથી. તેણે તેને ભૌગોલિક શબ્દ ગણાવ્યો હતો.

તમારે મને હિંદુ કહેવો જોઈએ

આરીફ મોહમ્મદ ખાને વધુમાં જણાવ્યું હતું કે સર સૈયદ અહેમદ ખાને આર્ય સમાજના લોકોને કહ્યું હતું કે તમે મને હિંદુ કહો, કારણ કે હિંદુ એ ભૌગોલિક શબ્દ છે અને જે ભારતમાં જન્મે છે તે હિંદુ કહેવાને પાત્ર છે. તેમણે વધુમાં જણાવ્યું હતું કે વસાહતી યુગ દરમિયાન હિંદુ, મુસ્લિમ અને શીખ જેવી પરિભાષાઓનો ઉપયોગ કરવો એકદમ યોગ્ય હતો કારણ કે અંગ્રેજોએ નાગરિકોના સામાન્ય અધિકારો નક્કી કરવા માટે સમુદાયોને આધાર બનાવ્યા હતા.

સતામણીનો ભોગ બનેલા લોકો માટે દરવાજા ખુલ્લા

આ કાર્યક્રમમાં કેન્દ્રીય મંત્રી વી મુરલીધરન પણ હાજર હતા. તેમણે આરોપ લગાવ્યો કે રાજ્યમાં અમને એવું અહેસાસ કરાવવાનું ષડયંત્ર ચાલી રહ્યું છે કે હું હિંદુ છું એવું કહેવું ખોટું છે. તેમણે કહ્યું કે આઝાદી પહેલા પણ સનાતન ધર્મમાં માનનારા તમામ રાજાઓ અને શાસકોએ તમામ ધાર્મિક સમૂહોને ખુલ્લા દિલથી સ્વીકાર્યા હતા. એ જ રીતે, વડા પ્રધાન નરેન્દ્ર મોદીની આગેવાની હેઠળની કેન્દ્ર સરકાર પડોશી દેશોમાં અત્યાચારનો ભોગ બનેલા લોકો માટે દરવાજા ખોલી રહી છે.