મુખ્યમંત્રી બનતા જ ઓમર અબ્દુલ્લાએ લીધો મોટો નિર્ણય, DGને આપ્યો આ આદેશ

શ્રીનગર, 16 ઓક્ટોબર : જમ્મુ-કાશ્મીરમાં 10 વર્ષ બાદ યોજાયેલી વિધાનસભા ચૂંટણીના પરિણામો જાહેર થયા બાદ ઓમર અબ્દુલ્લા કેન્દ્ર શાસિત પ્રદેશના નવા સીએમ બન્યા છે. તેમણે આજે શ્રીનગરમાં શેર-એ-કાશ્મીર ઇન્ટરનેશનલ કોન્ફરન્સ સેન્ટર (SKICC) ખાતે હોદ્દા અને ગુપ્તતાના શપથ લીધા હતા. તેમની સાથે 5 વધુ મંત્રીઓએ પણ શપથ લીધા હતા. ઓમર અબ્દુલ્લાએ મુખ્યમંત્રી પદના શપથ લીધા બાદ પહેલો નિર્ણય લીધો છે.

I have spoken to the DG @JmuKmrPolice that there is to be no “green corridor” or traffic stoppage when I move anywhere by road. I have instructed him to minimise public inconvenience & the use of sirens is to be minimal. The use of any stick waving or aggressive gestures is to be…

— Omar Abdullah (@OmarAbdullah) October 16, 2024

ઓમર અબ્દુલ્લાએ તેમનો કાફલો રસ્તા પરથી પસાર થાય ત્યારે ગ્રીન કોરિડોર ન બનાવવા સૂચના આપી છે. જમ્મુ અને કાશ્મીરના મુખ્યમંત્રી ઓમર અબ્દુલ્લાએ ટ્વીટ કર્યું, “મેં જમ્મુ અને કાશ્મીર પોલીસના મહાનિર્દેશક સાથે વાત કરી છે કે જ્યારે હું રોડ માર્ગે ક્યાંય પણ જાઉં ત્યારે કોઈ ‘ગ્રીન કોરિડોર’ ન બનાવવો જોઈએ કે ક્યાંય પણ ટ્રાફિકને રોકવો જોઈએ નહીં. મેં તેમને જાહેર અસુવિધા ઘટાડવા અને સાયરનનો ન્યૂનતમ ઉપયોગ કરવાનો નિર્દેશ આપ્યો છે.”

સીએમએ આગળ લખ્યું, “કોઈપણ પ્રકારની લાકડી હલાવવા અથવા આક્રમક હાવભાવ સંપૂર્ણપણે ટાળવા જોઈએ.  હું મારા કેબિનેટ સાથીદારોને દરેક બાબતમાં સમાન ઉદાહરણને અનુસરવાનું કહી રહ્યો છું. અમે અહીં લોકોની સેવા કરવા માટે છીએ અને તેમને અસુવિધા કરવા માટે નથી.”

સુરિન્દર ચૌધરી જમ્મુ-કાશ્મીરના નાયબ મુખ્યમંત્રી બન્યા

જમ્મુ-કાશ્મીરના મુખ્યમંત્રી ઓમર અબ્દુલ્લાએ બુધવારે પાર્ટીના નેતા સુરિન્દર ચૌધરીને નાયબ મુખ્યમંત્રી તરીકે પસંદ કર્યા છે. ઓમર અબ્દુલ્લાએ કહ્યું કે તેમણે આ પદ માટે નૌશેરાના ચૌધરીને પસંદ કર્યા કારણ કે તેઓ વિસ્તારના લોકોને પ્રતિનિધિત્વ આપવાની સાથે તેમની સરકારને સમાવેશી બનાવવા માંગે છે.

આ પણ વાંચો :- દિલ્હીથી બેંગલુરુ જઈ રહેલી ફ્લાઈટમાં બોંબની ધમકી, ટેકઓફ બાદ ઇમરજન્સી લેન્ડિંગ