સ્માર્ટસિટી સુરતની આ કેવી સૂરત ! ‘ભ્રષ્ટાચારના ભૂવામાં ફસાઈ કાર
સુરતમાં મહાનગરપાલિકાની બેદરકારીનો ભોગ લોકોને બનવાનો વારો આવ્યો છે. મહાનગરપાલિકાના રાંદેર ઝોનમાં એલપી સવાણી રોડ પર ફરી એકવાર ભ્રષ્ટાચારનો મહાકાય ભૂવો પડ્યો છે. મહાનગરપાલિકાએ ઉતાવળે રોડ બનાવવાની કામગીરી પૂરી કરી હતી. જેની સાબિતી રોડ બનાવ્યાના 15 મિનિટમાં જ મળી ગઈ. જી હાં, રોડ બનાવ્યાની લગભગ 15 મિનિટમાં જ ભૂવો પડ્યો અને તેમાં કાર ફસાઈ હતી. જેને લઈ પાલિકાની કામગીરી સામે અનેક સવાલ ઉભા થયા છે.
સ્માર્ટ સીટી સુરતમાં ભુવો પડ્યો અને કાર ફસાઈ ગઈ
અડાજણમાં એલપી સવાણી રોડ પર ભુવો પડ્યો, કાર ફસાઈ ગઈ#Surat #suratnews #SmartCity #rain #RoadSafety #potholes #Gujarat #GujaratiNews #Humdekhengenews pic.twitter.com/NQ53dId2Ao
— Hum Dekhenge News (@humdekhengenews) September 15, 2022
સુરત મહાનગરપાલિકાના રાંદેર ઝોનમાં પાલનપુર થી એલપી સવાણી રોડ પર બે દિવસ પહેલા મોટો ભૂવો પડ્યો હતો. પાલિકાએ આ ભૂવો રિપેર કરવાની કામગીરી કરી હતી. પાલિકાએ રોડ બનાવી લીધો અને ખાડો પણ પૂરી દીધો હતો. રોડ બનાવવાની કામગીરી પૂરી કરી અને બસ તેની 15 જ મિનિટમાં એક કાર જતી હતી તે કાર તેમાં ફસાઈ ગઈ હતી. અચાનક ખાડામાં કાર ફસાતા અફરા-તફરી મચી ગઈ હતી. રસ્તા પર ખાડામાં કાર ફસાતા ટ્રાફિક જામ થઈ ગયો હતો. પાલિકાએ રોડ બનાવ્યોને 15 થી 20 મિનિટમાં ફરીથી ખાડો પડતા આ રોડ બનાવવામાં કેટલો ભ્રષ્ટાચાર થયો હશે તે વિચારી શકાય તેમ છે.
